عملت حادثة جامدة

[hossamhookman]

السلام عليكم
يوم السبت اللى فات نازل من البيت متأخر و رايح على الجامعة Summer Course :(
الجامعة فى التجمع الخامس
و اكيد رايح مخنوق و ماشى و كله زى الفل
و طلعت دائرى
و بعدين الحتة المشهود لها بالحوادث عند برج سما
ماشى و لقيت الطريق قفل خمس حارات كله ماشى جمب بعضه 70 او 75 تقريبا
وبعدين فتحت يمين و شمال
طبعا قولت خلينى ايجابى و انتقلت من الحارة اليمين للحارة الوسطى
و زى الفل و بعدين قدامى نقل
قلت اعديه من الشمال ده اكيد بلاش يمين رغم انه كان فاضى بس قولت اسوق عدل
و بعدى و قام النقل قافل عليا و الحارة الشمال فيها عربية لانوس كحلى
و طبعا مكنش ينفع فرامل انا كنت خلاص دخلت و ريحت على اللانوس تريحة خفيفة و كنت ماشى 80 او 75
و فى اقل من ثانية و الله العظيم بقيت واقف فى الشمال عكس
اللى حصل فى الثانية ديه بالظبط
و انا بعدى اول ما ريحت على العربية اللانوس اللى بكل برود ما ريضيش يفرمل و لا يشيل رجله من على البنزين
وطبعا العربية شاهين و اول ما تقول يا زحلقه بتقلب Ken Block
و فقدان سيطرة 100 % المهم العربية من الشمال اتخبطت خبطة صغيرة من ادام المراية فى الحاجز الخرسانى
تسسبت فى فتح الكبوت بالكامل لغاية اللوك
طبعا كل الناس مستغربة من الحكاية ديه حتى انا ازاى الكبوت يفتح كل ده و انا ماشى 80
لاء لسه ما خلصطتش الحادثة
و قطعت الدائرى من الشمال لليمين و انا بحاول اعدل العربية و لا هيا هنا خالص و قبل ما اخبط فى الحاجز اليمين
كسرت شمال جامد قامت بعدت عن الحاجز و للاسف الشديد الكاوتش لطش فى الحاجز و اتكسر المساعد اليمين و را
و فقدان السيطرة زاد و العربية قطعت الدائرى مرة كمان من اليمين للشمال و حاولت اعدلها مفيش
اترزعت فى الحاجز من عند الفانوس الشمال و لفت فى مكانها و اترزعت تانى من عند الفانوس اليمين
و وقفت فى مكانها على الشمال عكس
و الحمد لله انا كنت لابس الحزام و انا طبعا فضلت متنشن تلات اربع ثوانى موش مصدق
و خرجت من العربية و الناس جريت عليا و الحمد لله
العربية بالظبط وقفت قدام مستشفى البنك الاهلى عند الشرطة العسكرية
و كتر خيرهم وقفوا معايا لغاية ماجالى موتسيكل مرور فضل واقف معايا حوالى نص ساعة حتى وصول الونش
و واحد بردوا فاعل خير
اول ما خرجت من العربية جرى عليا و قالى معاك بنسة
اديتوا مفتاح 9 فك سللك البطارية كتر خيره بصراحة ماكنتش هاتخطر على بالى ساعتها
طبعا الاضرار كبيرة جدا جدا جدا
تقريبا نص امامى
مقصات و مساعدين قدام
ومساعد ورا
و الكابينة نفضت الابواب كلها
عايزة زرجينة و انكماش فى السقف و الشاسيه من قدام اتلوح فردة يمين و فردة شمال
و اكصدامات و رفارف و فوانيس
الاكصطاد الامامى ملقتش منوا اى حاجه الا النمر
انفجر بالكامل
و قواعد الماتور اتكسرت
و البطحات واحدة فكت لحام و التانية اتمزقت
و طبعا نتيجة انكماش الكابينة القزاز الامامى طلع لبرة بشكل غريب و الحمد لله ما اتكسرش
بجد الخبطة فى الاسمنت مرعبة بشكل بتخبط فى حاجة غير قابلة للانضغاط
الحمد لله انى كنت لابس الحزام
و عايز حد يقدرلى تكلفة التصليح بالتقريب لو سمحتوا
مع العلم ان الماتور سليم و الحمد لله
و بعد لما نزلت جالى بتاع اللانوس و مانزلش من عربيتوا و قالى" كده خرشمتلى العربية منك لله "
للى كان عندوا بس هوا تطبيقة فى الرفرف تترد ب 50 جنيه و لا حاجه
اسيبكم مع الصور


Uploaded with ImageShack.us



Uploaded with ImageShack.us



Uploaded with ImageShack.us




Uploaded with ImageShack.us

انكماش الكبوت يوضح قوة الحادثة


Uploaded with ImageShack.us

البطاحة اللى اتفك برشامها



Uploaded with ImageShack.us

المزق فى البطاحة التانية


Uploaded with ImageShack.us



Uploaded with ImageShack.us


بعد الحادثة ب يومين ماشى على الاوتوستراد على رجلى قبل كبرى مشاه صقر قريش بحوالى 200 متر و واحد ظريف كده خبط فيها و هاب حسيت انى جيبى خف و لسه بقول حرامى لقيته ناطط على فزبا و طيران
طبعا انا عملت الاجراءات الرسمية و قالولى احتمال يرجع ربنا يسهل
الموبايل اللى اتسرق Nokia E7
الحمد لله ان الاسبوع خلص على خير
و ربنا يستر على الجميع

[smsm_nabawy]

الف الف اللللللف حمد لله على سلامتك يا حسام !!!

