التكييف بقي يرمي تلج .. ده كدة معناه أيه ؟

[ahmedhawas]

لا طبعا عندك مشكلة !!
أهم شيء انك تتأكد ان الكومبرسور بيفصل - لو بيفصل يبأى الثرموستات تمام ، لو مبيفصلش ممكن يبأى الثرموستات السبب.
لو في تسريب في الفريون ممكن يحصل الموضوع ده برضو - ولو شحن الفريون قليل برضو هيحصل الكلام ده (خد بالك : قليل مش كتير).
أو إنسداد في مواسير الفريون أو expansion valve بايظ.
أو ان الكويل بتاع تلاجة التكيف أصبح بيكون تلج وده عيب مشهور: "evaporator icing"-- وشوية وهتلاقي ريحة مش كويسة أول ما تشغل التكييف-ولو فضلت مشغل التكييف فترة كبيرة التلج هيسد مسار الهوا تماما - وغالبا ده بيحصل لاحد الأسباب اللي فاتت.
وأحيانا خرطوم الفايص لما بيتسد بتتراكم الميه لحد ما تكتر وتتجمد عالتلاجة وتسبب الموضوع ده.

والله أعلم.

[Eng.Geo]

شكرا جدا
هروح أكشف عليه تاني عند كذا واحد وربنا يستر
هو اللي مطمني انه مفيش تنتيش والتكييف ساقع

[Mzeid]

البخار ده يدل على كفاءة وقوة المكيف وده عادي من رطوبة الجو

+111111

البخار دة تكثف لبخار الماء الموجود في الجو اللي هو يعني الرطوبة

[MOUSTAFA_SAAD]

يعنى كده صح ولا غلط

[Mzeid]

جيو متعرفش اسم الفريون دة ايه ؟

[Eng.Geo]

هو وراهوني
بس نسيت خالص
هبقي أروح أشوفه

[abdalah_hashem]

يا جيو المشكلة مش فى ان الفريون المانى ولا بتنجانى ولا امريكانى حتى هى هتختلف فى درجة النقاوة بتاعتة لاكن التبريد مش هيختلف كتير


انا بتاع الفيس :d فاكر الشنبر هههههه

[Eng.Geo]

فاكرك طبعا ههههههه
بس علي فكرة بتفرق ودرجة تأثره بالحرارة والحركات ده
ده اللي فهمته يعني
وهو علي فكرة جامد ومحدش ركب معايا اللا لما علق عالموضوع ده
تبريده سريع وفي أي وقت :)

[tigernet]

+111111

البخار دة تكثف لبخار الماء الموجود في الجو اللي هو يعني الرطوبة

لو دة طبيعى ياباشا كان يحصل فى كل العربيات و تبقى ظاهرة معروفة
و التكيفات الاى شغلة على مواتير 4000 سىسى مش بتعمل كدة

[EngAhmedSayed]

يايايايايايايايايايا بخـــــــــــــــــــتك
فى الحر ده
الثلج احسن من السونا قلى الواحد بيبقى فيها

[amado318]

انا كمان التكييف بتاعى بيطلع بخار من فتحات التهويه بعد تغير الخراطيم والسربنتينه وبقاله ثلاث شهور وشغال عادى وصورت البخار وهوة طالع منه والفريون صينى

[MOUSTAFA_SAAD]

المووضع ده بسبب شحن الفريون الزياده

[essamenen]

اسباب تكون الثلج
1- شحن الفريون ذياده
2- فلتر الهواء بتاع التكييف مسدود
3- ضعف المروحه
للتغلب على الموضوع ده
طبعا بعيد عن النايعيه لما تحس انه فى بخار مياه خلى الدراع بتاه اختيار نوعيه الهواء من داخل السياره اوخارجها فى النص او من الخارج هيدوب الثلج ان شاء الله

[Eng.Geo]

باركولي
الكومبريسور طار

[MOUSTAFA_SAAD]

باركولي
الكومبريسور طار

لاحول ولاقوة الا بالله