إعـــــــلان

Collapse

.

,
See more
See less

بلاعة جديدة ولبستها

Collapse
X
 
  • Filter
  • الوقت
  • Show
Clear All
new posts

  • بلاعة جديدة ولبستها

    الحمد لله على كل شيء
    امبارح نازل من البيت في التجمع ورايح على مصر الجديدة فاخدت طريق السويس ومنه على الماظة وبعدين الثورة وكده .
    قدام مصنع صقر كده وتحديدا بعد ماتنزل من الكوبري الجديد بتاع الجيش ده فوجئت ببلاعة مساحتها حوالى متر في متر ومتغطية وحوالين الغطا بتاعها حفر عرضه حوالى 30سم دايرن داير البلاعة . انا دايس الطريق ده رايح جاي بس مش عارف دي اتحفرت امتى بصراحة وعملوها ليييه ؟
    المهم ملحقتش اتصرف قومت لابس البلاعة .
    الرزعة اللى العربية اترزعتها انا حستها في قلبي والله . وبعدين سمعت صوت الكاوتش وهو بيطلع منه الهوا والدركسيون بيترعش في ايدي . انا قولت بس في مصيبة حصلت في العربية .
    ركنت على جنب ونزلت لقيت الجنط متني والطاسة مكسورة والكاوتش نايم .
    بصراحة اكتئبت لاني هاتعور في جنط وفردة كاوتش واحنا داخلين على عيد وعايزين نهيص بالقرشينات .
    غيرت الكاوتش وركبت الاستبن العقيم بتاع الجيتز وهقولكوا هو عقيم ليه في اخر الحلقة .
    وروحت على واحد بتاع جنوط قالي الجنط هايتحط على مكبس وهايرجع زي الاول وهايترصص ولما يتصلح نقدر نشوف بقى الكاوتش حصل فيه ايه وتكلفة القصة دي 50 جندي.
    الحمد لله الجبنط اتصلح والطاسة كانت متنية ومشروخة لكن ماسكة في بعضها يعني والمفاجاة ان الكاوتش طلع سليم لكن هو نام عشان الجنط اتنى جامد والهواء خرج من الكاوتش .
    حمدت ربنا واخدت العربية وجربت لقيتها الحمد لله زي الفل بس في صوت بقى زي خبطة بسيطة كده مع المطبات في المكان اللى لبست البلاعة فيه ده ومش عارف ده ايه وهابقى اروح اكشف عليها .

    الاستبن بتاعنا بقى عقيم لانه مكتوب عليه السرعة القصوى 80 كيلو يعني لو الواحد في طريق سفر انت مظطر تمشي على السرعة ومعرفش لو زودت السرعة هايفرقع يعني ولا ايه مش عارف . وفعلا لو مشيت على 100 مثلا تلاقي صوته بقى عالي وعامل ونة كده وانت ماشي .
    الله............... يا عم غبور . يعني مهانش عليه يحطلنا استبن محترم زي باقية العربيات .
    مكان البلاعة تاني
    وانت جاي من طريق السويس نازل على مصر الجديدة بعد كوبري الجيش هاتلاقيها في الحارة الوسطى من الطريق . خدوا بالكوا يا جماعة
    [CENTER][FONT=Times New Roman][SIZE=7] you only live once[/SIZE][/FONT][/CENTER]

  • #2
    سلامتك
    احمد ربنا ان العربيه معومتش والكلام دة
    بس رووووووح اكشف على العفشه والمساعد عشان الخبطه دى اللى بتسمعها
    ويستحسن قبل العيد عشان تطمن
    م/ احمـد عـزت

    Comment


    • #3
      المشاركة الأصلية كتبت بواسطة ahmed_nubira مشاهدة المشاركة
      سلامتك
      احمد ربنا ان العربيه معومتش والكلام دة
      بس رووووووح اكشف على العفشه والمساعد عشان الخبطه دى اللى بتسمعها
      ويستحسن قبل العيد عشان تطمن
      الله يسلمك والحمد لله على كل حال
      وان شاء الله هاروح اكشف وربنا يسهل وتطلع حاجة بسيطة
      وكل سنة وانت طيب
      [CENTER][FONT=Times New Roman][SIZE=7] you only live once[/SIZE][/FONT][/CENTER]

