جنون التكنولوجيا :: «المثبت » يغدر بسائق «الجيب» وينطلق بسرعة «205كم»

[Ashraf_Ibrahim]

يبقه الواحد يحط 5 لتر بنزين بخمسه لتر اضمن

الرد دا لفت انتباهي
معندناش مثبت سرعة يا صديقي عشان نحط 5 تر ب 5 لتر
ومش كل مواتير عربياتنا تقدر توصل للسرعة الجبارة دي

[amado318]

انا مرة من جهلى كنت راكب عربيه باسات بتاعت جوز اختى والدراع الى على الشمال بتاع مثبت السرعه كنت مفكرة دراع نور وعمال احرك فيه والعربيه تزيد سرعتها فين وفين على اما فهمت

[ahmedhawas]

مختلف معاك فى موضوع الفرامل

العربيات دى بيبقى الفرامل بتاعتها قادرة على تحمل درجات حرارة عالية + أن الفرامل مش بتبقى ضعيفة فى حالة أنك دايس بنزين على الأخر......الفرامل بتبقى عادية.......و بعدين الزمن اللى هتاخده السيارة للتوقف من سرعة 200 مثلاً للصفر و بالراحة مش بسرعة هيكون قد أيه ؟
دقيقتين ؟؟؟؟
الفرامل بتاعة العربيات دى تستحمل.

هو القصة نفسها فيها حاجة مش طبيعية.......حاجة ناقصة.

و فعلاً أنه يجيب الفتيس على ال n أنسب حل.....و يسيب العربية تقف براحتها.

مع إحترامي لرأي حضرتك طبعا !!!
بس أنا كمان مختلف معاك تماما وكليا.

1- العربيات اللي فراملها بتكون قادرة على تحمل درجات حرارة عالية جدا :

هي عربيات الدراج والعربيات الرياضية وفي الغالب بتلاقي الطنابير مخرمة وفيها كذا مجرى لتحسين عملية التبريد أثناء الفرملة.

2- الفرامل مش بتبقى ضعيفة وانت دايس بنزين عالاخر ... الفرامل بتبقى عادية ؟؟ إزاي حضرتك!!!

(دايس بنزين عالاخر يعني بوابة الثروتل مفتوحة عالاخر = فاكيوم المانيفولد صفر= يبقى ولا كأن السيرفو موجود)
بالظبط زي ماتكون نازل من على كوبري والعربية مكتسبة سرعة عالية جدا وانت طافي الموتور - دوس فرامل بقى وحاول توقفها : صدقني هتحتاج اتنين تلاتة ييجوا يدوسوا معاك عالدواسة عشان العربية تقف!! (طبعا حركة غلط جدا --- ممنوع حد يعملها)

3- حضرتك عاوز تدوس على دواسة الفرامل لمدة دقيقتين وفي نفس الوقت دايس بنزين عالاخر(أو الكروز كنترول معلق) والفرامل تستحمل الكلام ده؟؟؟؟؟

بصراحة أشك في الكلام ده + انها ممكن تاخد أكتر بكتير أوي من دقيقتين وفي كلتا الحالتين صعب ان الفرامل تستحمل الظروف دي.
التيل والطنابير هيوصلوا لدرجة الإحمرار وهيحصلهم (brake fade)وهيفقدوا قدرتهم على الفرملة تماما.

عشان كده لما حصلت مشاكل (تعليق الاكسيراتير عالاخر) في أمريكا ، كانت النصايح (إما انك تمور العربية ، أو تطفي الكونتاكت بحيث الدركسيون ميقفلش) ، وبعد كده تفرمل شوية شوية بالتدريج لحد العربية ما تقف.
ال pdf ده هيعجبك أوي:
http://www.prioritydispatch.net/down...ator_Stuck.pdf

والله أعلم.

[Ahmed Selim]

مع إحترامي لرأي حضرتك طبعا !!!
بس أنا كمان مختلف معاك تماما وكليا.

1- العربيات اللي فراملها بتكون قادرة على تحمل درجات حرارة عالية جدا :

هي عربيات الدراج والعربيات الرياضية وفي الغالب بتلاقي الطنابير مخرمة وفيها كذا مجرى لتحسين عملية التبريد أثناء الفرملة.

