ملف من تصميمي لتسجيل مصاريف العربية بمنتهي السهولة

[SYD]

تسلم ايدك ودماغك
بصراحة هايل
انا استخدمتة بدل النوتة اللى كنت بكتب فيها الصيانات اللى اتعملت واللى مفروض هتتعمل امتى
وبكتب كل دة فى الملاحظات

انا فعلا فكرتي كانت بناء علي تطوير للنوت الورقي الي ممكن يتبهدل او يتترب او يتقطع وكمان الغرض انه يكون سهل الأستخدام

مثلا تم تغيير الزيت بموبيل كدا العدد كدا التمن كدا قراءة العداد كدا مكان التغيير كدا والتاريخ كدا و اجى فى خانة ملاحظات واكتب سيتم تغيير الزيت القادم فى عدد كيلو مترات كدا وهل بالقلتر ولا الغيار القادم .

بارك الله فيك، انت كدة بتعلم الناس ازاي تستخدمه زي مانا كنت مخطط ليه وانا بعمله

وهستخدم خانة ملاحظات فى كتابة الصيانات المطلوبة للعربية دة ان وجد بخلاف استخدمها الاساسى يعنى مثلا يجب تظبيت الفرامل وتربيط العافشة , هغير فلاتر فى الميعاد الفولانى بوجيهات مثلا كدة ولو
عايز اجيب حاجة للعربية اكتبها . ولما يتم التنفيد همسح اللى اتعمل وهكدا بقى .

بس بجد ملف ملوش اى حل جامد وعملى وسهل وبجد بالنسبالى استغنيت عن النوت بتاع الصيانات وهحاول اكتب الصيانات اللى مكتوبة سابقا يا اما اسيب القديم واشتغل على جدييد مع الاحتفاظ بالنوت القديم لأنى ناوى ان شاء الله اللى هياخد منى العربية لما ربنا يكرمنى واغير ياخد البيانات ومواعيد الصيانات اللى كنت بعملها بقطع الغيار اللى اتغيرت عشان يكمل وهو فاهم لو ناوى محافظة على العربية بقى . لان انا الحمد لله من اول غيار الزيت لصيانات بتغيير قطع غيار اللى عملتها مكتوب عندى من اول ما اشتريت العربية لحد اخر مسمار اتربط فيها .
واعتقد دة فى حد زادة كويس وناس كتير شغالة كدة فا حضرتك بكل بساطة سهلت عاليا الموضوع جدا .

علي فكرة انا عملت كدة وانا ببيع عربيتي السابقة
انا كنت بطبع ورق وبخليه في تابلوه العربية عشان اكتب الي تم في العربية اول باول وفي نهاية كل اسبوع كنت بقعد ارحل علي الكمبيوتر، وبعد كذا سنة لقيت عندي كميه مستندات "........s" كتيرة اوي كنت محتفظ بيها من اول يوم جبت فيه العربية بالأضافة الي فواتير التوكيل وتقارير Reports مركز الزوايا الي كنت بتعامل معاه
وبالتالي اصبح للمشتري ملف كامل عن تاريخ العربية من اول يوم جت فيه لحد لما بعتهاله

كل سنة وانت طيب والاخوة الاعضاء جميعا طيبين وبخيير والامة الاسلامية 000

وحضرتك واسرتك وجميع اعضاء المنتدي بخير

انشاء الله انتظر مني المزيد وبأذن الله هيكون في اصدارات تاني بناء علي طلبات الأعضاء واقتراحاتهم

والله المستعان
،
،

[SYD]

انا بجد فرحان اوي ياجماعة بالملف وبأراء الأعضاء علي الأصدارات التجريبية Beta Editions منه وانشاء الله هيكون في اصدارات تاني منه لحد لما نوصل سواء لل Release Candidate ثم انشاء الله لل Final Release

شكرا لكل من حمل الملف سواء كتب مشاركة او ماكتبش

وكل عام وانتم بخير

والله المستعان
،
،

[SYD]

جزاك الله خيرا

مجهود رائع

في فكرة معرفش هاتبقي سهلة عليك او لا

الفكرة هي ترحيل الحاجات اللي المفروض تتعمل في اوقاتها بناء علي التواريخ اللي انا حطيتها

يعني مثلا لو انا حطيت زيت شيل 5000 المفروض انه بيقعد حوالي 3 شهور و نص فا لو انا حطيت الزيت شهر يناير الاقي شهر ابريل نزل فيه تغير الزيت اوتوماتيكي
و هكذا في البوجيهات و السيور و الفلاتر

فهمت قصدي

انا عملت حاجة كدة وعايز حضرتك تجربها
كل ما عليك الا انك تضغط علي الزر Get Oil Status بجوار التقرير الشهري هتلاقي ظهر عندك شوية ارقام بناء علي المثال الي انا عامله في الملف

