زرار فصل الكهرباء لمكافحة السرقة

[Lion_Heart]

من فترة عندنا فى موقع العمل اتسرقت عربية و بعدها على طول لقيت كل السواقين عاملين الزرار ده وهو بيفصل الكهرباء عن طلمبة ضخ الوقود
و مكانه بيكون معروف للسواق بس
فهل جربتوا الحركة دى ؟
و ايه رأيكم فيها؟
خاصة فى الايام اللى مايعلم بيها الا ربنا دى

[A.Saad]

بيتجيب مفتاح واحدج شدة
سلوك هات السويدى ولا حجازى والكهربائى بقولك كام ميللى
تختار مكان مخفى عندك تحط فيه الزرار او بلاش الزرار وتوصل على زرار فابريكة سواء تعدل حاجة او تشترى جديد وتحطه مكان اى طبة
وبس

[Lion_Heart]

بيتجيب مفتاح واحدج شدة
سلوك هات السويدى ولا حجازى والكهربائى بقولك كام ميللى
تختار مكان مخفى عندك تحط فيه الزرار او بلاش الزرار وتوصل على زرار فابريكة سواء تعدل حاجة او تشترى جديد وتحطه مكان اى طبة
وبس

و اى كهربائى ممكن يعمل الكلام ده ولا لازم حد بيفهم

[A.Saad]

ممكن اى حد
بس لو بيفهم احسن علشان التقفيل والتعدية وكدة

[mahmoud_anwar]

دة مش بيفصل البنزين ده بيفصل الموبينة بيخلي العربية لما تيجي تدورها تقنها فضية بنزين مش بتلقط

[A.Saad]

انا مركزتش فى جزئية فصل الوقود
كلام العضو wassof صح

لو عايز تفصل الوقود بتشيل فيوز طلمبة البنزين
هتلاقى غطا الفيوزات وممكن يكون عندك فى الكابينة
شوف لو حاجة مكتوب عليها pump
fuel وما تمسكوش بايدك
فيه مشبك فى العلبة او فى العلبة التانية فى الحوض او بنسة ليه

[EngAhmedSayed]

ههههههههههههههه
المشكلة انى الحرامى يدور العربية و يمشى
هو لسة هيفك ويدور و الكلام الفاضى دة ولسة هيفتح المسوجر والقصة دى
لا الموضوع ابسط من كدة بكتيير
الحراميةعندناتقدمو جدااااااااا
بيجيب ونش وشاوية شحم وبيحطها قبل العجل علشان يبقى زى الحلوه وميعملش صوت و هوب فى خلال دقيقة تكون على الونش وهوب يفكيك
الحرامية بيتطورو واحنا معاهم
المفهوم الجديد لسرقة العربيات

[AmAhmed]

كنت عاملها ايام ال 128 جنب شداد الكبوت و هي بالفعل بتفصل البوبينة علشان تدي احساس ان البطرية ضعيفة او مفيش بنزين و تعمل صوت المارش لكن لا تدور
و كان واحد عسل اوي حاطط المفتاح في الشنطة - و لا العفريت يلاقيه :)

[mrghost]

ههههههههههههههه
المشكلة انى الحرامى يدور العربية و يمشى
هو لسة هيفك ويدور و الكلام الفاضى دة ولسة هيفتح المسوجر والقصة دى
لا الموضوع ابسط من كدة بكتيير
الحراميةعندناتقدمو جدااااااااا
بيجيب ونش وشاوية شحم وبيحطها قبل العجل علشان يبقى زى الحلوه وميعملش صوت و هوب فى خلال دقيقة تكون على الونش وهوب يفكيك
الحرامية بيتطورو واحنا معاهم
المفهوم الجديد لسرقة العربيات

دى بقى ملهاش حل غير انى افحت فى الاسفلت وادفن العربيه فى حفره

[mahmoudysf]

او كل واحد يدق اسفين في الارض ويجنزر فيه العربية

[abdalah_hashem]

كان عندى فكرة عبارة عن اربع صواميل واسعين القطر الداخلى بتاعها مش اقل من 5 سم يتلحموا فى العربية
وفى الارض يتعمل اربع اعمدة مقلوظين كل واحد على موتور كهربا تحدد انت خط تظبط علية العربية
وبريموت زى بتاع المكنة الصينى تدور المواتير ترفع القلاووظ ويتربط فى الصامولة
وفى الاخر يعمل حاجة زى اللوك بتاع عجل عربيات السباق او تقفل كل عمود بقفل

لا تقوللى شحم ولا ونش
وعشان ياخدها لازم يخلق الخوازيق اللى هتبقى داققها ييجى متر فى الارض ومثبت فيها الموتور اللى بيرفع القللاووظ
ويكسر الخرسانة اللى حواليهم

بس الفكرة كبيرة شوية

[mr_sameh]

مفيش غير الستر من ربنا

[tarekomar66]

او كل واحد يدق اسفين في الارض ويجنزر فيه العربية

انته بتقول فيها والله لى صديق عامل كده فعلا فى عربيته داقق خازوق فى الارض وجايب جنزير ورابط بيه العربيه فى الخازوق
وبرضه فى الاخر الستر من عند ربنا

[morsi]

انته بتقول فيها والله لى صديق عامل كده فعلا فى عربيته داقق خازوق فى الارض وجايب جنزير ورابط بيه العربيه فى الخازوق
وبرضه فى الاخر الستر من عند ربنا

مفيش حل غير اننا نكهرب العربية