2- الفرامل مش بتبقى ضعيفة وانت دايس بنزين عالاخر ... الفرامل بتبقى عادية ؟؟ إزاي حضرتك!!!

(دايس بنزين عالاخر يعني بوابة الثروتل مفتوحة عالاخر = فاكيوم المانيفولد صفر= يبقى ولا كأن السيرفو موجود)
بالظبط زي ماتكون نازل من على كوبري والعربية مكتسبة سرعة عالية جدا وانت طافي الموتور - دوس فرامل بقى وحاول توقفها : صدقني هتحتاج اتنين تلاتة ييجوا يدوسوا معاك عالدواسة عشان العربية تقف!! (طبعا حركة غلط جدا --- ممنوع حد يعملها)

3- حضرتك عاوز تدوس على دواسة الفرامل لمدة دقيقتين وفي نفس الوقت دايس بنزين عالاخر(أو الكروز كنترول معلق) والفرامل تستحمل الكلام ده؟؟؟؟؟

بصراحة أشك في الكلام ده + انها ممكن تاخد أكتر بكتير أوي من دقيقتين وفي كلتا الحالتين صعب ان الفرامل تستحمل الظروف دي.
التيل والطنابير هيوصلوا لدرجة الإحمرار وهيحصلهم (brake fade)وهيفقدوا قدرتهم على الفرملة تماما.

عشان كده لما حصلت مشاكل (تعليق الاكسيراتير عالاخر) في أمريكا ، كانت النصايح (إما انك تمور العربية ، أو تطفي الكونتاكت بحيث الدركسيون ميقفلش) ، وبعد كده تفرمل شوية شوية بالتدريج لحد العربية ما تقف.
ال pdf ده هيعجبك أوي:

http://www.prioritydispatch.net/downloads/vehicle_protocol/Accelerator_Stuck.pdf

والله أعلم.

ال PDF حلو......بس خلى بالك هو معمول على أساس أنه يناسب أى عربية

نيجى بقى للكلام على اللاند كروزر
1- سطح الطنابير بيكون أكبر من العادى......و ده بيسمح بتوزيع الحرارة + العربية بتبقى الطنابير بتاعتها الأمامى على الأقل مهواة من المنتصف.....إن مكانش الخلفى كمان.
2- بدون الدخول فى تفاصيل فنية كثيرة.....معايا 4*4 و سوقت 4*4 و بجرى بيهم لحد 180 أو 200....و الفرامل عادية على السرعات دى.
و هقول لحضرتك على حاجة تانية......تحيل نفسك مكان السواق اللى حصل معاه الموضوع ده
- كان بيحاول يظبط الكروز كنترول على 140.....يعنى هو فعلياً كان ماشى أقل
- الوقت اللى هتاخده العربية للوصول من سرعة أقل من 140 إلى سرعة 205 هيكون كام....10 ثوانى ؟
- هل الوقت ده مش كافى أنه ياخد باله و العربية على سرعة 150 أو 160 أو 170 أن فيه حاجة غلط و كان يقدر يدوس فرامل بالراحة على السرعات دى ؟؟؟؟
على فكرة الموقف ده حصل معايا بالعربية الميجان
فى الميجان طول ما أنت دايس على زرار ال + بتاع السرعة بيفضل الكروز كنترول يعد....و لحد ما تبطل تدوس هيقف.....يعنى لو فضلت دايس لحد ما العداد بتاع الكروز يظهر سرعة 200 العربية بتاخد الأوردر كأنك عاوزها توصل ل 200.....و بتفضل تتسارع لحد ما توصل للسرعة دى.........عكس النيسان مثلاً......طول ما أنت دايس على accelerate بتفضل تزود.....مجرد ما تشيل أيدك بتهدى
و لما الموقف ده حصل أنت طبيعى بتاخد بالك....يعنى السرعة اللى أنت عاوز توصلها مقارنة بالسرعة اللى العربية بتحاول توصلها.....و بالتالى بتبتدى تعرف أن فيه حاجة مش مظبوطة بتحصل و بتبتدى تهدى السرعة.
3- أيوة ممكن تدوس على الفرامل و انت دايس بنزين عاى الأخر و الفرامل مش هتوصل لدرجة الأحمرار بالسرعة دى.
و أخيراً عاوز أقول لحضرتك أن ال burn outs اللى بتتعمل بعربيات أوتوماتيك بتكون عن طريق أستخدام الفرامل و البنزين مع بعض......و فى الإمارات فيه مسابقات للموضوع و بيقعدوا بال 3 و 4 دقايق يعملوا burn out بالطريقة دى من غير ما الفرامل توصل للإحمرار.

