طب دول الامريكان ........حنعمل احنا إيه ؟!!!!

[Chicco]

الأمريكان يتحولون للسيارات الصغيرة بسبب ارتفاع أسعار الوقود !!

نقلا عن النيو يورك تايمز مبيعات السيارات الصغيرة زادت بصورة كبيرة في الولايات المتحدة في ابريل ٢٠٠٨ لتصبح ٢٠٪ من حجم المبيعات لاول مرة .
كما تخطت مبيعات السيارات ذات ال ٤ سلندر السيارات كبيرة الحجم ذات ال-٦ أو ٨ سلندر لاول مرة أيضا .
إعتبرت الصحيفة الاتجاه الجديد ضربة موجعة لدترويت (معقل صناعة السيارات الامريكية) في منافستها مع العملاقين تويوتا و هوندا.
نوهت الصحيفة إلى إزدياد مبيعات ياريس من تويوتا و فيت من هوندا مؤخرا بالاضافه إلي فورد فوكاس و كلهم سيارات ذات إستهلاك منخفض (بالمقاييس الأمريكية ) مقابل إنخفاض مبيعات البيك أب و ال SUV .
أجمع المحللون أن الأتجاه الجديد سيستمر لمدة ٥ سنين على الأقل ليواكب الزيادات المتوقعة في أسعار الوقود عالميا
من ناحية أخرى اشارت الصحيفة إلى إنخفاض مبيعات الوقود في بعض الولايات كنتيجة مباشرة لزيادة الأسعار
تنبأت الصحيفة باتجاه مصنعي السيارات نحو إنتاج سيارات أصغر موفرة للوقود و تتمتع في نفس الوقت بجميع الكماليات المتوفرة في السيارات الأكبر لمواكبة التغيرات العالمية
(منقول و مترجم بتصرف)
المقال كامل : http://www.nytimes.com/2008/05/02/bu...ef=todayspaper

حدش يقولنا إيه أكتر العربيات الموفرة للوقود في مصر في كل فئة لمساعدة من ينوي على شراء سياره جديدة أو تغيير سيارته لاصغر

[vet mitcho]

تمام بس احنا هنا في مصر الناس مش بتغير العربيات باستمرار
الناس هتودي عربياتها فين
انا عن نفسي لو بشتري عربية جديدة هافكر بالطريقة دي حاليا

[Chicco]

طب ليه الناس ما تغيرش عربياتها باصغر ؟ يعني اللي معاه ١٦٠٠ مش حيفكر ينزل ال-١٣٠٠ مثلا ؟

[vooooo]

فى امريكا اعتقد ان العربيات الصغيره عندهم هى ال 2000 Cc

هنا بالنسبالنا هى دى العربيات كبيره الحجم

و كمان هتلاقى العربيات فى امريكا 90% منهم حديثه مهما كانت كبيره برضه هتبقى بتوفر شويه فى البنزين

لكن فى مصر 80% عربيات قديمه فبالتالى استهلاك عالى للبنزين

و كمان فرق الأسعار و فرق الدخل للفرد و الأقتصاد و حاجات كتير

[Chicco]

كلام حضرتك مظبوط طبعا بس هي نسبة و تناسب يعني الأمريكان غيروا عربياتهم لأصغر ...(ياريس و فيت ١٥٠٠ cc )
سؤالي ليه احنا ما نغيرش عربياتنا لاصغر خصوصا مع توقع زيادة أسعار الوقود كمان و كمان
بصورة أوضح اللي راكب ١٦٠٠ يجيب ١٣٠٠ و اللي معاه ١١٠٠ يجيب ١٠٠٠ و هكذا

[hazem_khidr]

احنا بقي المفروض ما نركبش غير الفئه من 1000 الي 1300
و لو رجع بيا الزمن مكنتش جيبت الياريس و جبت مكانها سويفت او بونتو مستعمله او اي حاجه صغيره تمشي ببنزين 80
لان كده حرام فعلا

[Chicco]

معلهش يا حازم باشا هي حاجة تنقط فعلا :(
أنا لما اشتريت الكليو كنت عايز أجيب اوبل كورسا ١٦٠٠ و ما لقيتش فجبت الرينو ....الحمد لله
و متهيألي لو غيرت حاغير لاصغر .....هي فيه عربيات جديدة بتشتغل ببنزين ٨٠ ؟

[hazem_khidr]

معلهش يا حازم باشا هي حاجة تنقط فعلا :(
أنا لما اشتريت الكليو كنت عايز أجيب اوبل كورسا ١٦٠٠ و ما لقيتش فجبت الرينو ....الحمد لله
و متهيألي لو غيرت حاغير لاصغر .....هي فيه عربيات جديدة بتشتغل ببنزين ٨٠ ؟

