إعـــــــلان

Collapse

.

,
See more
See less

مركز خدمة سيارات متكامل( مساعدة )

Collapse
X
 
  • Filter
  • الوقت
  • Show
Clear All
new posts

  • مركز خدمة سيارات متكامل( مساعدة )

    الإخوة الأعضاء والمشرفين المحترمين بفكر أعمل مركز خدمة سيارات متكامل ودى بعض الأجهزة اللى أنا محتاجها ومحتاج أعرف رأيكم ممكن أعمل إيه فى المركز فوق كدة وكمان عاوز أعرف أسعار الأجهزة التالية وأماكن تواجدها ولو تقريبا هستفيد وبسألأ بردو لو انت دخلت مركز زى كدة تحب يكون فيه ايه ويعمل ايه بالظبط ياريت اللى عنده ولو كلمة واحد يقولها هتفيدنى وجزاكم الله خيرا
    1- ماكينة شفط زيت الماكينة .
    2- جهاز ضبط زوايا العجل .
    3- جهاز ترصيص وضبط اتزان العجل .
    4- كمبروسر الهواء .
    5- جهاز تزويد الإطارات بالنيتروجين .
    6- جهاز غسيل السيارات بالبخار .

  • #2
    مش هتحتاج روافع مثلا؟!
    انا معرفش اسعارهم بس انا بفكر معاك بصوت عالي !
    Ashraf_Ibrahim

    Comment


    • #3
      حبيبى تسلم فكر فكر براحتك
      لا روافع على الأقل فى الأول لا
      فكر يلا كمان

      Comment


      • #4
        لو تعمل كشف اعطال بالكومبيوتر يكون مركز رائع
        وتقدر تستعين بالكوريك العادي بدلا من الروافع او تعمل البتاع اللي بيبقا عند بتوع الزيت دول وبالتالي تقدر تنزل تحت العربية وتبقا شايفها كويس
        ممكن تعمل اتنين مثلا في المركز بتاعك
        Ashraf_Ibrahim

        Comment


        • #5
          استاذ اشرف سبقنى بثوانى وممكن تبدأ باجهزة اليبانى والكورى اعتقد انها اكبر فئة منتشرة وشغلها كتير
          [COLOR=blue][B]وبحب الناس الرايئه اللى بتضحك على طول, اما العالم المدايئه انا لأ ماليش فى دول[/B][/COLOR]

          Comment


          • #6
            شوف كتير من الاخوه الاعضاء فكروا في المشروع قبل منك
            المشروع مش سهل ومحتاج مبلغ محترم
            واداره ودعايه
            والاهم الخبره السابقه لمثل هذه المشاريع
            المضوع كبير
            ربنا يوفقك
            [SIGPIC][/SIGPIC] ياتقول كلام في محله يا تقول حلو ياحلو
            [url]/photos/a.879931698703941.1073741827.879900435373734/879931905370587/?type=1[/url]

            Comment


            • #7
              اكيد طبعا الياباني والكوري اهم فئتين حاليا
              واعتقد في خلال الفترة الجاية الصيني هيكتسح هو كمان
              اهم حاجة في اي مركز ان الصنايعي اللي شغال يراعي ربنا وميفتيش في حاجة ميعرفهاش
              مش عيب ان لو حاجة ميعرفهاش يقول معرفش او مش تخصصي وصدقني الناس هتحترم دا جدا
              بس مش هتحترم ان حد يعك في عربياتها وهتعمل سمعة سيئة جدا للمكان
              انا بحذرك بس عشان تكسب زبون
              واكيد تعملنا تخفيضات يعني احنا نايل موتورز :d
              انا قدامي 20000 كم واطلع من الضمان فهجيلك بقا باذن الله :d
              Ashraf_Ibrahim

              Comment


              • #8
                المشاركة الأصلية كتبت بواسطة hugan مشاهدة المشاركة
                شوف كتير من الاخوه الاعضاء فكروا في المشروع قبل منك
                المشروع مش سهل ومحتاج مبلغ محترم
                واداره ودعايه
                والاهم الخبره السابقه لمثل هذه المشاريع
                المضوع كبير
                ربنا يوفقك
                الأخ المحترم
                أولا أشكرك على ردك على موضوعى وجزاك الله خيرا على توجيهاتك
                ثانيا كل تلك الشروط اللى حطيتها متوافقة وبقدر كبير معايا بإذن الله فقط ينقصنى دعائكم
                أشكرك على زوقك

                Comment


                • #9
                  المشاركة الأصلية كتبت بواسطة moshaks مشاهدة المشاركة
                  استاذ اشرف سبقنى بثوانى وممكن تبدأ باجهزة اليبانى والكورى اعتقد انها اكبر فئة منتشرة وشغلها كتير
                  أشكرك حبيبى إنت والأخ أشرف
                  فكرت فيها لكن بعتبرها توسع مش عملية مبدأية وأعتقد بدايتى هتكون بغسيل وغيار زيت