و برضه..........الله أعلم :)

تقبل تحياتى.

[smsm_cato]

أكيد وانت جوا العربية حتترعب وخصوصا فوق 200 كم/س ، وممكن تفكيرك ميوصلكش لأنسب حل.(عشان في حلول كتيييير مش هتنفع)
1- هل أدوس فرامل ؟؟
مش هتسعفك -- عشان الكروز كنترول معلق أو دواسة البنزين معلقة للاخر - وده معناه ان دواسة الفرامل هتكون تقيلة جدا عشان مفيش فاكيوم وبالتالي السيرفو مش هيساعدك في الفرملة -وبالتالي تأثير الفرامل هيكون ضعيف جدا قصاد دواسة بنزين معلقة في موتور جباااااار.
ملحوظة: لو دواسة البنزين عالاخر -يعني بوابة الثروتل مفتوحة عالاخر - يعني الفاكيوم قليل جدا جدا - فهتلاقي دواسة الفرامل تقيييلة جدا.
ملحوظة تانية: لما تدوس فرامل في الحالة دي ، وتلاقي تاثيرها ضعيف جدا --- يفضل متدوسش فرامل تاني ؛ عشان االتيل كده هيسخن جدا فيحصله (تبليط) - وهيفقد جميع خواصه الإحتكاكية ويبأى ولا ليه لازمة.
وعشان كده في أمريكا عملوا مواصفة جديدة إسمها Brake override system ، يعني لو دواسة البنزين عالاخر ودواسة الفرامل عالاخر ؛ الفرامل تكسب - واعتقد نيسان سبقت هوندا وتويوتا في الموضوع ده.
طب إزاي : الكنترول يونيت هتدي سيجنال لطلمبة البنزين بقطع البنزين عن الموتور ، أو تدي سيجنال للفتيس انه يمور (كأن العصاية بأت على N). ويبأي الفرامل بس هي اللي بتأثر عالعربية في الحالة دي.

2- هل أطفي الكونتاكت؟؟
لو طفيت الكونتاكت هتحصل 3 حاجات:
الفرامل هتحجر وتأثيرها هيبقى ضعيف
الباور هيتلغي - لو صادفك شيء عالطريق ممكن يبأى صعب تفاديه.
أقل مناورة عالطريق ممكن تخلي الدركسيون يقفل(يسوجر) - ياسلام !! تبأى ماشي على 200 والدركسيون بيحود بيك غصب واخدك ورايح على فين ، الله أعلم.
وغالبا الكونتاكت مش هينطفي إلا على P أو N - مش كده ولا إيه ؟؟

3- متهيألي كان أنسب شيء يمور N
هيلاقي صوت الموتور علي عالاخر ووصل للمنطقة الحمرا - ويستخدم الفرامل لحد ما العربية تقف
إلا بأى لو الفتيس مبيقبلش ال N في الحالة دي - الله أعلم.

بس الموضوع مش بسيط خالص يا جماعة -- ولا هما بالسذاجة دي واحنا اللي نابهين أوي.

