توفير البنزين من روكسى للدقى من الاحد الى الخميس car pool

[elham]

ممكن نحاول توفير البنزين عن طريق التعاون بين الناس -الجيران -زملاء العمل
لو المدام بتوصل الولاد تقدر تاخد اولاد الجيران او اصدقاء قريبين فى طريقنا تانى يوم العكس وبرضه وانت رايح الشغل نفس الشى 2 او 3 فى كل مشوار ادا امكن الشوارع تفضى شويه و التكلفه تقل واهم حاجه الناس تتعاون مع بعضها وتكلم بعضها بدل ما كل واحد ماشى طول السكه يكلم زميله اللى فى العربيه اللى قدامه ويشتموا فى مديرهم .
انا بروح من روكسى ل ش نادى الصيد 5 ايام من الاحد للخميس مواعيدى مرنه اقدر اظبطها مع اى حد بيروح فى نفس الطريق لو حد عنده استعداد يسوق يوم وانا يوم اهلا وسهلا به

[Akram]

فكرة حلوة بس المهم التنفيذ,
المشكلة ان الواحد ممكن يكون عنده مشاوير بعد الشغل و في ظل ظروف الزحام الحالي صعب الواحد يرجع بيته و بعدين ينزل تاني , علشان كده الواحد بيخلص أي مشوار وراه بعد الشغل على طول , و ده معناه ان الواحد صعب يلتزم بتوصيل حد معاه.

[Akram]

ممكن نطبق الفكرة دي بشكل جزئي ،
يعني انا عندي أجازة جمعة و سبت فهوفر يوم منهم و مخرجش بالعربية خالص ,
و باقي الإسبوع (5 أيام) هلتزم في يومين منهم إني آخد واحد معايا في الخروج و العودة و هو يلتزم بيومين تانين ,
يبقى الواحد وفر يوم من الاجازة و يومين من أيام العمل يبقى التوفير 3 أيام يعني في الشهر 12 يوم يعني توفير 40% من إستهلاك البنزبن ,
يعني الموضوع ده بالأرقام يبقى كما يلي:
لو بتمون بـ 150 لتر شهرياً من بنزين 92 (مثلاً):
قيمة التموين قبل الزيادة = 210ج
قيمة التموين بعد الزيادة = 277ج
قيمة التموين بعد الزيادة و التوفير= 166ج

دا غير لو حسبنا توفير الزيوت و إهلاك العربية و الراحة من السواقة .

[elham]

الواحد مش هيكون عنده مشوار كل يوم وممكن تترتب
لو كمان واحد بيشتغل فى العاشر من رمضان
لوطلبه نزليين كل يوم من الرحاب لجامعه عين شمس
يمكن الزحمه تخف شويه
الحكومه بتقول انها بتاخد من الاغنياء علشان تدى الفقراء على اساس ان اللى بيشتغل بالف جنيه فالشهر يبقى لازم يدفع 400 جنيه مواصلات

[M.Mokhtar]

لو بتمون بـ 150 لتر شهرياً من بنزين 92 (مثلاً):
.

ههههههههههههههههههههه
ال 150 دول بمون بيهم فى اسبوعين بس
ولو فى سفر بيبقى فى اسبوع واحد
اصل انا من ملاك ال 2000 سى سى
اتخرب بيتنا خلاص يا رجاله

[أبومعاذ]

انا بروح كل يوم من جسر السويس للدقي بس انا شغال shifts يعني مش كل يوم بروح
بس عندي استعداد اشارك مع اي حد ظروفه مناسبة لظروفي

[أبومعاذ]

kindly ignore my last reply

[elham]

الفكره اهم من مين يركب مع مين دى تترتب بس الاستعداد لازم يبقى موجود الناس اللى بتشتغل فى مواعيد ثابته ممكن قوى ترتب مع ااصدقاء اوجيران اوحتى ناس من الجامع او المدرسه بتاعه العيال
حد يجرب يسيب ورقه فى الشغل ممكن يلافى حد فى طريقه
واحد زميلى كان واقف مره على محطه الاوتوبيس وقف له واحد وساله لو رايح الجيزه ياخده فى طريقه وقال له ان هناك ستيكر لجماعه اسمها تعاونوا يتبرعوا بتوصيل الناس اللى فى طريقهم
علشان من كان له فضل ظهر فليتصدق على من لاظهر له
ولوشفت الاستيكر ده تقدر تسال انى اوصلك
الامر ده كان اختيارى دلوقتى يمكن نص اجبارى علشان زحمه المرور واسعار البنزين والصيانه
لو عجبتكم الفكره اعرضوها و اتفقوا مع بعض فى الشغل فى العماره فى الجامعه

[limo]

-انا طبقت الموضوع ده ايام الجامعه وكان جامد جدا
بس طبعا سعات بيكون ليه عقبات زى يوم رايح مشوار بعد الكليه ,يوم مثلا اروح مشاوير قبل الكليه
بس كان اغلب الايام الى مكنش فيها عقبات كان مريح جدا سواء ماديا او نفسيا .