للاسف مافيش:(
اخر عربيات كنت ممكن تحط فيها بنزين 80
الاكسيل و السويفت و الشاهين قبل 2004
كل الجديد اقل حاجه بنزين 90
و انا اللي عملت ناصح و قولت اجيب السويفت علشان لو البنزين 92 اعتبروه للسيارات الفارهه حيزودوه
و يفضل ال 90 زي ما هو ما يتغيرش سعره ههههههه
اتاريهم اذكي مني و من تخيلاتي
الحمد لله اني ما جبتش صاني او اوبترا او نيو اكسنت :o

[Chicco]

أنا حاسس إن العربيات ال-١٣٠٠ اسعارها حتزيد كمان و كمان ....ربنا يستر على الجميع

[hazem_khidr]

أنا حاسس إن العربيات ال-١٣٠٠ اسعارها حتزيد كمان و كمان ....ربنا يستر على الجميع

اكيـــــــــــــــــــــــد
انا متوقع ان اسعار ال 128 و كل العربيات الصغيره تزيد بعد اللي حصل.
الزيرو و المستعمل
ماهي عربيات موفره و ضريبتها قليله
و اتوقع ان الاعلانات عن الياريس و كده اول كلمه حيقولك اقل استهلاك بنزين في مصر
و عندهم حق فعلا .
عربيات الواحد هنا بيشتريها بدم قلبه
و في دبي كان الواحد مش بيبص عليها حتي :(

[hani945]

إحنا لازم نشغل دماغنا
ونعتمد على المهندسين بتوعنا ونخليهم يبتكروا سيارة تعمل بالطاقة الكهربائية زي اليابان كده
ونبقى نمشى بيها بدل البنزين وبكده نبقى وفرنا فلوس البنزين خالص

فى اليابان وامريكا بداوا يعملوا عربيات هجين بتمشى بالبنزين والكهرباء فى وقت واحد
وكمان العربية بتقدر تشحن البطاريات وهى ماشية

يبقى أحنا كمان لازم نعتمد على نفسنا ونعمل عربيات زيهم

[Chicco]

حازم باشا ... دبي ديه حكاية نجاح رغم عدم اعتمادهم على إقتصاديات البترول.... انما بقيه الخليج لسه عايشين في مجتمع الوفرة و كل ما تزيد أسعار الوقود كل ما اقتصادهم حينتعش
هاني باشا.... كلام حضرتك جميل انما للاسف غير قابل للتنفيذ..... حنعمل عربية هجين و لا كهربا ازاي و احنا مش عارفين نعمل عربية جاز حتى

[hani945]

على فكرة بقى

تصميم العربية الكهربائية لا يمكن يكون صعب لو احنا شغلنا دماغنا

===============

يرجى عدم استخدام اللون الأحمر
حيث أنه مخصص للإدارة فقط
ويرجى مراجعة قوانين المنتدى
وشكرا

مشرف القسم

[Chicco]

^^^^^^
ما قلناش حاجة يا هاني باشا التصميم ممكن يتعمل بس تنفيذ و إنتاج سيارة مصرية هجين أقرب للمستحيل
ملحوظة جانبية : بلاش اللون الأحمر في الكتابة لأنه مخصص للمشرفين:)

[hani945]

إحنا نبعت المهندسين المصريين بتوعنا يتدربوا فى اليابان أو ألمانيا
ويشوفوا العربيات دى بتشتغل إزاى ويشوفوا فكرة عملها ومكوناتها
وأعطالها ويشوفوا المصانع هناك وخطوط الانتاج ويشوفوا طريقة صنعها وبعدين ينزلوا مصر ونعملهم مصنع هنا زى اللى هناك
ونبدأ ونعمل خطوط انتاج زى اللى هناك كده ونبدأ فى تصنيع هذه السيارة
وفى فكرة تانية
ممكن نعمل مسابقة فى كلية الهندسة وندخل فيها قسم السيارات مع قسم الكمبيوتر مع قسم الكهرباء ويبدأوا مع بعض فى تصنيع النموذج الأول لهذه السيارة زى بلاد بره كده والدكتاكرة بتوع الكلية يساعدوا الطلبة دول فى المسابقة دى ونعمل كمان مسابقة تانية علشان شكل العربية ندخل فيها كلية الفنون الجميلة أو نعمل اعلان عن تصميم العربية واللى يعرف يصمم شكل حلو ومناسب للعربية يعبر عن المستقبل ناخده ونصمم العربية عليه