اقـــبــح الســــيـــارات

[PRO-DRIVE]

حبيت بس بدل ما نعمل موضوع علي اجمل السيارات

نعمل موضوع علي اقبح السيارات اللي ممكن تشوفها في حياتك

و حبدأ اولا بالقائمه بتاعتي للأقبح

بونتياك ازيتيك




طبعا دي تستاهل جائزه اقبح سياره علي مر العصور او الاقبح علي الاطلاق

PACER



تقريبا دي ممكن يتقال عليها حوض سمك مش عربيه ايه القزاز دا كله

هاااامر



و مازلت عند رأيي انها من اقبح السيارات في الوجود



فيات مالتيبا



من اقبح ما صمم المخلوق البشري


لانشيا THESIS




مرسيدس VANEO



مرسيدس بتعمل برضه عربيات وحشه جداا

و في سانج يونج بس مش فاكر اسمها حشوفها و حجيبلكم صورها




كل واحد زي ما قلت في الاول يشارك و يحط القائمه بتاعته في اقبح السيارات اللي عرفها في حياته :D

[Nader]

خد عندك



اف جي كروزر من تويوتا تحس ان عندها حول شوية.


و البي تي كروزر برضة

[TAG_Turbo0]

انا معاك ان البونتيك الى فوق دى شكلها يقرف
والبتاعه الى تحتها الى عامله زى فردة الجزمة دى
و فيات مالتيبا
دول فعلا شكلهم سيئ للغاية

بس انا شايف اللانشيا شيك جدا
والهمر والمرسيدس شكلهم مقبول طبقا لفئة السيارة

ودى أسوأ عربية فى نظرى

سان يونج مش فاكر ايه بالظبط



ودى كمان
هافى سمبو



انا كنت عامل موضوع عنها

http://www.nilemotors.net/Nile/showthread.php?t=22385

[fahd_628]

حرام عليك يا احمد انا شايف ان البيسر شكلها حلو :) انا شفتها مرة فى PIMP MY RIDE :) و كانت شبة الكورة :)

انا شايف ان هافى سمبو دية ممكن تاخد اقبح عربية فى العالم بجد شكلها مقرف و كمان الشيرى V2

انا مش عارف مين الى صممها




و جيلى AOO




يععععععععععععععععععععععععععععع

[Ahmad Allawy]

انتو يا جماعه عاملين مجهود جامد قوي ف الموضوع ده..
و بصراحة انا عمال اضحك من ساعة ما فتحت الموضوع..
مش باضحك علي قبج الصور ولا منظ العربيات الزبالة دي..
انا باضحك لي التعليقات اللي انتو كاتبينها..
جامدين جدا الكلمتين دول..
اقبح ما صمم المخلوق البشري.. ولا حوض السمك ولا فردة الجزمة.. :) :) :) :) :) :)
ولا الهافي السامبو دي كمان.. مسخرة..
والله العربيات اللي بيقفلوها ف الوكالة عندنا في مصر تلفيق دي.. (واحد صاحبي كان بيطلق علي العربيات دي نجعاوي.. :)) بتبقي انضف من المناظر الهلامية دي..

[Ahmad Allawy]

الله يجازيك يا فهد..
ايه المناظر دي..؟؟
العربية اللي هي شبه الفان دي.. تحسها كانت كويسة بس حاجة وقعت عليها لخبطت شكلها..
ومن قدام حدث ولا حرج.. هو ده ذزق و تصميم الصينيين.. دماغهم فيها زبالة في تصميم العربيات..
وايه اللبانة اللي ممضوغة و معمولة بالونة دي فيي هي جيلي..؟؟
دي بقي الاسؤأ علي الاطلاق..
تحسها عربيات اطفال صغيرين,. و الطفل سابهم في الارض وهو بيلعب..
جه باباه معدي داس عليها بوظها و اتشوهت..

[memoz]

وفيه الاسبرانزا ال السيدان ده 213 ده شكلها مقرف

[NaderNabil]

سوبارو معرفش اسمها ايه...بس بيجيلي قشعريرة اما ابص عليها

[TAG_Turbo0]

سوبارو معرفش اسمها ايه...بس بيجيلي قشعريرة اما ابص عليها

Subaru Tribeca

[Abo_Lina]

ماهيندرا سكوربيو و دايهاتسو ماتيريا

[NaderNabil]

جيلي الكوبيه



ماهيندرا سكوربيو

[TAG_Turbo0]

جيلي الكوبيه



ماهيندرا سكوربيو

بعيد عن الفيل أبو زلمومه الهندى ده

لو جيلى فعلا بتنزل عربية بالشكل ده بأى لازم نشتكى لوزارة الصحه أكيد الجيلى ده منتهى الصلاحية

[NaderNabil]

هوندا بس ايييييه......في الجلاش:)

[TAG_Turbo0]

فى ايه يا عم نادر اهدى شوية
الواحد خلاص مش قادر

[Ahmad Allawy]

ايه الكرتونة دي يا نادر..؟؟
لقيتها فين دي..؟؟ :) :) :) :) :) :) :)
الماهيندرا دي برضه شكلها في الطراوة ع الاخر..
الواحد مش عارف العجايب دي بتتحدف علينا منين..!!!