ارجوكم بلاش المنظره بالعربيات فى الافراح

[sharpen]

ممكن روابط تحميل الفيلم دة؟

بس اية رايك ؟

اعتقد القصة والسناريو كاملين ... فية حاجة مش واضحة ؟؟

[AhMeD MeTwAlY]

يا جماعه كل واحد بيفرح بطرقته
وبعدين مش شرط اساسي ان الي بيخمس يتخبط او يخبط حد انا حضرت اكتر من زفه وايام لما كان معايا كرولا 1600 سي سي اتوماتيك كنت بدخل اخمس وعمري ما خبطت ولي حتي اتحكت عربيتي عشان عارف انا بعمل ايه وعربيتي امكانيتها ايه بس لما اشتريت اسكودا بطلت عشان العربيه تقيله علي الارض و 1300 سي سي يعني التخميس بيتعب العربيه والعفشه انما التويوتا عربيه اخف بكتير منها والتخميس مش بيأثر فيها زي الفليشيا

[shaddadfalcon1]

يوم فرحي مكنش في غير عربيه نوبيرا كنت انا فيها وعربيه بيجو 504 بتاعة جوز ااختي وجوز احتي التاني خد عربيتنا النص نقل وقام ماشي ورانا ومعاه شويه صحابه يطبلو ويهيصو

جوز بنت عمي عنده عربيه نقل مقطوره كان جاي بيها من عير المقطوره وكان بيسال عليا بعد مارحت اجيب مراتي عشان يجي يف بيها ابويا بيقوله هتوف بيها ايه قاله همشي وراه ازمر بس

كانو عاملين زفه مره ب اكتر من 4 عربيات نقل تخيلو بقي الأزعاج

[kar!m]

للأسف فى كمية عادات سيئة عاوزينها تختفى من الشعب المصرى منها:

الزفة اللى بالطريقة دى.
الأفراح فى الشوارع عموما.
العزاء اللى فى الشارع و الميكروفون يسمع الحى كله.
تشغيل الأغانى أو أى حاجه بصوت عالى من الموبايل فى المواصلات العامة.
الناس اللى بتبنى بيوتها و تسيب بواقى الأسمنت و الرمل فى الشارع.
السواقة الهمجية و عدم الالتزام بتعليمات المرور.
ركوب المترو و المواصلات العامة بهمجية.

أنا شايف ان فى ناس كتير ممكن تستجيب .. الناس فيها خير .. بس هما معندهمش الدافع اللى يخليهم يعملوا الصح و يسيبوا الغلط.

يعنى لازم يكون فى برامج فى التليفزيون و الراديو تحث الناس على العادات الكويسه .. و لوحات ارشادية كمان.

فى المترو فى لندن حاطين صورة لولد حاطط سماعات على ودانه و بيسمع لوحده عشان ميزعجش اللى جنبه .. وواحد تانى بيقوم عشان يقعد راجل عجوز .. عاوزيين لافتات زى دى فى كل مكان تبين للناس ايه الصح و ايه الغلط.

و برضه رجال الدين تتكلم فى الحاجات دى .. الشعب بتاعنا بيستجيب أوى لما الارشادات تيجى له عن طريق الدين .. عشان كده ممكن تلاقى واحد بلطجى بس أول ما الاذان يأذن يوطى الكاسيت على طول .. أو واحد تانى أول ما يلاقى لقمة عيش مرمية فى الشارع يشيلها يحطها على جنب.

عاوزين نزرع فى الناس القيم الكويسه و تكون قدامهم على طول .. و نذكرهم بيها من وقت للتانى.

و ربنا يهدينا جميعا.