انا معاك فى كل كلامك الناس عماله تتريق ومش عامله حساب احتمالات كتير تكون واجهتة اولا فكرة مثبت السرعة انه يفصل لما بتدوس فرامل يعنى اكيد طالما المثبت علق هيبقى مفيش استجابة للفرامل وبالنسبة للاقتراح اللى بيقول كان يحط الفتيس على وضع n متهيألى والله اعلم ممكن يكون خاف يعمل كده وهو على السرعة دى تفادى لاى مشكله تحصل فى الفتيس تؤدى الى عواقب سيئة وبالنسبة للكونتاكت ممكن فعلا ميستجبش لو فى مشكله فى العربية وخصوصا الكهرباء وده حصل معايا فى عربيتى 128 3p القديمة بفصل العربية بعد ما وصلت الشغل مفيش اى حاجة حصلت قفلت المفتاح وطلعته من الكونتاكت وبرضة العربية شغالة احط المفتاح واحركة وارجع اقفل بردة شغالة فصلت البطارية وبردة مفيش فايدة بقيت هتجنن روحت مدى العربية غيار وشيلت رجلى من على الدبرياش مرة واحد من غير ما ادوس بنزين راحت مبطلة ورجعت على الكهربائى وظبطها اللى عايز اوصلة تخيل ان عربيتى قديمة ومفيهاش مثبت ولا تقنيات حديثة وحصل معايا كده ما بالك دى بقى وافتكر بردة ان تويوتا دفعت تعويضات لاسر بسبب حوادث من نفس النوع بسبب تعليق السرعة وزيادتها تلقائيا بسبب عيوب تصنيع فارجو من الاخوة الاعضاء عدم التريقة لانك لو حطيت نفسك مكانة مش هتسمح ان حد يتريق عليك لان كفاية الصدمة والخوف اللى هتبقى فيه فى حاله زى دى

[ahmedhawas]

ال PDF حلو......بس خلى بالك هو معمول على أساس أنه يناسب أى عربية

نيجى بقى للكلام على اللاند كروزر
1- سطح الطنابير بيكون أكبر من العادى......و ده بيسمح بتوزيع الحرارة + العربية بتبقى الطنابير بتاعتها الأمامى على الأقل مهواة من المنتصف.....إن مكانش الخلفى كمان.
2- بدون الدخول فى تفاصيل فنية كثيرة.....معايا 4*4 و سوقت 4*4 و بجرى بيهم لحد 180 أو 200....و الفرامل عادية على السرعات دى.
و هقول لحضرتك على حاجة تانية......تحيل نفسك مكان السواق اللى حصل معاه الموضوع ده
- كان بيحاول يظبط الكروز كنترول على 140.....يعنى هو فعلياً كان ماشى أقل
- الوقت اللى هتاخده العربية للوصول من سرعة أقل من 140 إلى سرعة 205 هيكون كام....10 ثوانى ؟
- هل الوقت ده مش كافى أنه ياخد باله و العربية على سرعة 150 أو 160 أو 170 أن فيه حاجة غلط و كان يقدر يدوس فرامل بالراحة على السرعات دى ؟؟؟؟
على فكرة الموقف ده حصل معايا بالعربية الميجان
فى الميجان طول ما أنت دايس على زرار ال + بتاع السرعة بيفضل الكروز كنترول يعد....و لحد ما تبطل تدوس هيقف.....يعنى لو فضلت دايس لحد ما العداد بتاع الكروز يظهر سرعة 200 العربية بتاخد الأوردر كأنك عاوزها توصل ل 200.....و بتفضل تتسارع لحد ما توصل للسرعة دى.........عكس النيسان مثلاً......طول ما أنت دايس على accelerate بتفضل تزود.....مجرد ما تشيل أيدك بتهدى
و لما الموقف ده حصل أنت طبيعى بتاخد بالك....يعنى السرعة اللى أنت عاوز توصلها مقارنة بالسرعة اللى العربية بتحاول توصلها.....و بالتالى بتبتدى تعرف أن فيه حاجة مش مظبوطة بتحصل و بتبتدى تهدى السرعة.
3- أيوة ممكن تدوس على الفرامل و انت دايس بنزين عاى الأخر و الفرامل مش هتوصل لدرجة الأحمرار بالسرعة دى.
و أخيراً عاوز أقول لحضرتك أن ال burn outs اللى بتتعمل بعربيات أوتوماتيك بتكون عن طريق أستخدام الفرامل و البنزين مع بعض......و فى الإمارات فيه مسابقات للموضوع و بيقعدوا بال 3 و 4 دقايق يعملوا burn out بالطريقة دى من غير ما الفرامل توصل للإحمرار.

و برضه..........الله أعلم :)

تقبل تحياتى.