                  ثانيا بقى الأخ أشرف انت يا سيدى تنورنى وتشرفنى انت وكل أعضاء المنتدى بس أعتقد إنك لو عاوز تجيلى بعد الضمان تطلع دلوقتى علشان ال 20000 كم هيخلصوا وانت جاى
                  أنا فى العريش وهو ده اللى محمسنى للفكر إن المكان محتاج حاجة زى كدة ومفيش التكنولوجيا دى فى الأجهزة بقدر كبير هنا
                  بس أتمنى تشرفنى بردو وطبعا المسافة بنا حوالى 400 كيلو بالضبط
                  تسلمووووووووو جميعا

                  Comment


                  • #10
                    موضوع الإفتاء متقلقش مش هيتم بإذن الله لأنى صاحب عربية ورضاش حد يبهدلهالى وكمان لأنى بردو هشتغل بإيدى وألف على الصنايعية وهما شغاليين عشان دى سمعة مكانى أنا وحلمى اللى عاوز أحقق نجاحه

                    Comment


                    • #11
                      المشاركة الأصلية كتبت بواسطة Ashraf_Ibrahim مشاهدة المشاركة
                      لو تعمل كشف اعطال بالكومبيوتر يكون مركز رائع
                      وتقدر تستعين بالكوريك العادي بدلا من الروافع او تعمل البتاع اللي بيبقا عند بتوع الزيت دول وبالتالي تقدر تنزل تحت العربية وتبقا شايفها كويس
                      ممكن تعمل اتنين مثلا في المركز بتاعك
                      قصدك مجري

                      دة لازم طالما هيجيب جهاز ضبط زوايا

                      المشاركة الأصلية كتبت بواسطة hugan مشاهدة المشاركة
                      شوف كتير من الاخوه الاعضاء فكروا في المشروع قبل منك
                      المشروع مش سهل ومحتاج مبلغ محترم
                      واداره ودعايه
                      والاهم الخبره السابقه لمثل هذه المشاريع
                      المضوع كبير
                      ربنا يوفقك
                      أؤيدك في هذا الرأي
                      وخصوصا لو هيجيب جهاز HUNTER
                      دة اعتقد من احدث اجهزة ضبط الزوايا وبيحتاج تحديث لل DataBase بتاعته كل فترة وليكن 6 شهور

                      المشاركة الأصلية كتبت بواسطة capo_em مشاهدة المشاركة
                      الإخوة الأعضاء والمشرفين المحترمين بفكر أعمل مركز خدمة سيارات متكامل ودى بعض الأجهزة اللى أنا محتاجها ومحتاج أعرف رأيكم ممكن أعمل إيه فى المركز فوق كدة وكمان عاوز أعرف أسعار الأجهزة التالية وأماكن تواجدها ولو تقريبا هستفيد وبسألأ بردو لو انت دخلت مركز زى كدة تحب يكون فيه ايه ويعمل ايه بالظبط ياريت اللى عنده ولو كلمة واحد يقولها هتفيدنى وجزاكم الله خيرا
                      1- ماكينة شفط زيت الماكينة .
                      2- جهاز ضبط زوايا العجل .
                      3- جهاز ترصيص وضبط اتزان العجل .
                      4- كمبروسر الهواء .
                      5- جهاز تزويد الإطارات بالنيتروجين .
                      6- جهاز غسيل السيارات بالبخار .
                      انا شايف حضرتك مركز اوي علي الأجهزة الخاصة بالزوايا والأتزان

                      فين جهاز كشف الأعطال
                      فين الشنيور الي بيفك ويركب مسامير العجل
                      فين طقم العدة المتكامل من مفاتيح بلدي للأنجليزي والفرنساوي (طقم العدة الألماني او الأنجليزي لن يقل عن 2000 او 2500 جنيه بحد ادني)
                      فين الونش لو حبيت تفك الموتور من العربية
                      في تجهيزات كتير اوي احنا كمان معندناش فكرة بيها

                      انت محتاج حد يكون شغال في توكيل وتدخله معاك شريك ولو بنسبة صغيرة قصاد مجهوده وزباينه

                      ربنا يعينك

                      والله المستعان
                      ،
                      ،
                      [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                      [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                      [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                      [CENTER]
                      [COLOR=DarkRed]صفحة القسم علي الفيس بوك[/COLOR]
                      [/CENTER]
                      [CENTER][URL]http://www.facebook.com/SeatNileMotors[/URL]

                      [COLOR=Navy]صفحتي الشخصية
                      [url]https://www.facebook.com/ITNetworksWay[/url]
                      [/COLOR] [/CENTER]

                      Comment


                      • #12
                        لو هتشتغل في الميكانيكا والعفشه فقط

                        محتاج

                        جهاز زبط زوايا

                        روافع ولتكن وحده على الاقل

                        الدريل بتاع العجل وتربيط العفشه

                        العدد كلها وتشمل جميع المفكات بجميع موديلاتها طويله وقصيره وكل حاجه والونش بتاع المتور ده برضو
                        محتاج شويه زراجين

