عايز اعرف اجراءات تجديد الترخيص بالتفصيل

[ahmedshehata45]

ربنا كرمنى واشتريت عربية من اسكندرية وانا ساكن فى السويس وقرب ميعاد تجديد الرخصة ( مش الفحص حيث ان الفحص فى 2010 ان شاء الله ) وعايز اعرف اجراءات تجديد الرخصة والاوراق المطلوبة كاملة حيث اننى ساذهب الى الاسكندرية لعمل ذلك والمشوار كبير قوى وللعلم الرخصة تنتهى فى 16 / 5 / 2008 فهل لاذم اجددها قبل ذلك ام ان هناك فترة سماح وهل من الممكن دفع التامين هنا فى السويس والاشياء المالية الاخرى ولا لاذم ادفع كل شىء فى الاسكندرية وشكرررررررررررررررررا مقدما

[hazem_khidr]

حضرتك مش بتدفع حاجه في اسكندريه.
المفروض البايع بيجبلك توكيل بالسياره.
و شهاده بيانات و شهاده مخالفات
و الشهادتين بتبقي صلاحيتهم شهر واحد فقط .
و حضرتك شكلك شاري بقالك كتير.
و طالما حتجدد الرخصه يبقي لازم تنقل العربيه باسمك
يبقي انت اللي ملزم انك تجيبهم مش المالك الاصلي.
تعالي للاجراءات بقي

1. تروح المرور التابع ليه السياره و تستخرج شهاده بيانات و شهاده مخالفات .
2. تروح اي شهر عقاري بموجب عقد بيع السياره و التوكيل و تسجل العربيه لنفسك.
3. تطلع علي المرور بالعقد المسجل و شهاده البيانات و شهاده المخلفات و الرخصه.
4. بتفحص العربيه فحص الشراء و دا لازم.
5. بتسلم الورق و تسلم اللوحات باذن تسليم.
6. و تاخد اذن صرف باللوحت الجديده للمرور اللي انت تابع ليه.
7. و بعدين تروح تعمل بوليصه التامين بالرقم الجديد في نفس شركه التامين التابعه ليها السياره.
8. بتسلم البوليصه للموظف و تقعد تستني الرخصه
9. تستلم اللوحات وخلاص علي كده :)

و الف مبروك

[eng_mkhalaf]

http://www.nilemotors.net/Nile/showthread.php?t=10902

[chihab18]

طب سؤال ازي انقل ملكيه السياره بالمرور علما بان السياره تابعه لقسم مرور اخر داخل المحافظة ؟
والسؤال الثاني :الاوراق المطلوبه ؟وتكلفه كل ورقه ؟
والسؤال الثالث : كم تبلغ رسوم التأمين وكيفيه تقديرها ؟
والسؤال الرابع : لون السياره اصفر في الرخصه بتاعته صاحبها الاصلي وعاوز انقلها لقسم المرور بتاعي باللون الجديد اسمر ؟
وجزاكم الله خيرا

[ahmedshehata45]

الف شكر لكل من اهتم ورد ولكن انا مش عايز انقل ملكية انا عايز اجدد الرخصة فقط حيث ان افحص فى 2010 وللعلم انا لسة شاريها من يومين فقط ومعايا شهادة مخالفات بتاريخ 5/ 5/ 2008

[hazem_khidr]

الف شكر لكل من اهتم ورد ولكن انا مش عايز انقل ملكية انا عايز اجدد الرخصة فقط حيث ان افحص فى 2010 وللعلم انا لسة شاريها من يومين فقط ومعايا شهادة مخالفات بتاريخ 5/ 5/ 2008

يا سيدي الفاضل
لازم تنقل ملكيه طالما الرخصه خلصت
الا لو صاحب العربيه الاصلي جه معاك المرور يرخصهالك و دا طبعا مستحيل.

[ahmedshehata45]

انا مش فاهم حاجة انا معايا توكيل عربية هو مش ممكن استخدمه فى تجديد الرخصة ولا لاذم يكون معايا صاحب العربية الاصلى اصل عملية نقل الملكية الان محتاج لفة كبيرة ومحتاجة انى اشد العربية لانها هتدخل فحص وانا مش عايز كدة دلوقتى فعايزين حد يقول لنا على حل وكمان حرام الفحص لسة فى 2010 وشكرا

[mahamedaraby]

يا استاذ فيه فرق بين الفحص وانتهاء الرخصه

اللى هى بتقى كل سنه او سنتين على حسب

ادام الرخصه انتهت يبقى انت لازم تنقل الرخصه باسمك بالتوكيل اللى معاك ده ويكون معاك

شهاده بيانات و شهاده مخالفات

الفحص ملهوش تاثير فى الموضوع ده

[ahmedshehata45]

يا استاذتى الكرام الرخصة لم تنتهى ولكن ستنتهى فى 16 / 5 /2008 وهى معمولة بسنة فقط فانا عايز اجدد الرخصة لمدة سنتين اللى هما الباقيين على الفحص من غير ما اغير ملكية دلوقتى واتمنى تكون فهمتونى وشكرا لكم جميعا للمشاركة

[ahmedshehata45]

يه يا جماعة مفيش حد رد عليا متعودناش على كدة من الاخوة الاحباب

[menamakram2003]

الحوار انك بتجدد الرخصة بناءاً على بطاقتك الشخصية فا لو مش معاك بطاقة شخصية اسكندرية يبقى مينفعش تجدد الا لما تنقل ملكية الاول بغض النظر عن ميعاد الفحص.
هو ده النظام للاسف

[ahmedshehata45]

الف شكر لسرعة الرد معنى ذلك انه لاذم انقل ملكية وتدخل فحص دلوقتى عشان انا من السوبس