مهازل بالجملة فى توكيل غبور (منه لله)

[sss]

انا مش عاوز ابقى سيئ الظن و لكن الموضوع شكله فيه انة
حضرتك بتقول العربية مشيت حوالي 40 كيلو و الفانوس متغير و العربية مرشوشة تقريبا النص الادماني كله و اللي جه في دماغي مباشرة ان العربية دي اتخبطت منهم و حاولوا يخبوا الموضوع لان الرش ممكن يبقالهم حجة فيه لكن ايه اللي يخليهم يحركوا العربية 40 كم و ليه يغير الفانوس
على العموم اتمنى ميكنش ده اللي حصل و ارجوك متسيبش حقك

[PRO-DRIVE]

الظريف إن فيه كام واحد معتقدين إن المنتدى مساند لغبور طول الخط وإدارة المنتدى بتدافع عنه وبترفض أى نقد ليه ، ياريت يكونوا بيشوفوا المواضيع دى.

و كل دا و لسه في ناس بتدافع عنه :(

[casperinoo]

انا مش عاوز ابقى سيئ الظن و لكن الموضوع شكله فيه انة
حضرتك بتقول العربية مشيت حوالي 40 كيلو و الفانوس متغير و العربية مرشوشة تقريبا النص الادماني كله و اللي جه في دماغي مباشرة ان العربية دي اتخبطت منهم و حاولوا يخبوا الموضوع لان الرش ممكن يبقالهم حجة فيه لكن ايه اللي يخليهم يحركوا العربية 40 كم و ليه يغير الفانوس
على العموم اتمنى ميكنش ده اللي حصل و ارجوك متسيبش حقك

i think so.................:(:(:(

[MoToRiZeR]

بعد الشكاوي الكتير دي من التوكيل و اللي بيحصل في العربيات منه
اعتقد اللي بيفكر يشتري جديد يحط ده في دماغه
او بمعني اصح .. يشتري دماغه .. و ابعد عن غبور و غنيله

[sokasoon]

انا مش عاوز ابقى سيئ الظن و لكن الموضوع شكله فيه انة
حضرتك بتقول العربية مشيت حوالي 40 كيلو و الفانوس متغير و العربية مرشوشة تقريبا النص الادماني كله و اللي جه في دماغي مباشرة ان العربية دي اتخبطت منهم و حاولوا يخبوا الموضوع لان الرش ممكن يبقالهم حجة فيه لكن ايه اللي يخليهم يحركوا العربية 40 كم و ليه يغير الفانوس
على العموم اتمنى ميكنش ده اللي حصل و ارجوك متسيبش حقك

بنسبة 80 % هو ده اللى حصل لان تغير فانوس ورش الرفرفين والاكصدام

مش طبيعى تكون صدفة

بعدين انهم ياخدو العربية ويمشو بيها 40 كم دانا اخرب بيتهم هو انا رايح

اديهم العربية يصلحوها ولا يتفسحو بيها ويخلصو البنزين كمان

حسبى الله ونعمة الوكيل

ماتسيبش حقك واشتكيهم فى جمعية حماية المستهلك

[hazem_khidr]

حسبي الله و نعم الوكيل
ما تسيبش حقك
روح هناك و بهدلهم و زعق و علي صوتك
مهي كده كده خسرانه اعمل بقي كل ما في وسعك

[som3aa]

اوعي تسكتلهم !
بجد لأن اللي بتقوله ده قمة التهريج
و هددهم بتبليغ جمعية حماية المستهلك و محاضر سرقة و انك مش هتسكت علي حقك

لأ مش تهدد بتبليغ جهاز حماية المستهلك كدا زيادة اوى اللى حصل معاك , انت فعلا تبلغ جهاز حماية المستهلك.

انا مش عاوز ابقى سيئ الظن و لكن الموضوع شكله فيه انة
حضرتك بتقول العربية مشيت حوالي 40 كيلو و الفانوس متغير و العربية مرشوشة تقريبا النص الادماني كله و اللي جه في دماغي مباشرة ان العربية دي اتخبطت منهم و حاولوا يخبوا الموضوع لان الرش ممكن يبقالهم حجة فيه لكن ايه اللي يخليهم يحركوا العربية 40 كم و ليه يغير الفانوس
على العموم اتمنى ميكنش ده اللي حصل و ارجوك متسيبش حقك

المشكلة ان الهياكل عند غبور جنب مركز الخدمة علطووول يعنى 20 متر بالكتييير و المصنع ميكملش نص كيلو قدام شوية بعد مركز الخدمة على اليمين فليه العربية تمشى 40 كيلو بحالهم!!!! كتيييييير اوى
يمكن خبطوها و الله اعلم و دا اللى نفسى اعرفه لو خبطوا عربية مثلا هيعملوا ايه؟؟
طيب لو توكيل محترم خبط عربية هيعمل ايه؟؟
بصراحة زيادة اوى اللى عملوه دا مهزلة بجد.