[mmffor]

انا عارف منظر الافراح اللي بالشكل ده
و ثم يستاهلوا الفرح يبوظ
واحد نازل فرح اخته بمسدس ليه؟

[fineart607]

معلش ما احترامى والبيه الى شايل مسدس ده برده بيتمنظر بيه وكان عايز يضرب واحد ويودى نفسة فى 60 داهية شباب متهور وان دل يدل ان البلد ماعتشى فيها كبير اى حد عيل يشيل مسدس يخوف الناس بيه معلش انا الى ضايقنى موضوع المسدس اكتر من الهتهور بتاع الاداالى ممكن لو اخذ قلم من حد كبير كان وقف عند حده

[mmffor]

انا مش عارف راحت فين الزفة بتاعة زمان لما تلاقي طابور العربيات ان شاء الله 100 عربية ماشيين طابور واحد ورا بعض متزينيين و بيضربوا كلاكس بصوت بي بي بيبي اللي احنا عارفينه و مش واخدين اكتر من حارة واحدة في الشارع و كمان ماشيين بسرعة

هما بيفرحوا و كمان تلاقي كل العربيات اللي حواليهم بيزمروا ليهم فرحانين معاهم
كله اتبسط و الشارع كله زفهم مش العربيات اللي معاهم بس


دلوقتي تلاقي شوية عربجية و ناس شلق جهلة و متخلفين بموتيسيكلات صيني عمالين يلفوا في وسط الطريق و يقفلوا الشارع خالص كل 50 متر نص ساعة و تلاقي عربيات بتدي خمسات و سبعات!!!! يا ابن ..... الحلال هو انت رايح دريفت ريس!!! دا انت في فرح مش واخد بالك ان شكلك بيئة و عزباوي صميم!!! يعني من العزب و العشوائيات!!!

تلاقي كل اللي حوالين بيتخانقوا معاهم و يدعوا عليهم و يسبولهم ميت ملة

استفادوا ايه؟؟؟


يا ريت اللي يشوف فرح بالمنظر ده يكلم صحابه و معارفه و ييجوا يبوظلهم الفرح و كرسي في الكلوب علشان يفرحوا صح الصح

[saadelden]

انا مش عارف راحت فين الزفة بتاعة زمان لما تلاقي طابور العربيات ان شاء الله 100 عربية ماشيين طابور واحد ورا بعض متزينيين و بيضربوا كلاكس بصوت بي بي بيبي اللي احنا عارفينه و مش واخدين اكتر من حارة واحدة في الشارع و كمان ماشيين بسرعة

هما بيفرحوا و كمان تلاقي كل العربيات اللي حواليهم بيزمروا ليهم فرحانين معاهم
كله اتبسط و الشارع كله زفهم مش العربيات اللي معاهم بس


دلوقتي تلاقي شوية عربجية و ناس شلق جهلة و متخلفين بموتيسيكلات صيني عمالين يلفوا في وسط الطريق و يقفلوا الشارع خالص كل 50 متر نص ساعة و تلاقي عربيات بتدي خمسات و سبعات!!!! يا ابن ..... الحلال هو انت رايح دريفت ريس!!! دا انت في فرح مش واخد بالك ان شكلك بيئة و عزباوي صميم!!! يعني من العزب و العشوائيات!!!

تلاقي كل اللي حوالين بيتخانقوا معاهم و يدعوا عليهم و يسبولهم ميت ملة

استفادوا ايه؟؟؟


يا ريت اللي يشوف فرح بالمنظر ده يكلم صحابه و معارفه و ييجوا يبوظلهم الفرح و كرسي في الكلوب علشان يفرحوا صح الصح

كلام سليم

[zago]

بس اية رايك ؟

اعتقد القصة والسناريو كاملين ... فية حاجة مش واضحة ؟؟

لا ياباشا السينلريو تمام قوي

[sharpen]

شوفت النهاية !!

[AutoTycoon]

اظرف حاجة ان معظم الناس الللي بتتمنظر بالعربيات بتكون مجأرة العربية اساساً و عمرهم ما ركبوا عربيات

مرة في فرح ناس اعرفهم واحد من اهل العروسة اجر سيراتو عشان يزف فيها العروسين و قبل ما يوصلوا القاعة العربية سخنت فجأة و ولعت !!!
انا مكنتش مصدق غير لما شوفت العبرية بنفسي و طبعاً الفرح اتقلب غم على الفاضي

[moh19227]

فعلا كلام مظبوووووووووووووووووووط

[gade2]

انا مبحبش سواقة الافراح