سلامتك بالدنيا يا حسام والله !!

و ان شاء الله كل ده مش حيتكلف أكتر من 20 ألف و العربية ترجع فابريييكة و احسن !!و أنا حسألك ناس معرفة تجار جملة ،، عن النص القدماني و ارد عليك !!

و الححمممممممد لـلــــــــــــــه أن الماتور و الجير بوكس وكل ده سليم !!!

لأن لو مكنش كده ،، كنت حنصحك تبيعها خرده !! لكن طالما كده ،، يبقى ان شاء الله ترجع سليمة , احسن !!

[hossamhookman]

الف الف اللللللف حمد لله على سلامتك يا حسام !!!

سلامتك بالدنيا يا حسام والله !!

و ان شاء الله كل ده مش حيتكلف أكتر من 20 ألف و العربية ترجع فابريييكة و احسن !!و أنا حسألك ناس معرفة تجار جملة ،، عن النص القدماني و ارد عليك !!

و الححمممممممد لـلــــــــــــــه أن الماتور و الجير بوكس وكل ده سليم !!!

لأن لو مكنش كده ،، كنت حنصحك تبيعها خرده !! لكن طالما كده ،، يبقى ان شاء الله ترجع سليمة , احسن !!

الله يسلمك يا حسام
انا السمكرى قالى 10 الاف
و حاسس بيراعينى و لا حاجه
ده الحج لما يجى من السفر هيظبتنى
هيا حاليا عند السمكرى

[hossamhookman]

من الدروس المستفادة
شيل الكاوتش ال 165 الزبالة من العربية الشاهين
بالذات الكاوتش النسر

[ahmedhawas]

قدر الله وماشاء فعل
والحمد لله إنك انت بخير

[abdalah_hashem]

الحمد لله المهم انت بخير
وربنا يعوض عليك فى العربية والموبايل

[hossamhookman]

قدر الله وماشاء فعل
والحمد لله إنك انت بخير

الحمد لله المهم انت بخير
وربنا يعوض عليك فى العربية والموبايل

شكرا يا رجالة

[TAMERHASSAN]

الحمد الله علي سلامتك وربنا يعوض عليك

[dr_abooody]

حمد لله على سلامتك و بعد كدا حاول تلتزم في الحارة بتاعتك على قد ما تقدر لان الواحد مش عارف اية اللي جاي في اليمين او الشمال
والحتة بتاعت برج سما دة وحشة جدااا و نحدرة بغباء الحمد لله قدر الله و ما شاء فعل ة ان شاء الله تتصلح و تشد تاني

[saadelden]

فداك العربيه و الحمدلله انك طلعت سليم

و العربيه طالما سمكره بس مش هتتكلف فوق 10000 جنيه حتى لو جبت نص استيراد
كان فيه عربيه شاهين مقلوبه عند السمكري بتاعي و اتكلفت 4000 جنيه سمكره و 800 دوكو و اتغيرلها نص امامي

ممكن تكلم ورشه نايل موتورز و اكيد هايفيدوك اكتر

[zago]

لا حول ولا قوه الا بالله
الف حمد الله على سلامتك
فداك

[Elawany13]

لا حول ولا قوة إلا بالله
قدر الله وماشاء فعل
وحمد الله على سلامتك
فدك 100 عربيه

[osama.m]

فداك العربية والموبيل و الحمد لله على سلامتك

[madaxman]

من الدروس المستفادة
شيل الكاوتش ال 165 الزبالة من العربية الشاهين
بالذات الكاوتش النسر

++++++++++++++111111111111

فعلا بجد الكاوتش دا كارثه ع شاهين ويكاد يكون منعدم الثبات انا صاحبي كان مركبه وغيره ب جنوط و كاوتش 185 بعدها بأسبوع كان ماشي ع 100 ودخل ملف جامد ورفع الهاند العربيه بسم الله ما شاء الله لفت بيه 4 مرات وفي مسافه قصيره جدا وثابته ف مكانها طبعا كلها أقدار بس بردو نعمل بالأسباب وحمدلله علي سلامتك الصاج كله بيتعدل لكن الواحد لما بيحصل فيه حاجه مش بيرجع زي الاول

[graffittiii]

حمدالله علي سلامتك يباشا ....وفداك 1000 عربية ...