      Comment


      • #4
        الحمد لله إنها جت على أد كدة
        وشكرا للتنبيه
        لا إله إلا أنت. سبحانك. إني كنت من الظالمين

        Comment


        • #5
          حمدلله على السلامة وقصة البلاعات دي حاجة طبيعية

          انا مرة لبست البلاعة اللى في النفق اللى بيطلع على كورنيش العجوزة اعتقد اغلبية الناس اللى بتعدي من هناك عارفينها

          لبستها وكانت العربية محملة اوزان (كان معايا العيلة كلها) وكنت على سرعة 80 تقريبا

          من قوة الخبطة الطاسة طارت بس الحمد لله محصلش حاجة في العجل

          المهم انت روح اكشف زوايا في اي مكان زوايا محترم عشان تتاكد برضوا ان الخبطة دي لاقدر الله مسمعتش في اي حاجة في العفشة وعشان تبقى مطمن

          لان كمان اكيد الخبطة دي اثرت على زوايا العربية فواجب انك تروح تظبطها
          ..

          Comment


          • #6
            البلاعة ديه صاحبي لبس فيها ال إسبوع إلي فات والكوتشة فرقعت


            و كل يوم كل ساعة تلاقيه بعد البلاعة ديه 3 عربيات ركنين بيغيرو الكوتش


            قلك طريق الجيش

            Comment


            • #7
              المد لله انها جت على 50 جنيه
              جملتك اللى قلتها الرزعة اللى العربية اترزعتها انا حستها في قلبي والله
              على فكرة ده احساس كلنا بنحسه لما يكون فى حبه غشم مننا وبنصتدم بشىء مش عامل حسابه مثل مطب شوفته فجأه او حفرة بتقبى كانك بتقول يارب استر
              ربنا يسترها معاك ومعانا
              [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
              [/COLOR][/SIZE]

              Comment


              • #8
                كويس انها جت على كده
                [sor2]http://img266.imageshack.us/img266/2162/f04g.jpg[/sor2]

                Comment


                • #9
                  حمدلله عالسلامة , وموضوع الاستبن عشان لازم يكون حجمه صغير عشان مايكلش الشنطة

                  Comment


                  • #10
                    الف حمدلله على السلامة :)
                    و شكر يا فندم على التنويه....اعتقد البلاعة ديه بعد المطب الى كان معمول و حطو مكانو دلوقتى عيون قطط متخلفة تحس انها هتطع الكوتش .. علشان لسه جديدة و حامية جدا ..خدوا بالكوا برضو يا جماعة
                    [FONT=Trebuchet MS][SIZE=4]A.Abdelwahed[/SIZE][/FONT]

                    Comment


                    • #11
                      فعلا الا موضوع عيون القط دي انا حاسس ان الحكومة بتعاند الناس وخلاص ده انا بحس ان الكاوتش بيتفرتك وانا بعدي عليها ده المطب كان ارحم .

                      Comment


                      • #12
                        المشاركة الأصلية كتبت بواسطة elakawy مشاهدة المشاركة
                        فعلا الا موضوع عيون القط دي انا حاسس ان الحكومة بتعاند الناس وخلاص ده انا بحس ان الكاوتش بيتفرتك وانا بعدي عليها ده المطب كان ارحم .
                        فعلا والله :@@
                        [FONT=Trebuchet MS][SIZE=4]A.Abdelwahed[/SIZE][/FONT]

                        Comment


                        • #13
                          شكرا على التنبيه
                          [CENTER][sor2]http://www.nileup.com//uploads/images/domain-06bb582b55.jpg[/sor2][/CENTER]

                          Comment

                          Working...
                          X