بلطجيه علي الطريق الزراعي قبل طنطا من حوالي نصف ساعه

[pro_samir]

سلام عليكم

انا لسه طالع من طنطا حوالي الساعه 1 ص باتجاه القاهره مكانش في أي حاجه و بعدها بشويه واحد صاحبي طلع علي الطريق وعارف اني مسافر لاقيته بيتصل بيا بيقولي في بلطجيه كتير جدا علي الطريق الزراعي بعد طنطا عند قرية ميت حبيش اللي عندها النفق وبعده في مطب ،، موقفين العربيات وعمالين يخبطو عليها ويزعقو للناس ويهددوهم بتكسير العربيات علشان يمشو بالراحه .. عدي بالعافيه واتصل بلغ النجده قالوله عارفين في ناس بلغو

الكلام ده كله حصل في مفيش ربع ساعه و اضح انهم قطعو الطريق بعد مانا عديت بمفيش لأنه لما اتصل كان في ناس بلغت بالفعل أو هم بيشتغلوه بقي

سألته لو معاهم سلاح او كده قالي لأ مشوفتش حاجه زي كده

[ahmdmagdy]

نفس الكلام ده بالظبط حصل امبارح لخالي و هو راجع من اسكندريه

[pro_samir]

نفس الكلام ده بالظبط حصل امبارح لخالي و هو راجع من اسكندريه

في نفس المنطقه ؟

[Medo007]

لو بيعدوا الناس وبيزعقوا لهم بس ممكن يكون فيه حالة وفاة حصلت عالطريق ولا حاجة وهما مدايقين
ولو كده يبقى ليهم حق ومش بلطجية ولا حاجة
يريت التحري ومعرفة هما بلطجية الاول ولالا الناس مش ناقصة قلق يعني

[MohaMed_Refaat]

المنطقة دى حصلت فيها حادثة رهيبة من حوالى اسبوعين او تلاتة وتم عمل المطبين الجداد اللى قدام قبل البزينة وواحد فى الناحية المقابلة
كانت عربية نقل ترلا اتقلبت على ميكروباص


مرة كنت بمون من البنزينة وواقف واحد بتاع سيراتوا جى طاير فلما شاف المطب هدى طبعا لحق نفسة بس المشكلة ان بتاع دبابة جى وراة مع فرملة السيراتو المفاجاة راح بتاع الدبابة خابطة من ورا العربية لفت كام لفة ومعتش ليها ملامح من ورا خااااااااااالص


هما اللى على الطريق مش بلطجية يا محمد بس دول الاهالى بتوع ميت حبيش عايزين الناس تهدى وتلتزم بس للاسف مفيش فايدة حتى بعد المطبات متعملت

[pro_samir]

لا يا ريس انا علي الطريق كل يوم حتي يوم حادثه دفره دي كنت معدي بعدها بشويه والعربيه كانت مقلوبه والأمن المركزي واقف وعلي بالليل كانت المطبات اتعملت

والمنطقه اللي بحكي عليها دلوقتي بتاع ميت حبيش المطبات فيها بقالها اكتر من سنه وكنت قايل عليها لما اتعملت في موضوع هنا للتحذير وبالفعل كانت منطقه حوادث لأن الأهالي بيعدو فيها كتير وحصل فيها حوادث قدامي بس الكلام ده قبل ما يعملو المطبات

يعني اصلا المنطقه فيها مطبات بالعقل يعني الأهالي هيستنو للساعه 1 بالليل وبعدين يطلعو بالأعداد دي للناس علي المطبات علشان يهدو ؟ أكيد واضح جدا انه لمجرد الارهاب والأخ احمد بيقول ان الكلام ده حصل مع خاله

وصاحبي اللي كان معدي توقع طبعا ان في حادثه لكن ملاقاش أي حاجه

عموما انا بقول علشان الناس اللي بتمشي علي الطريق تاخد بالها وميتأخروش بقدر الامكان يعني لو كان حد حذر قبل كده كنت انا نفسي همشي بدري وهقول للي اعرفهم

[Medo007]

المنطقة دى حصلت فيها حادثة رهيبة من حوالى اسبوعين او تلاتة وتم عمل المطبين الجداد اللى قدام قبل البزينة وواحد فى الناحية المقابلة
كانت عربية نقل ترلا اتقلبت على ميكروباص


مرة كنت بمون من البنزينة وواقف واحد بتاع سيراتوا جى طاير فلما شاف المطب هدى طبعا لحق نفسة بس المشكلة ان بتاع دبابة جى وراة مع فرملة السيراتو المفاجاة راح بتاع الدبابة خابطة من ورا العربية لفت كام لفة ومعتش ليها ملامح من ورا خااااااااااالص


هما اللى على الطريق مش بلطجية يا محمد بس دول الاهالى بتوع ميت حبيش عايزين الناس تهدى وتلتزم بس للاسف مفيش فايدة حتى بعد المطبات متعملت

+111111111111111111


زي ما توقعت

[rompo10]

طالما مفيش سرقه ولا ضرب ولا خطف يبقي مفيش مشكله اكيد حوادث فعلا

[ahmedbasto]

طالما مفيش سرقه ولا ضرب ولا خطف يبقي مفيش مشكله اكيد حوادث فعلا

+111111111111111111111

[pro_samir]

بما إن: مكانش في حادثه والمنطقه أصلا فيها مطبات
وبما إن: الساعه بعد 1 ص

إذأً: أكيد كانو بيوقفو الطريق علشان يصلو التهجد

[graffittiii]

ربنا يسترها مع الجميع ونخلص م الأرف ده بقي ...
كل واحد صحي م النوم زهقان ياخد صحابه ويقفل طريق ...

[ahmed_mido1889]

الحقيقه في القصه دي ان اهالي ميت حبيش النور اتقطع عنهم بقاله 5 ايام

يتصلو بالنجده محدش عبرهم

قامو طالعين قاطعين الطريق لحد ما الكهربا تجيلهم

وانا كنت راجع من طنطا يوم السبت قطعو الطريق من الساعه 7.30بعد المغرب لحد 9.30

طبعا ساعتها اتصلنا بالشرطه العسكريه وجت فتحت الطريق بالتعاون مع الشرطه بعد نص ساعه من الاتصال بهم

وده حصل يوم السبت وانا كنت من ضمن المقطوع عليهم الطريق

وكمان رفضو يعدو عربيه اسعاف معاها حاله

.................................................. ......*

....................................*
تم رفع الوقف والاكتفاء بتنبيه للعضو
برجاء حسن اختيار الفاظ مناسبه للعرض علي المنتدي
مشرف عام 4

[Lion_Heart]

وكمان رفضو يعدو عربيه اسعاف معاها حاله

حسبنا الله و نعم الوكيل

[rahmanboud]

إذا جاء رمضان فتحت أبواب الجنه وغلقت أبواب النار وصفدت الشياطين

يا رب تصفد شياطين الإنس

[ahmdmagdy]

في نفس المنطقه ؟

ايوه يا باشا