1- اللي أعرفه ان سطح الطنابير لما يكون أكبر من العادي ، فده عشان يزودوا القوة الفرملية.(هل ليه علاقة بتوزيع الحرارة، معرفش؟؟)
عشان العربيات التقيلة زي ماهي محتاجة موتور قوي عشان تمشي صح ، فهي أيضا محتاجة فرامل قوية عشان تفرمل صح.
(طنبورة أكبر يعني نص قطر أكبر من نص السرة إلى نص التيل = دراع عزم أكبر يبقى عزم الفرامل أكبر)
2- انا عمري ما قلت ان الفرامل ضعيفة على 180 أو 200
(لو رجعت لمشاركتي هتلاقيني بتكلم عالثروتيل وهو مفتوح والفاكيوم والسيرفو)
3-بالنسبة لنقطة رقم 3 فكلام حضرتك للأسف خطأ.
والفرامل بالفعل بتوصل للإحمرار وكمان على سرعات أقل من كده ، وفي زمن أقل بكتير من اللي حضرتك قدرته.
واستخدام الفرامل في الحالة بتاعتنا خطر جدا ، عشان كده مجابوش سيرتها في ال PDF
أما بالنسبة للعربيات اللي بتقول انها بتعقد 3 أو 4 دقايق burnout فالموضوع عندهم مختلف تماما.
والعربيات ال stock بتختلف عن التيونرز + في حضرتك high temperature brake pads أو performance brake kits بتستحمل درجات الحرارة العالية وبتستخدم في النوع ده من الرياضات.
شوف الفيديو يا باشا ؛ ويارب أكون أقنعتك !!
‪Red Hot disk brakes‬‏ - YouTube

وبرضه ...... تقبل تحياتي.

[Ashraf_Ibrahim]

جميل جدا النقاش الي هنا
ربنا يبارك فيكم

[Esam Mosaad]

تخيلوا انتوا بقى لو الخبر صحيح
نتعقد من الطرق المفتوحه الى يقدر يمشى بالعربيه لحد مبالنزين يفضى وميلاقيش عربي كارو بتقطع الطريق بالعرض
ولا نتعقد من سرعه استجابه البوليش ليه وعربيتهم وذكائهم

الى داخل يقول بيكلوا ويرمى نص الاكل فى الزباله وزعلان اوى
طالما انت بتقدر النعمه بتاعت ربنا وعندك دماغك ودرياه بالحاجه الى فى ايدك معنى كدا اننا نستحق نكون افضل منهم فى التفكيير والنظام صح ولا ايه

[osos_lion]

اكتر حاجه عجباني في الموضوع ده ان الحكومه خايفه علينا عشان كده رافعه الجمارك علي الرفهيات دي
يعني اديكو شفتو مثبت السرعه ممكن يعمل ايه
ولا الاير باج لو فتحت ممكن تعورنا في منخيرنا وهتغير فيها تابلوه
ولا لو العربيه فيها ازاز كهربا هنتعلم الكسل
ولو في اي بي اس الناس كلها هتجري عشان عارفه ان عربيتهم هتقف مع الفرمله انما لو شالوه المتهورين بس هما الي هيجروا

[levelpower]

كان هيخبط في أول عربية تيجي قدامه و انتهى الأمر. و طبعًا هو الغلطان و قابلني على ما تثبت حقك.

+++11111

[Elawany13]

"مثبت السرعة" يثير رعب السعوديين و"المرور" يوقفه بالرصاص!
تزايدت الحالات وتحطيم الزجاج يحل المشكلة



منقووووووووووووول
عادت المشكلات التقنية المتعلقة بخاصية "تثبيت السرعة" في السيارات إلى الواجهة من جديد عندما لم تجد الجهات الأمنية في السعودية بداً من إطلاق النار على الزجاج الخلفي لمركبة مواطن لإيقافها بعدما رفضت السيارة التجاوب لأي محاولات لسائقها بعد رفض "مثبت السرعة" التجاوب لتصل سرعتها إلى أكثر من 200 كم في الساعة.

الحادثة التي كانت لمواطن مسافر بين العاصمة الرياض ومحافظة حفر الباطن (شمال) بدأت عندما فقد السائق التحكم في سيارته لتتصاعد سرعتها لتصل إلى 220 كم بعد تثبيتها على السرعة الأولى. رجال الأمن الذين تواصلوا مع السائق واجهوا خطر دخول السيارة لمناطق سكنية ليتم استئذان السائق في إطلاق الرصاص على الزجاج الخلفي على أمل توقف السيارة وذلك بعد نصيحة من مجموعة من الشباب قالوا إن ذلك ناجح من خلال تجارب سابقة.