                        محتاج كمبريسور هواء وكوريكات وحاجات كده بتترفع عليها العربيه وتتساب

                        ده اللي فاكره والموضوع محتاج انك تنزل وسط البلد تسال على كل حاجه ف شارع الجمهوريه تقريبا

                        عشان تعرف تعمل دراسه جدوى وقبل كل ده محتاج صنايعي بيفهم ويكون معرفه عشان يبقى معاك وميبيعكش

                        Comment


                        • #13
                          المشاركة الأصلية كتبت بواسطة syd مشاهدة المشاركة
                          قصدك مجري

                          دة لازم طالما هيجيب جهاز ضبط زوايا



                          أؤيدك في هذا الرأي
                          وخصوصا لو هيجيب جهاز hunter
                          دة اعتقد من احدث اجهزة ضبط الزوايا وبيحتاج تحديث لل database بتاعته كل فترة وليكن 6 شهور



                          انا شايف حضرتك مركز اوي علي الأجهزة الخاصة بالزوايا والأتزان

                          فين جهاز كشف الأعطال
                          فين الشنيور الي بيفك ويركب مسامير العجل
                          فين طقم العدة المتكامل من مفاتيح بلدي للأنجليزي والفرنساوي (طقم العدة الألماني او الأنجليزي لن يقل عن 2000 او 2500 جنيه بحد ادني)
                          فين الونش لو حبيت تفك الموتور من العربية
                          في تجهيزات كتير اوي احنا كمان معندناش فكرة بيها

                          انت محتاج حد يكون شغال في توكيل وتدخله معاك شريك ولو بنسبة صغيرة قصاد مجهوده وزباينه

                          ربنا يعينك

                          والله المستعان
                          ،
                          ،

                          بص يا سيدى أولا أنا بشكرك وبشكر كل أعضاء المنتدى على التعاون واشكرك على توجيهاتك
                          بالنسبة لجهاز كشف الأعطال مش هيكون فى أول العملية ومش هكون جاهزله لأنى هكون فى البداية
                          بالنسبة للدريل مكانش فى بالى بس أشكرك انك فكرتنى بيه
                          طبعا طقم العدة شئ مفروغ منه
                          ونش الموتور مش هستخدمه على الأقل فى الأول لأنى مش هشتغل ميكانيكا

                          أكيد قبل كل حاجة هسأل أكبر عدد من اللى ليهم خبرة فى مجالات مماثلة بس ادعيلى ولو جه فى دماغك أى حاجة قلى عليها وبجد أنا شاكر ليك

                          Comment


                          • #14
                            المشاركة الأصلية كتبت بواسطة حماده المصري مشاهدة المشاركة
                            لو هتشتغل في الميكانيكا والعفشه فقط

                            محتاج

                            جهاز زبط زوايا

                            روافع ولتكن وحده على الاقل

                            الدريل بتاع العجل وتربيط العفشه

                            العدد كلها وتشمل جميع المفكات بجميع موديلاتها طويله وقصيره وكل حاجه والونش بتاع المتور ده برضو
                            محتاج شويه زراجين

                            محتاج كمبريسور هواء وكوريكات وحاجات كده بتترفع عليها العربيه وتتساب

                            ده اللي فاكره والموضوع محتاج انك تنزل وسط البلد تسال على كل حاجه ف شارع الجمهوريه تقريبا

                            عشان تعرف تعمل دراسه جدوى وقبل كل ده محتاج صنايعي بيفهم ويكون معرفه عشان يبقى معاك وميبيعكش

                            أشكرك حبيبى إن شيةاء الله هاخد لفة محترمة قبل كل حاجة بس ادعيلى وأشكرك مرة تاني

                            Comment


                            • #15
                              بصوا يا جماعة أولا كل سنة وانتم طيبيين
                              ثانيا أنا راسلت شركة متخصصة فى الأجهزة دى اللى سألت عنها وتفضل المهندس القائم بالمبيعات مشكورا بإعطائى معلومات مهمة وأسعار هذه الأجهزة وهقولهالكم علشان اللى حابب يعمل حاجة زى كدة وبردو يبقى عندنا فكرة عامة

                              أولا ماكينة شفط الزيت - صينى - 1400 جنيه
                              ثانيا جهاز ضبط الزوايا -إيطالى - إبتداءا من 50000 حتى 72000
                              ثالثا جهاز الترصيص - إيطالى - من 17000 إلى 22000
                              رابعا جهاز تزويد الإطارات بالنيتروجين - صينى - 6000
                              وأتمنى من أى حد يعرف شركة يسأل أو يعرف يساعد بأى حاجة
                              تحياتى ليكم

                              Comment

                              Working...
                              X