التكييف شغال مع الكونتاكت ولا بتطفي من زرار التشغيل

[hugan]

بمناسبه الحر الشديد ورمضان كل سنه وحضراتكم بخير
انا من الناس اللي مشوايرها كتير
بمعني اني عامل زي سواق التاكسي كل شويه العربيه ابطلها وادورها
انا باشوف ناس كتير التكييف بتاع عربياتهم مش بيشتغل من زرار التشغيل لا هو بيشتغل مع تشغيل العربيه بمعني ان التكييف شغال علي طوال اول ما يدور :العربيه
لكن انا باطفي التكييف من الزرار بتاع التشغيل قبل تبطيل العربيه
انا بافكر اعمل زيهم لكن مش عارف الكلام ده صح ولا غلط

[ahmedsamir5edr]

غلط .. حمل علي المارش ملوش لازمه

[Ashraf_Ibrahim]

غلط طبعا
حمل على الموتور في بداية التشغيل
وكمان حمل على البطارية مع اول فتح الكونتاكت
مش هتخسر حاجة انك تطفيه وتشغله !

[EslaM_NagY]

البطارية حتبوظ دا مبدئيا.

ومع الوقت حتغيب فى الدوارة وبعدين المارش حيعتل.

الى ممكن تعمل فيها كدة المرسيدس ال بى ام انما عربيتنا متستحملش كدة.

[rompo10]

غلط طبعا هي مش هاتفرق الا 10 ثواني انا معايا بي ام وعمري ماعملت كده

[hugan]

شكرا ليكم جميعا
انا كنت عايز اتاكد ان تشغيل التكييف مع الكونتاكت غلط

[MOUSTAFA_SAAD]

اكيد غلط لانه حمل على الماتور والمارش

[mrghost]

طبعا اكبر غلط على المارش والموتور كمان

[yoko]

على حسب العربيه بس طبعا الأفضل يتقل ويتفتح من الزرار مش مع الكونتاكت

[gade2]

مش فاهم هما بيعملوا ليه كده

[m_elkhishin]

على حسب معلوماتي المحدودة ان سنة المارش في الكونتاكت بتفصل الكهرباء الواصلة لكل الأجهزة في السيارة ومن ضمنها المكيف. الاجهزة اللي مش بتفصل هي الموصلة مباشر على البطارية يعني لو قفلت الكنتاكت تفضل شغالة.

لو الكاست بتاعك بيشتغل مع الكونتاكت حتلاقيه بيفصل اثناء تشغيل السيارة.

[hugan]

[QUOTE=m_elkhishin;3873690867]على حسب معلوماتي المحدودة ان سنة المارش في الكونتاكت بتفصل الكهرباء الواصلة لكل الأجهزة في السيارة ومن ضمنها المكيف. الاجهزة اللي مش بتفصل هي الموصلة مباشر على البطارية يعني لو قفلت الكنتاكت تفضل شغالة.

لو الكاست بتاعك بيشتغل مع الكونتاكت حتلاقيه بيفصل اثناء تشغيل السيارة.[/QUOTE

كلامك صح اول ما تشغل العربيه التسجيل بيفصل اثناء التشغيل
معني كلامك ان التكييف بيفصل زيه زي التسجيل

[m_elkhishin]

[QUOTE=hugan;3873690891]

على حسب معلوماتي المحدودة ان سنة المارش في الكونتاكت بتفصل الكهرباء الواصلة لكل الأجهزة في السيارة ومن ضمنها المكيف. الاجهزة اللي مش بتفصل هي الموصلة مباشر على البطارية يعني لو قفلت الكنتاكت تفضل شغالة.

لو الكاست بتاعك بيشتغل مع الكونتاكت حتلاقيه بيفصل اثناء تشغيل السيارة.[/QUOTE

كلامك صح اول ما تشغل العربيه التسجيل بيفصل اثناء التشغيل
معني كلامك ان التكييف بيفصل زيه زي التسجيل

أينعم ، أي حاجة متوصلة على الكونتاكت ومبتشتغلش غير لما تفتح الكونتاكت بتفصل أثناء تشغيل العربية
أعتقد كمان الهوا بتاع المكيف بيقف الثانية اللي بتشغل فيها العربية