يعني ايه الكيك داون و ازاى بيتعمل و ايه فايدته ؟

[koko616]

يعني ايه الكيك داون و ازاى بيتعمل و ايه فايدته ؟


مع الملاحظة ان العربية اوتوماتيك

[Mzeid]

الكيك داون معناها تسقيط النقلة في حالة الاحتياج لعزم مفاجئ يعني لو حضرتك بتتجاوز سيارة على الطريق فممكن تعمل كيك داون علشان العربية تسقط نقلة علشان تجمع اسرع من النقلة اللي كنت عليها

الكيك داون علشان تعمله بكل بساطة بتدوس الدواسة لأخرها فعدد لفات المحرك بيزيد مع ثبات السرعة نسبيا
فالكمبيوتر بيترجم دة لأنك محتاج عزم

و في بعض السيارات دواسة البنزين بيبقى فيها تكة بسيطة بتسبب السابق

[osama.m]

الكيك دون هو ان العربية تسقط غيار او غيارين حسب الحاجة عشان تاخد عزم اكبر
يعني لو انت ماشي 100 مثلا و الموتور هادي معاك و حبيت تعدي حد او تشد بالعربية بسرعة فا بتدوس على البنزين جامد والعربية بتاخد الرابع او التالت وسرعة العربية بتزيد بسرعة

[Amr Axel]

الكيك داون kick down

ديه حاجة في العربيات الاوتوماتيك
و هي بالمختصر المفيد انك بتدوس بنزين ع الاخر و العربية تسحب منك لحد ما الار بي ام يعلي اوي يوصل لــ4 او 5 ع العداد و تسمع صوت جامد لحد ما توصل لسرعة مثلا 90-100 و فجاة تلاقي العربية زي ما تقول نطت منك وفتحت في السرعات
و ممكن تعملها برده في المانيوال و ديه انك تسقط مثلا ع التالت و تحرق نفس الموضوع لحد اخر الغيار التالت و بعدين ع الرابع و هتلاقي العربية برده نطت منك و فتحت في سرعات

بس خلي بالك لأنه غلط جدااا ع الفتيس و الموتور يعني استخدامه يكون في اوقات الشدة او حاجة طارئة او تفادي حاجة مش عالطول يعني
يعني انا استخدمتها ع مانيوال لما طلعوا ورايا بلطجية بعربية ع الدائري

[Ahmod]

http://www.nilemotors.net/Nile/229723-a.html

[koko616]

طيب انا لو ماشي على 100 مثلا في الاوتو و الماتور مريح و عايز اعمل كيك داون ... بدوس على دواسة البنزين للآخر خالص .. و العربية بتسقط الغيار لوحدها ؟؟؟ ... طيب كده السرعة الأر بي ام مش هيعلى ؟؟؟ و ممكن يدخل في الريد زون لو فضلت دايس ؟ و كده مؤشر السرعة مش هيزيد عن ال 100 ؟؟؟؟ ولا انا المفروض اني بدوس بنزين للآخر لحد ما المؤشر يوصل ل 4 او 5 بتاع الار بي ام ... و بعدين بسيب ؟؟؟؟

[M.Alaa92]

لا يا باشا هى بتوصل لقبل الريد زون بسنة و العربية بتنقل و م تشيلش رجلك من ع البنزين و مؤشر السرعة حيزيد اكيد
يعنى مثلا العربية ماشية ع الرابع و السرعة 100 و المعروف مثلا ان التالت اخرو 120 يبقى العربية حتسقط تالت لحد 120 و بعدين تجيب الرابع
بس خلى بالك كتره غلط