أنذار مع قصل موتور

[hanylawyer]

كل عام وأنتم بخير
أنا عملت أنذار مع فصل موتور عن طريق الكتاوت بحيث أذا حاول أحد تشغيل السيارة مع تشغيل الأنذار لا تعمل
فهل هناك ضرر لأنى لا أجد أحد يتحدث عن هذا الموضوع
أفيدونى

[A.Saad]

لا
الضرر لو الكتاوت باظ منك مش هتعرف تشغل العربية لحد ما تلاقى العيب كتاوت ولا حاجة تانية
بس كدة اضمن من اللى فى البلد

[hanylawyer]

لا
الضرر لو الكتاوت باظ منك مش هتعرف تشغل العربية لحد ما تلاقى العيب كتاوت ولا حاجة تانية
بس كدة اضمن من اللى فى البلد

مشكووووووووووووووووووووووووووووووووووووووووووووووو ووور على الرد

[wael_samir]

بس انا متهيألى ده فصل مارش مش موتور
هى اسمها كتاوت مارش

[Medo007]

انا بقالى 6 سنين مركب الانذار مع الفصل ده والحمدلله مفيش مشاكل
كده اامن ولما كنت بفتح والانذار شغال تيجي تدور متعرفش

[sanhory]

هو دا الصح اللى مبيعملوش معظم الكهربائية الفتايين اول ما ياخد الانذار و يجي يركبه يقوم شايل الكتاوت ده رميه و يقوللك ملوش لازمة يا بيه و يسمعك بوقيين حافظهم انه لو باظ حيعمل ايه في ايه و مش حتشتغل العربية و ......الخ
و الحقيقة ان الناس اللي عاملين الاجهزة دي مش اغبية و في طريقة معينة من الريموت مع و زرار كده في جهاز الانذار و مع مفتاح العربية بيتعمل بيها ريست و تدور العربية (من قبل صاحبها طبعا عشان اولا هو اللي معاه كل الحاجات دي ثانيا هو اللي عارف الطريقة )

و هي دي اصلا و ظيفة جهاز الانذار يا فرحتي لما الحرامي يدخل العربية و مجرد ما تعمل انذار يفتح الكبوت و يفصل السارينة و يدور العربية و يمشي و اصلا طول ماحنا في البيت بنسمع كل شوية سارينة و بتسكت و ما بيجيش في بالنا ان ممكن يكون في حاجة طالما سكتت و ممكن ما يجيش في بالنا انها عربيتنا اصلا .

الخلاصة الكهربائي اللي يقول لا مش حركبه دا حاجة من اتنين يا بيحب يفتي يا مبيعرفش يركبه و مش عايز شكله يبان وحش زي بالظبط الكهربائية اللي بيشتموا في اجهزة الدوارة مبيقولوش ما بنعرفش نركبه لكن تلاقيهم نازلين شتيمة فيها و دي بتعمل و بتخلي و بتبوظ ... سبحان الله هوا انا حركبه في عربيتك!! يا اخي انا حر يقولك لا انا ماركبهولكش و الحقيقة انه مبيعرفش يوصله عشان ليه توصيلة معينة مع لمبة الزيت و مع الهاند بريك لكن ليه و ليه يقول معرفش لازم يداري خيبته باشتيمة في الجهاز

الحمد لله كل عربية بجيبها بستعمل فيها النوعية دي من الانذارات و بوصل كل الخواص من تدوير العربية لفصل العربية و الحمد لله عمري ما اشتاكيت من اي حاجة ولا بقى بيبوظ المارش ولا بيسخن المعرفش ايه والكلام الهسس دا والكلام ده من 99 الى يومنا هذا مع 4 عربيات

ملحوظة : قصة فصل الدوارة دي ممكن تتعمل عالمارش و ممكن عالموبينة والصح عالموبينة عشان لو فصلنا المارش بزقه بسيطه العربية حتدور عادي لو مانيوال لو اتو بقى مش حتفرق عشان كده كده مبتدورش زق

و تقبلوا مروري و اسف عالاطالة و كل سنة وانتم طيبين

[tarekzein]

أنا عامله عندى برضه ياسنهورى

وزى الفل لغايه دلوقتى

[banboty]

هو دا الصح اللى مبيعملوش معظم الكهربائية الفتايين اول ما ياخد الانذار و يجي يركبه يقوم شايل الكتاوت ده رميه و يقوللك ملوش لازمة يا بيه و يسمعك بوقيين حافظهم انه لو باظ حيعمل ايه في ايه و مش حتشتغل العربية و ......الخ
و الحقيقة ان الناس اللي عاملين الاجهزة دي مش اغبية و في طريقة معينة من الريموت مع و زرار كده في جهاز الانذار و مع مفتاح العربية بيتعمل بيها ريست و تدور العربية (من قبل صاحبها طبعا عشان اولا هو اللي معاه كل الحاجات دي ثانيا هو اللي عارف الطريقة )

و هي دي اصلا و ظيفة جهاز الانذار يا فرحتي لما الحرامي يدخل العربية و مجرد ما تعمل انذار يفتح الكبوت و يفصل السارينة و يدور العربية و يمشي و اصلا طول ماحنا في البيت بنسمع كل شوية سارينة و بتسكت و ما بيجيش في بالنا ان ممكن يكون في حاجة طالما سكتت و ممكن ما يجيش في بالنا انها عربيتنا اصلا .

الخلاصة الكهربائي اللي يقول لا مش حركبه دا حاجة من اتنين يا بيحب يفتي يا مبيعرفش يركبه و مش عايز شكله يبان وحش زي بالظبط الكهربائية اللي بيشتموا في اجهزة الدوارة مبيقولوش ما بنعرفش نركبه لكن تلاقيهم نازلين شتيمة فيها و دي بتعمل و بتخلي و بتبوظ ... سبحان الله هوا انا حركبه في عربيتك!! يا اخي انا حر يقولك لا انا ماركبهولكش و الحقيقة انه مبيعرفش يوصله عشان ليه توصيلة معينة مع لمبة الزيت و مع الهاند بريك لكن ليه و ليه يقول معرفش لازم يداري خيبته باشتيمة في الجهاز

الحمد لله كل عربية بجيبها بستعمل فيها النوعية دي من الانذارات و بوصل كل الخواص من تدوير العربية لفصل العربية و الحمد لله عمري ما اشتاكيت من اي حاجة ولا بقى بيبوظ المارش ولا بيسخن المعرفش ايه والكلام الهسس دا والكلام ده من 99 الى يومنا هذا مع 4 عربيات

ملحوظة : قصة فصل الدوارة دي ممكن تتعمل عالمارش و ممكن عالموبينة والصح عالموبينة عشان لو فصلنا المارش بزقه بسيطه العربية حتدور عادي لو مانيوال لو اتو بقى مش حتفرق عشان كده كده مبتدورش زق

و تقبلوا مروري و اسف عالاطالة و كل سنة وانتم طيبين

هل نوع الانذار اللى استخدمته في اربع عربيات واحد و لا مختلف في كل مرة ؟

ونوعه ايه لو سمحت

[sanhory]

هل نوع الانذار اللى استخدمته في اربع عربيات واحد و لا مختلف في كل مرة ؟

ونوعه ايه لو سمحت

اسف عالتاخير اولا
لا كل مره كنت بجيب نفس الماركة معادا اول واحد كان ماركة مختلفة بس الباقي كانت ماركة اسمها venom saca كنت بجيبه من السعودية