دة مش اصدار ولكنه مجرد محاولة لتطبيق الطلب بتاع حضرتك http://www.megaupload.com/?d=2XVXV7TR

ارجو التجربة وابداء الأراء والملاحظات وجاري حاليا التعديل لتعميمه علي جميع شهور الملف ومحاولة التكامل بين الشهور او مايسمي Database Integration

والله المستعان
،
،

[abokoko]

شكرا لمجهودك

[abokoko]

ممكن تعريب الاصناف من داخل الملف
يعنى مثلا بنزين بدلا من full

و فين بند الصيانه والمصنعيات

وازاى اضيف صنف جديد وسعر له

[SYD]

ممكن تعريب الاصناف من داخل الملف
يعنى مثلا بنزين بدلا من full

و فين بند الصيانه والمصنعيات

وازاى اضيف صنف جديد وسعر له

والله انشاء الله انا كنت ناوي اعمل نسخة معربة من الملف ويبقي موجود منه نسختين واحدة بالعربي وواحدة بالأنجليزي

وبالنسبة للصيانة والمصنعيات انت ممكن تكتبها بنفسك في عمود بيان لأني مش هينفع احصر كل ما يتم صيانته داخل الملف
يعني مثلا حضرتك تقدر تكتب مثلا

مسلسل______بيان____________الكمية____السعر_______
1_________لحام فردة الكاوتش____1______10_________

وهكذا

وبالنسبة للشرح انشاء الله جاري تجهيز help كامل للتعامل مع الملف وكيفية تزويد البيانات وتعديل الموجود

والله المستعان
،
،

[zocor742]

انا عملت حاجة كدة وعايز حضرتك تجربها
كل ما عليك الا انك تضغط علي الزر get oil status بجوار التقرير الشهري هتلاقي ظهر عندك شوية ارقام بناء علي المثال الي انا عامله في الملف

دة مش اصدار ولكنه مجرد محاولة لتطبيق الطلب بتاع حضرتك MEGAUPLOAD - The leading online storage and file delivery service

ارجو التجربة وابداء الأراء والملاحظات وجاري حاليا التعديل لتعميمه علي جميع شهور الملف ومحاولة التكامل بين الشهور او مايسمي database integration

والله المستعان
،
،

معاك ياباشا فى اى حاجة تعملها هنجربها مع بعض لأن واضح ان دماغك نظيفة وشغالة وعايز حد يشغلك ويشجعج.
ربنا يعينك وتفدر توصل للعايزة كلة وكلنا معاك بعد ربنا .

[abokoko]

والله انشاء الله انا كنت ناوي اعمل نسخة معربة من الملف ويبقي موجود منه نسختين واحدة بالعربي وواحدة بالأنجليزي

وبالنسبة للصيانة والمصنعيات انت ممكن تكتبها بنفسك في عمود بيان لأني مش هينفع احصر كل ما يتم صيانته داخل الملف
يعني مثلا حضرتك تقدر تكتب مثلا

مسلسل______بيان____________الكمية____السعر_______
1_________لحام فردة الكاوتش____1______10_________

وهكذا

وبالنسبة للشرح انشاء الله جاري تجهيز help كامل للتعامل مع الملف وكيفية تزويد البيانات وتعديل الموجود

والله المستعان
،
،

فى الانتظار

[SYD]

معاك ياباشا فى اى حاجة تعملها هنجربها مع بعض لأن واضح ان دماغك نظيفة وشغالة وعايز حد يشغلك ويشجعج.
ربنا يعينك وتفدر توصل للعايزة كلة وكلنا معاك بعد ربنا .

أنشاء الله نوصل لكل الي احنا عايزينه
بس هي العملية شوية صبر بس لأن بجد الملف مجهد جدا ومتعب
والي فاهم أكسيل هيعرف معمول شغل قد ايه في الملف، هو يبان انه سهل اوي لكن ربنا يعلم انا عشان اعمل Function واحدة بتاخد مجهود وتفكير قد ايه

متشكر علي تشجيعك، ولولا تشجيع حضرتك والأخ ابو كوكو وباقي الأخوة الأفاضل مكنتش هعمل اي تعديل في الملف

شكرا ليك

والله المستعان
،
،

[SYD]

فى الانتظار

قول يارب

الله المستعان
،
،

[abokoko]

يا رب
الله يعينك

[SYD]

السلام عليكم ورحمة الله وبركاته

اسف علي التأخير لأنشغالي الفترة الأخيرة

انشاء الله هنبتدي النهاردة شرح الملف بطريقة مبسطة

برجاء اتباع الأرشادات الخاصة بأستخدام الملف


والله المستعان
،
،

[SYD]