[waleed24ag]

يا نهار اسود ايه دا دي مبقتش عربيه موش ممكن عموما الكلام دا موش غريب علي غبور قمه الاستهتار و عدم المباله و انا بقيد كلام الاخ sss العربيه دي اتخبطت و ال 40 كيلو دول برده انا موش عارف طب ازاي خدوها يصلحوها في مكان تاني علي اعتبار انهم موش بيصلحو اساسا
طبعا جمعيه حمايه المستهلك موش بس يكون تهديد انت لازم تروح و تعمل محضر سرقه و تبعت للشركه الام علشان تتصرف مع كميه المهازل دي

[abdelaziz-waleed]

يا خبر ابيض ايه التوكيل ده. ده ولا مستشفيات الحكومة
الله يكون في عونك بس اوعى تسيب حقك
بصراحة حضرتك اللي غلطان انك استلمت وقولت مش مهم انا هابقى اعمل.
لأ دي مصيبة ما يتسكتشي عليها
العربية ديه فعلا اتخبطت وطلعت برة اتعمل فيها حاجة

[Nile_Storm]

الظريف إن فيه كام واحد معتقدين إن المنتدى مساند لغبور طول الخط وإدارة المنتدى بتدافع عنه وبترفض أى نقد ليه ، ياريت يكونوا بيشوفوا المواضيع دى.

الاطرف انهم بيفتكروا ان فيه هنا اعضاء عملاء كمان لغبور :D:D:D
هنعمل ايه بأه في نفسيه الناس :(

[ابو سيف]

بصراحه ربنا يكون في عونك
المشكله مفيش خدمه عملاء محترمه في مصر
دة الواحد كدة يروح يبوس ايد ابو الفتوح
عموما يا اخي تحت اي وضع و تحت اي ظرف انا منصحكش تروحلهم انت
انت تروح تسلك القنوات الشرعيه اللى تقدر تلجأ ليها زي جهاز حماية المستهلك و تروح بس عند واحد بتاع بويه الاول تتأكد ان الرفرف مرشوش مش مجرد ورنيش !!
لو اتأكد من كدة روح اعمل بلاغ في القسم كمان
صدقني مش هيجوا غير بكدة !!

[tutankhamoun]

و أنا بقلب في صفاحات هذا الموضوع
في نغمات أغنية عمالة تردد في دماغي
و لكن مش فاكرها .... و هي أغنية عن مصر و للمطربة شادية تقبل الله توبتها

و طبعا .... كل اللي بيحصل ده في التوكيلات الغريبة دي زي غبور أفندي كعب الغزال ...... قمة الأستهتار و اللامبالاة بالعملاء و ممتلكاتهم
و طبعا لن نتكلم عن الصنايعية اللي أصبحوا منعدمي الضمير تماما و مليون 100 % و ليس كلهم للإنصاف و لكن 99.9 % منهم

و الطريقة اللي الواحد بيشوف العيال دول و هما سايقين عربيات الزباين و بينقلوها من معرض للتاني
تديك على طول مؤشر عن مدى الفوضى اللي بيعيشها تجار السيارات بمصر

و مش تجار السيارات بس .......... الكل أصبح زفت و قطران
و البلد بقت تقرف و الشعب بيقرف في نفسه و بيعند في بعضه
و بجد ......... حاجة تجيب الأمراض المستعصية قبل الغير مستعصية
و تحيا مصر بلد العجائب
و أكبر عجيبة في مصر هي " شعب مصر "


و بالنسبة لتوكيل غبور
فسمعته أصبحت ........... تييييييييييييييييييييييت
بلاش علشان الناس المحترمة اللي قاعدة تقرأ الكلام على المنتدى
و تحيا مصر التيتتتتتتتتتتتتتتتت مرة أخرى


و أنا بجد غير مؤمن إن في حد في مصر ممكن حقه يرجعله إذا اتاخد منه ............ و حسبي الله و نعم الوكيل

[tot]

بس لو اشتكيت مش هيعملولك حاجة عشان انت استلمت العربية و مضيت انها مفيهاش اى عيب، يعني متهيالي الشكوى لحماية المستهلك دي تضييع وقت

[bassam nagy]

ربنا معاك ولازم تروح وتدخل لمدير المركز وشوف هايقوللك اية
بس حضرتك كنت تشوف العربية قبل ماتستلمها وعمتا قدر الله وماشاء فعل
حضرتك روح وشوف مدير المركز وخلية ينزل يشوف بنفسة الية حصل فى البوية والفانوس
وربنا معاك ان شاء الله

[hazem_khidr]

و أنا بقلب في صفاحات هذا الموضوع
في نغمات أغنية عمالة تردد في دماغي
و لكن مش فاكرها .... و هي أغنية عن مصر و للمطربة شادية تقبل الله توبتها

يا بلااادي يا احلي البلاد يا بلادي
ي احبيبتي يا مصر يا مصر
يا حبيبتي يا مصر يا مصر