عربيه الشغل اتسرقت

[mrghost]

السلام عليكم ورحمة الله وبركاته
النهارده عربيه الشغل اتسرقت نوعها تويوتا 4*4 دوبل كابينه موديل 2009 يعنى تمنها حوالى 180 الف جنيه
زميلى مهندس ميكانيكا ومير الشئون الاداريه ومعاهم السواق كانوا نازلين من العاشر من رمضان فى اتجاه مصر على طريق اسماعيليه الصحراوى الساعه 10 صباحا
عربيتين زنقوا على عربيتهم ونزل منها 8 اشخاص معاهم سلاح آلى ونزلوهم وخدوا منهم العربيه وقالولهم عاوزين 40000 جنيه بعد 3 ساعات يأما مفيش عربيه وخدوا من زميلى الموبايل علشان يكلموهم عن طريقه وبعد 3 ساعات قفلوا الموبايل
العربيه دى زعلان عليها اوى لانها عشره سنتين فى الشغل
ربنا ينتقم منهم يارب
الكلام ده حصل بعد المركز الطبى العالمى بحوالى كيلو فى اتجاه القاهره

[TAMERHASSAN]

يا نهار .......... ايه اللى بيحصل ده معقول

[A.Saad]

غالبا العرب بتوع بلبيس

الله يحرقهم

[Elawany13]

ياخبر اسود

[rahmanboud]

منهم لله وربنا ينتقم منهم والفلوس الحلال مش بتضيع إن شاء حيتمسكوا وترجع العربيه بإذن الله

[MOSHAKS]

ربنا يرحمنا من عنده
كويس انهم كانوا راكبين مع السواق وشافوا اللى حصل لحسن يلبسوها للغلبان

ربنا يكرمكم ويعطركم فيها
كان فى واحد سرقه منه عربية تويوتا بردوا وكانو مخبينها بعد لما تخش بوابه الشروق الرئيسيه ومزلقان القطار على يمينك حته صحرا جوه يبئا يخليه يشوفها هناك لانها نفس المنطقة وطالما بيطلعوا كتير كده يبئا هما مش بعاد عن المنطقة ديه
وربنا يكرمكم يارب

[tarekzein]

10 صباحا

يانهار أسود

فالحين بس يودوا مبارك المركز الطبى العالمى

ويأمنوه جواه

طب فين الأمن لينا ياولاد التييييييييييييييييييييييييييييييييييت

[mahmoud_afifi]

حسبي الله ونعم الوكيل
ده طريقي كل يوم للكليه

[mrghost]

والله ياجماعه الناس اللى كانوا فى العربيه لحد دلوقتى مصدومين وزعلانين اوى عليها
يارب نلاقيها بإذن الله وينتقم منهم

[Nistelrooy]

الحوادث كترت في رمضان ؟؟ مش قلت ؟؟

[mohkhattab]

ربنا يستر
مبقاش فى امان فى البلد خالص

[gebreel]

لسة اول امبارح بليل لقيت واحد بيوقفني وقفت بعديه بشوية و تابعت الموقف من بعيد لقيته عمال يعيط و يزعق و كدة لما الناس اتلمت رحت عليه اشوف فيه ايه طلع سواق تاكسي و كان راكب معاه 2 واحد جنبو و الثاني وراه و جم في حتة ضلمة ثبتوه و اخدو من التاكسي بتاعو و اجي اكلم البوليس يحطني على الHold و يقلي جميع المندوبين بتعاملون مع بلاغات اخرى برجاء الانتظار و انا على الانتظار كان اصحاب السواق 4 تكاسي كل واحد فيه 2 رجالة جم اخدوه و مشيو و البوليس مردش

حسبي الله و نعم الوكيل

[Elawany13]

لسة اول امبارح بليل لقيت واحد بيوقفني وقفت بعديه بشوية و تابعت الموقف من بعيد لقيته عمال يعيط و يزعق و كدة لما الناس اتلمت رحت عليه اشوف فيه ايه طلع سواق تاكسي و كان راكب معاه 2 واحد جنبو و الثاني وراه و جم في حتة ضلمة ثبتوه و اخدو من التاكسي بتاعو و اجي اكلم البوليس يحطني على الhold و يقلي جميع المندوبين بتعاملون مع بلاغات اخرى برجاء الانتظار و انا على الانتظار كان اصحاب السواق 4 تكاسي كل واحد فيه 2 رجالة جم اخدوه و مشيو و البوليس مردش

حسبي الله و نعم الوكيل

لا حول ولا قوة إلا بالله
كا ما الواحد يبدأ يتسرب الى قلبه الأحساس بالأمن والأمان
تيجى أخبار مهببه زى ديه تنسف كل حاجه
استرها يارب

[Donzi]

لا حول ولا قوة الا بالله

يعني الناس تبطل تركب عربيات و لا تعمل ايه بالظبط ؟؟

ربنا يكرمكم و ترجعوها ان شاء الله

[نور القمر]

ربنا يردها لاصحابها يارب