بسم الله الرحمن الرحيم


في البداية اعرفكم بنفسي
م/ محمد سيد
Master Microsoft Office Specialist
ودي معناها الأستاذية في برامج ميكروسوفت المكتبية المتخصصة
أجتزت اختبارات Excel Expert بنسبة 96% بفضل الله وباقي الأختبارات مش مهم دلوقتي

عايزين نتعرف علي برنامج اكسيل قبل ما نبدأ الشغل عليه

برنامج اكسيل من احد اهم واقيم برامج مجموعة الأوفيس بوجه عام وبرامج اوفيس بيسموها Desktop Applications يعني برامج لازم اي حد بيتعامل مع الكمبيوتر يكون بيعرف يستخدمها وللسبب دة كانت طبعا هي من ضمن امتحانات شهادة الرخصة الدولية ICDL بالأضافة الي استخدام الويندوز والمعلومات الي شافتها اليونسكو مهمة وجمعتها في امتحان وسمته تكنولوجيا المعلومات IT

برنامج اكسيل بيستخدم بشكل رئيسي في العمليات الحسابية Calculation وطبعا تحليل البيانات Data analysis وتلخيصها summarization وعرضها في شكل بياني Charts وتجميعها consolidation

اول حاجة عايزين نتعرف عليها في هذا البرنامج الضخم هي واجهته
انا استخدمت واجهة الأوفيس 2010 والي مش هتختلف كتير عن 2007 لكن وبردو مش هتختلف بالنسبالنا هنا عن 2003



يتبع ..

[SYD]

اكسيل زيه زي اي برنامج في المجموعة ليه output والملف بتاعه اسمه Workbook وبياخد الأمتداد .xlsx للأوفيس 2010 و 2007 و .xls للأوفيس 2003 وما قبله
هذا الملف بيحتوي علي 3 worksheets افتراضيا ونقدر نزودهم طبعا ولكن هو by default بيبتدي ب 3
المهم كل ورقة عمل بتحتوي علي اعمدة ودي بتاخد حرف a,b,c.. ودوول عددهم في اوفيس 2010 (16384) يعني 2 اس 14 ولو فتحته الملف في اوفيس 2003 هتلاقيهم بس 256 يعني 2 اس 8
وفي صفوف ودي عددهم في الأوفيس 2003 (65536) يعني 2 اس 16 وفي الأوفيس 2010 زادو لحد 1048576 صف يعني 2 اس 20

يعني اعتقد انت عمرك ما هتخلصهم ابدا حتي او بتعمل بالتي هي ايه
ودة الي دايما اتعودنا عليه من مايكروسوفت انها بتديلك more than you need

وبكدة تقدر تسمي اي خلية انت هتقف فيها عن طريق احداثياتها من الأعمدة والصفوف
اول لما بتفتح البرنامج بيكون واقف علي الخلية a1 وطبعا الحرف بيعبر عن العمود والرقم بيعبر عن الصف زي ما اتفقنا
وهتلاقيها ظاهرة عندك في المربع بتاع الأسم Name Box ودة موجود اقصي يسار الشاشة او بمعني ادق علي يمين الFormula bar

عشان تتحرك داخل الsheet تقدر تتحرك navigate عن طريق الأسهم navigation arrows ولو عايز تمشي بشكل تفهم بيه اكسيل (اكسيل زكي جدا) انك جوة رينج (range يعني مجموعة من الخلايا جمب بعض متصلين ببعض وليهم علاقة ببعض) تتحرك بزرار tab ودة موجود اقصي يسار لوحة المفاتيح وبعد الأنتهاء من التحرك لحد اخر عمود في الرينج بندوس Enter عشان ينزل للصف التالي في الرينج
وجربها كدة
اتحرك من a1 لحد مثلا h1 بالأسهم وبعد كدة دووس Enter هتلاقيه نزل عند h2
واتحرك من a1 لحد بردو h1 بالtab ودووس Enter هتلاقيه نزل عند a2
ودة معناه انه فهم ان من a1:h1 ان دة رينج متصل وله علاقة ببعض ولما دوست Enter نزل لبداية الرينج في الصف التالي

يتبع ..

[SYD]

وطبعا تقدر تنتقل لأي خلية عن طريق الضغط مرة واحدة فقط بزر الماوس الأيسر علي الخلية الي انت عايز تروحلها او تكتبله ال Referance بتاعها ( referance يعني احداثياتها) في مربع الأسم name box

وجربها كدة
اضغط علي مربع الأسم واكتب g8
هتلاقيه انتقل للخلية المكتوبة

ملحوظة:
ارجوكم يا جماعة نحفظ المصطلاحات دي كويس جدا لأني هستخدمها فيما بعد بدون الشرح لكل مصطلح

يتبع ..