الكاوتش لما يفرقع

[mustafavet]

السلام عليكم
انا بس كنت عاوز اسال ايه اللي هيحصل لو
1 - انفجر الاطار الامامي للسيارة
2 - انفجر الاطار الخلفي للسيارة
علشان اللي وقت صلاحيته قرب ادخله علي العجل اللي ورا لو مفيش منه خطورة
اتمني بجد الرد لاني مرعووووووووووووووووب
لاني شوفت حادثة قريب نتيجه انفجار الكاوتش الامامي

[re3ooo]

اوعه في يوم في حاله لقدر الله الكاوتش الامامي انفجر منك وانتا ماشي تدوس فرامل سبها خاااالص لغايه متقف لوحدها وتبت في الدريكسيون اوي اوي اوي ويكون اهم حاجه اعصابك هاديه جدا وكلو في الاخر بتاع ربنا
والكاوتش الوراني برضو نفس الكلام

[mustafavet]

شكرا علي ردك يافندم
بس سؤال يعني الاثنيين سواء امامي او خلفي بيعملوا انحراف لمسار السيارة؟

[M.Alaa92]

الخلفى لو انفجر يخلى ضهر العربية شبه ديل السمكة
الامامى لو انفجر تبت ف الدريكسيون جامد و خليها تقف لوحدها و مش حيلف

[mustafavet]

يعني كدا الخلفي اخطر من الامامي ولا انا فهمت غلط؟

[osama.m]

لا العكس الامامي هو اللي اخطر عشان لو سايق بسرعة و مقدرتش تمسك الدركسيون كويس و تمنع العربية انها تحود هيبقى في احتمال ان لا قدر الله العربية تقلب
غير كدا لو دوست فرامل و دا ممكن يحصل بنسبة 90 % لان هو دا اول رد فعل الواحد هيعملة .. فا احتمال العربية تقلب هيبقى اكبر
العجل الخلفي بيبقى فرصة التحكم في العربية اكبر
وربنا يسترها علينا .. انت بس خد بالك من ضغط الهواء و حالة الكاوتش

[ahmedamr]

انا لسة جاصل معايا الموضوع دة فى الكاوتش الخلفى بي الحمد لله ما فرقعش ضرب سلك والنقشة فصلت عن الكاوتش ف سمعت صوتها بتلب فى الرفرف وقفت بسرعة والحمد لله كنت ع االوتوسرتاد قدام وطنية دخلت عليها ع طول

[mustafavet]

المشكله اني علي طول علي طريق سريعه واقل سرعه 120
ففكرت لو دا حصل معايا هلاقي اللي ورايا بيخبطوا فيا
فا انا ع طول بغير الكاوتش الامامي والقديم ارجعه ورا