قائد السيارة قال إنه لم يتمكن من إيقاف السيارة أو تخفيف سرعتها وأنه حاول تثبيت السرعة على 120 كم ليفاجأ بها تتصاعد إلى 220كم في سيارة من طراز "لاندكروزر" 2010.

الطريقة التي يؤكدها شباب ومراهقون وهواة في هذا المجال قالوا إن كسر الزجاج في هذه الحالة من شأنه أن يحدث تخفيفا للضغط داخل السيارة، وإن كانوا لا يملكون تفسيرات علمية وواقعية لذلك إلا أن الأمر نجح في تغيير الضغط داخل السيارة وفك تعليق مثبت السرعة الآلي.

هذا فيما قال مدير مرور حفر الباطن المقدم ضيف الله الجبلي "أطلقت ثلاث طلقات على السيارة، أخطأت الأولى. بينما أصابت الطلقتان الأخريان زجاج السيارة، لتنخفض سرعتها، وتتوقف تماماً قبيل خمسة كيلومترات من مدخل حفر الباطن. هذا ليس بطوليا، بل هو واجب يمليه علي وطني وشرف المهنة التي أنتمي إليها".

يذكر أن حالات تعطل خاصية "مثبت السرعة" بدأت تشعل جدلا بعد تكرر حالات واجه فيها عدد من المواطنين خطر الموت وقامت فيها الدوريات الأمنية بالتصرف على طريقة بعض الأفلام الأمريكية مثلما حدث لشاب عشريني قبل فترة وجيزة، عقب تعطُّل مثبت سرعة سيارته اليابانية الصغيرة، موديل ٢٠11 وهو يسير على سرعة 140 كيلو متراً في الساعة على طريق الخرج - الرياض حيث قامت الدوريات بمرافقة السيارة وفتح نقاط التفتيش. ومن خلال التواصل بالجوال ساندته 12 دورية للشرطة فتحت أمامه كل الحواجز وحولت المسارات للطرق السريعة حتى توقفت السيارة أخيرا نتيجة نفاد الوقود.

هذا فيما ينصح فنيون من يتعرض للمشكلة باتخاذ الاحتياطات الأمنية والمرورية اللازمة، ومحاولة تهدئة سرعتها بالدوس على دواسة الفرامل بشكل خفيف مستمر مع استخدام فرامل اليد وبشكل خفيف وتدريجي أيضا حتى تنخفض سرعة السيارة للحد المعقول ومحاولات (تفضية القير) وإطفاء المحرك.


حالات أخرى


وكان مواطن كويتي قد روى لصحيفة "الأنباء" الكويتية لحظات مرعبة مر بها لنفس السبب، وقال للصحيفة في 11 سبتمبر 2011 "رأيت الموت بعيني على مدار 170 كيلومترا تشهدت أكثر من مرة وشعرت بأن الموت قريب مني إلى أقصى حد ممكن، كنت أسير بسرعة تصل إلى 190كم وأنه وبشكل فجائي وجد أن كل آليات المركبة قد توقفت عن الاستجابة"، مضيفا: "كنت مسافرا عبر طريق الرياض ـ الدمام. رجال الأمن السعوديين الذين اتخذوا كل ما من شأنه حمايتي، حيث قاموا بإفراغ الطريق من جميع المركبات وكانوا على تواصل معي ثانية بثانية، ثم أبلغوني بأنهم اتصلوا بالشركة المصنعة للمركبة، أو بالأحرى بوكيلها في السعودية ونصحهم بأن أكسر زجاج المركبة. أخيراً طلبوا مني الضرب بشدة على مفتاح السيارة لربما تنتهي المشكلة وفعلت ذلك وكانت هناك شاحنة نقل بعد عشرين مترا حينما توقفت المركبة وأصبت بإغماء ونقلت إلى المستشفى".


