الحل في اللي شايل النمر

[zocor742]

فكره اللجان دي هتبقى كويسه جدا و هتلم ناس كتير

++++++++++++++++++++++

[Khaled Online]

انا اول انبارح فى استانلى على البحر لقيت فيات 132النمر عاملها صاج وكاتب اى حروف هبل يعنى عامل لوحة معدنية زى الجديدة بس صاج وعاليها ورقة اللى عاملة زى اللوحة والخط اللى فى النص طبعا كان ماشى قدامى
ابص للنمر كدة واقول النمر دى ملها انا عنيا مزعللة قومت عاطى العالى لقيت الكلام دة .
المهم ناورت وجيت جنبة من شمالة لقيتة شب متزوج ومعاة المدام استهبلت عالية قولتلة انت جامد عملت النمر دى فين بصلى بصة خباثة وقالى دى اللى ورا وقعت وعملتها مكانها قولتلة والله برافو عليك متعرفش انك اللو ح دى توديك فى داهية قام باصصلى كدة يعنى فكك منى ياعم الحج ............ قومت قافل الزجاج ومكمل السكة .

دة غير الظاهرة اللى عندنا فى الاسكندرية بردو يعمل استيكر اخضر يكتب عالية هيئة قضائية او دبلموسية
ويجى مكان الازرق يقوم لازقها الحدق ........

دة غير عشرات العربيات اللى ماشية من غير نمر .
والليبيين اللى واخدنها سبهللة فى الاسكندرية ومشيين فى عزبة ابوهم
اقول اية ولا اية انا نفسيتى تعبت من الشعب والحكومة وبقيت عصبى جدا بسس اللى حواليا .

ماهي دايرة مفرغة
السواقة الغلط تخلينا عصبيين
العصبية تخلينا نسوق غلط
وربنا يستر طريقنا بقى

ياباشا هتصلح حال مين ولا مين داإحنا 80 مليوووون المحترمين منهم مايزدوش عن 10 مليون ......

يارب تكون غلطان
وبرضه لو عشرة مليون بس
أنا عايز أعرف طريقهم فين وأعيش وسطهم

وممكن اقل من 10 مليون كمان

روح التفاؤل دي هي اللي محتاجينها فعلا ههههه

[Khaled Online]

اخبطه اة والله مبهرج لو عربيتك الخبطه فيه متزعلكش قوى اخبطه

انا عملتها مرة قدام بوابه القصر العينى قبل كدة بس كنت بعربيه الشركه النص نقل وانا لما جبتها كانت موديل ديم و راكبها ديفندر لقيت شاب روش جدا راكب عربيه اكسنت رصاصى و بيكسر على العربيه علشان يعدى قلت للسواق اخبطه قلى يابيه ازاى قلتله اخبطه وملكش دعوة خبطته نزل يزعق قلتله بالراحه ومتزعقش قلى لا براحتى قلتله هكملك عليها اخليهالك هاتش باك وملكش عندى ديه ولو راجل اعملى محضر دلوقتى ولا ااقلك ليه اعملك انا محضر علشان انت خابطنى قلب بقى قطه وطلع عيل سيس فى معهد التعاون اللى فى الهرم اللى بيشيل النمرة بيشيلها وهو مقتنع ان محدش هيكلمه علشان هنخاف منه وعلى فكرة حتى لو مهم وعملتله دوشه هيخاف الناس تتلم عليه تاكله انا شخصيا قلبت بلطجى اللى مبيعجبنيش او شايل النمر او مفيم بمضيله على العربيه علشان انا محرقش دمى واللى يعرف يشتكينى فى القسم يروح

ياريت
بس بصراحة الواحد عربيته هتتبهدل

QUOTE=tutankhamoun;3873754021]البلد أصلا كانت خربانة
و مع أنعدام وجود الشرطة في الشوارع ......... باظت أكتر و إن دل على شئ فلا يدل على نفوسنا المريضة
و صدق قول سيدنا عمرو بن العاص فينا .......... شعوب ملناش غير العصايا .

هو فعلا سيدنا عمرو بن العاص قال حاجة زي كدة؟

===
سؤال تاني للأخوة محبي كسر السرعة على الدائري
هو 90 قليل يا جدعان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

حرام بقى لو عملنا ثورة علشان البلد ......... يبقى نبدأ بنفسنا و نتغير
مش كلام في أي كلام و خلاص .