وفي 17 من الشهر الماضي تمكنت دورية أمن طرق في المدينة المنورة من إنقاذ مواطن عندما تعطل جهاز مثبت السرعة في سيارته وهو يسير بسرعة 160 كيلو مترا. وخاطر رجل الأمن بحياته عندما استقل إحدى السيارات التابعة لدوريات أمن الطرق وابتكر طريقة "الاصطدام الارتدادي" من خلال تجاوز السيارة المسرعة وتخفيف السرعة أمامها بطريقة منتظمة حتى تمكن من استيقاف السيارة، بالتنسيق مع غرفة عمليات أمن الطرق والتي كانت تتواصل مع الطرفين في الوقت ذاته". واعتبرت تلك الواقعة الثالثة من نوعها التي تتعامل معها قوات أمن الطرق بين المدينة المنورة ومكة المكرمة بنجاح، بعد تمكنها قبل ذلك من إيقاف سيارتين تعرضتا لأعطال في الأجهزة المثبتة للسرعة".

حادثة أخرى كانت لمواطن على طريق الحجاز السريع تعطلت فيها أجهزة التحكم بالسرعة متجاوزة 200كم في الساعة على طريق الحجاز السريع، لتتوقف بعد أن نفد منها الوقود وقال المواطن لـ"الرياض" قمت بتثبيت سرعة السيارة على 140 ك وتفاجأت بأن السيارة بدأت بزيادة السرعة حتى وصلت 205كم وحاولت إيقافها وفصل مثبت السرعة ولم استطع كما حاولت إطفاء السيارة وربط الفرامل ولم أستطع حيث كانت السيارة تسير بأقصى سرعة ولم تستجب لأي عمل أقوم به، لهذا اتصلت بدوريات أمن الطرق فبادروا بمتابعة الوضع وفتح الطريق لي من نقاط تفتيش وتم إبعاد السيارات التي تعيق سيري".

وفيما تعذر أي تجاوب اليوم لأي مسؤول في وزارة التجارة للعطلة الأسبوعية فلم يصدر منها تعليق حول ذلك إلا أنه تنقل تصريح سابق لأحد مسؤوليها في حادثة سابقة التأكيد أنها وجهت وكلاء السيارات بموافاتها بالإجراءات الاحترازية التي يجب اتخاذها في حال تعطل إلغاء مثبت السرعة عن العمل، مشيراً إلى أن الوزارة ستتابع ردود الشركات وستعلن ما يردها عن الإجراءات عبر وسائل الإعلام.

المصدر من موقع العربية الأخبارى

"مثبت السرعة" يثير رعب السعوديين و"المرور" يوقفه بالرصاص

[wama1903]

كان الخبر هيكون إما ماس كهربائي أدى إلى اشتعال السيارة... أو مختل عقليا يقود سيارة فارهة وسط المدينة

ههههههههههه

[Amr Axel]

انا لما قولت قبل كده انه خطر و ممكن يعلق و يؤدي لكارثة محدش صدقني و كله نزل هجوم عليا
لأن في الأول و الاخر ديه حتة حديدة و حاجة من صنع الانسان
الحمد الله اهو عشان محدش بس يقولي لأ و مش لأ
يعني الراجل ده يحمد ربنا ان الدوريات قامت بالواجب و الشوارع فاضية عندهم اساسا فلتتخيلوا لا قدر الله و حصلت هنا كان ايه اللي هيحصل كانت هتؤدي لكارثة
اذا كانت عندنا كوارث من غيره فتخيلوا بيه ايه اللي هيحصل لو علق

ربنا يستر طريق الجميع

[moh19227]

مش فاهم يعني ايه حاول يطفي العربيه ومرضيتش !!

[el_nahal2004]

انا لما قولت قبل كده انه خطر و ممكن يعلق و يؤدي لكارثة محدش صدقني و كله نزل هجوم عليا
لأن في الأول و الاخر ديه حتة حديدة و حاجة من صنع الانسان
الحمد الله اهو عشان محدش بس يقولي لأ و مش لأ
يعني الراجل ده يحمد ربنا ان الدوريات قامت بالواجب و الشوارع فاضية عندهم اساسا فلتتخيلوا لا قدر الله و حصلت هنا كان ايه اللي هيحصل كانت هتؤدي لكارثة
اذا كانت عندنا كوارث من غيره فتخيلوا بيه ايه اللي هيحصل لو علق

ربنا يستر طريق الجميع

انا مع حضرتك وربنا يسترنا جميعا