أؤيد كلامك جدا
[/QUOTE]

مشكلتنا اننا شعب مريض
نفسنا نبقي حاجة ، اي حاجة ، حتي لو الحاجة دي مش حلوة
يعني خد عندك
ساعة الثورة والحماس بتاع الشباب والأنفلات الأمني كان حد يجروأ يضرب سرينة شرطة ؟؟؟؟؟ كان حد يجروأ يقولك انا ابن العميد فلان الفلاني او انا النقيب علاني
كان حد يجروأ يحط كاب شرطة علي الطابلوه

تعال دلوقتي وشوف الوضع
السرينة رجعت
الكاب طلع
الفامية + شيل النمرة = ضابط ملوش حل

طب تقول ايه في عربية شوفتها مفيم وقاصص النمرة !!!!!!!!!!!! ايوة قاصص النمرة وسايب مصر Egypt قولت ياسلام علي الوطنية !!!!!! ماهنش عليه يشيل كلمة مصر
عارف يعني ايه مصر ؟؟؟؟

عليه العوض

والله المستعان
،
،

وحد الله يا أستاذنا
ده إحنا بنحاول نشوف حل وإن شاء الله هنلاقي

[Khaled Online]

عليه العوض فعلا فى اخلاق الكثير من الناس واللى يغيظك انك تلاقى معظم المخالفين ناس شكلهم محترم وكبارة فى السن وعندهم كمية من الاستعلاء غير منطقية وكانهم بيطلعو لسانهم للناس واللى مش عاجبه يورينى نفسه
دى منظومة اخلاقية اقصد لا اخلاقية بقت موجودة زيها زى العشوائية بالظبط بل هى نتيجة طبيعية للعشوائية اللى بقينا فيها

أيوة هو الاستعلاء الغير مبرر ده سببه إيه؟

انا رايى فى الترابط يعنى نكون سوى يعنى انا امبارح ماشى على الطريق على اليمين وجاى جمبى لانوس على الشمال نازلين من مطب قام واحد جاى من اقصى اليمين ورايح يعدى من فتحه بعد المطب بتاع الانوس طالع ماشافوش كان هيدخل فيه قعد يخبط ايد فى ايد بصتله و كنت مستنى انه ينزل او يعمل منكش كنت هقفل الطريق جمبه وانزل اجيب ابن التيت دى ونطحن امه عشان ما يعملهاش تانى بس للاسف دلوقتى كله بيخاف يعمل مشاكل عشان ماحدش ليه ديه ولا حد هياخد حقه اذا كان قبل الثوره لما كان بيحصل حاجه زى كده ماحدش بيعرف ياخد حق ولا باطل دلوقتى هيعرف يعمل حاجه !!
اخلاق الشعب هى السبب والعربيات كترت اوى و بيقولك احنا شعب غلبان طب ازاى !! انا بشوف ناس شكلهم غريب راكبين عربيات غاليه جدااا منين يا ترى ؟ الغريب ده هو الى عامل مشكله فى السواقه
والناس الى بتتكلم عن الرادارات وايه المشكله يعنى انه الرادار ياخدك مخالفه طالما انت مش ملتزم
الموضوع ده مالوش غير حل واحد انه يتعمل لجان شعبيه فى المناطق المفتوحه والمهمه فى كل بلد الى الشباب السيس ده بيطلع يلف فيها عشان يتمنظر والعربيه الى بالمنظر ده تتوقف وتتاخد و تتسحب على
اقرب نقطة شرطة ويتعاملوا معاها او احنا نتعامل معاه

الاقتراح ده بيفكرني بقانون في أمريكا ودول تانية يسمح للمواطنين إن هما يقبضوا على حرامي (أو خارج على القانون أيا كان) ويسلموه للشرطة بعدها
القانون اسمه Civilian's Arrest
Citizen's arrest - Wikipedia, the free encyclopedia
محدش هنا محامي عقر يوضح التبعات القانونية لحاجة زيه هنا؟ هل له نظير في القانون المصري؟

[

فيه حاجة عايز اعملها ومتردد

انا جايب قلم دوكو وشايلوه معايا فى العربية
وببقى عايز لما الاقى عربية من غير نمر اطلع القلم واكتبله رقم العربية بالبنط العريييييييييييييييييض
او اكتبله ما لذ وطاب من كلام

بكل بساطة اللى بيشيل النمر الخلفيه ولا بيضلل اى حد ممكن يشوفها ده انسان مستهتر

ممكن بس لو شافك........!

فكره اللجان دي هتبقى كويسه جدا و هتلم ناس كتير

فعلا بس مين هيسيب مشاغله ويفضل دورية في منطقته؟

[shaddadfalcon1]

اكتر حاجه مقرفه اللي بيداري النمر ويحط لزق
علي الأقل اللي مش حاططها خالص مش هيعرف يتصرف لكن اللي بيببقي حاطط لزق ممكن في اي موقف يشيل اللزق وشكرا

موضوع ان الواحد يخبطه ويزل اهله عشان مش هيقدر يعمل محضر ده انسب حل

[Khaled Online]

اكتر حاجه مقرفه اللي بيداري النمر ويحط لزق
علي الأقل اللي مش حاططها خالص مش هيعرف يتصرف لكن اللي بيببقي حاطط لزق ممكن في اي موقف يشيل اللزق وشكرا

موضوع ان الواحد يخبطه ويزل اهله عشان مش هيقدر يعمل محضر ده انسب حل

ماشوفتش موضوع اللزق ده غير أيام الثورة. بعدها مقابلتش في طريقي منهم

أنا معاك أي خبطة هتطلع من عينه
بس عربيتك في الغالب هتتبهدل من الخبطة أو هو هينزل زي المجنون ويعمل فيها انتحاري