سارينة الشرطة

[Akram]

يا جماعة انا اسمع إن تركيب جهاز سارينة الشرطة في العربية ممنوع و فيه مخالفة ,
انا كنت عايز اللي يعرف تفاصيل الموضوع ده يكلمنا عنه ,
و إذا كان فيه حد مركبها أو كان مركبها قبل كده يحكيلنا عن التجربة دي ,
و هل الممنوع هو إستخدام المايك فقط أم إستخدام صوت سرينة الشرطة ,
و هل فيه أجهزة بيبقى فيها كذا صوت مع السرينة و هل باقي الأصوات دي ممنوعة .

[hazem_khidr]

السرينه الهوئيه(سرينه الشرطه) ممنوعه
الابواق كمان ممنوعه و بيبقي عليها مخالفه و بيتسحب رخص العربيه و تدخل فحص فني علشان تاخد رخصك تاني.
بس انت ممكن لو عاوز تركب ركب بس ما تستعملهاش قدام اي لجنه و اي شرطه.
بس هو غلط علشان ما ترجعش تقول حازم هو اللي قالي ركب:p

[AhmedGen2]

ايه الحكمة من تركيبها يعنى ؟

[link7200]

السرينه من بابها كدا ممنوعه ( بس فى بلدك مدام معاك فلوس او تعرف حد ميبقاش ممنوع) انا واحد من الناس لما اقفل فى لاجنه لازم لازم العربيه تتفتش ( علشان منظرها ملفت جدا للنظر ) فبيلاقى السرينه فبديله 20 جنيه و احيانا 10 جنيه على حسب الى واقف قدامى و كدا اريح من انا اتصل بحد او اشيل نفسى جمايل على تفاهات
فى كذا نوع منها و كل سراين الدخليه أصوات كتير
شوفلك سرينة ونش علشان النعره بتاعتها جامده و ركبها على هورنين ( 2 مكريفون)
و شوف النتيجه عامله ازاى ( حتعمل بيها قلق )

[Akram]

الموضوع إني عايز اركب حاجة اعمل بيها تنبيه جامد و استخدمها في بعض الأماكن ,
يعني من كام يوم على الدائري اوتوبيس جنح عليا و مسمعش الكلاكس بتاعي و ربنا ستر و لو عندي حاجة جامدة تنبه في الطرق السريعة تبقى نوع من الحماية ,
و كمان في المناطق الشعبية تلاقي الميكروباص مبيهتمش بالكلاكس بتاعي لأن صوته ضعيف لكن لو فيه حاجة جامدة هتلاقيه يتحرك ,
انا مش عايز استخدم صوت سرينة الشرطة لكن عايز أستخدم صوت من الأصوات التانية يكون جامد ,
و حبيت اعرف تجارب الأعضاء في الموضوع ده .

[link7200]

انت لو ركبتها حتحس بفرق بزات مع المكروباصات ( حتلاقى مره واحده رجه تانى و دخنه هباب طالعه من الشكمان يعن فعص اكسراتير على اخره علشان يوسه ) و طبعا المكرباصات بيكون مكنها قديم و معظمه خفيف
و كمان الطريق لما بيكون واقف وقوف عشوائى بتزبطه

[lanos2]

الموضوع إني عايز اركب حاجة اعمل بيها تنبيه جامد و استخدمها في بعض الأماكن ,
يعني من كام يوم على الدائري اوتوبيس جنح عليا و مسمعش الكلاكس بتاعي و ربنا ستر و لو عندي حاجة جامدة تنبه في الطرق السريعة تبقى نوع من الحماية ,
و كمان في المناطق الشعبية تلاقي الميكروباص مبيهتمش بالكلاكس بتاعي لأن صوته ضعيف لكن لو فيه حاجة جامدة هتلاقيه يتحرك ,
انا مش عايز استخدم صوت سرينة الشرطة لكن عايز أستخدم صوت من الأصوات التانية يكون جامد ,
و حبيت اعرف تجارب الأعضاء في الموضوع ده .

كنت لسة بفكر زيك فى الموضوع دة بسبب السواقين الغشم فى الشارع و لانى عارف ان السرينة ممنوعة بفكر اضاعف الكلاكس او اركب كلاكس سيارة نقل اية رايك .

[sherif_84]

شوفوا كلاكس ديزل السكة الحــديد اذا كان بيتباع ( : ( :
فعلا صوته رهيب ومالوش حل ويخوف اي حد جنبك

[Akram]

ممكن تركب بووووووق القطر :) :) :) ,

لأ بجد الكلاكس البوش بيبقى جامد و كنت بفكر فيه و سألت الكهربائي قاللي ممكن يركب بزرار (سويتش) يخليه يشتغل أو يخلّي الكلاكس القديم هو اللي يشتغل علشان لو مش عايز أشغل الكلاكس البوش على طول ,
و لكن موضوع سرينة الشرطة جه بدون ترتيب و علشان كده قلت قبل ما أركبه أسألكم عليه.

[Akram]

sherif_84 انت نورت المقابلة ,
انت كتبت التعليق في اثناء كتابتي لتعليقى الاخير و بتتكلم برده عن بوووق القطر ,
دا توارد خواطر .........;)

[sherif_84]

ياباشـــــا ربنا يكرمــك يارب ده نورك انت يا أكــــرم ( :
والله لو كلاكس القطر بيتباع انا مستعد اشتريه ( :
فعلا توارد خواطـر

[sherif_84]

على فكرة يا أكرم انا اللى راسم القطر ده ايه رأيك ( :

[ASD peugeot]

انا عندي زماره البيجو تسوي الدنيا و خصوصا 504 عليها زماره سيبك يا راجل من زماره الشرطه و ركبلك واحده 504

[aliabutaleb]

السرينه من بابها كدا ممنوعه ( بس فى بلدك مدام معاك فلوس او تعرف حد ميبقاش ممنوع) انا واحد من الناس لما اقفل فى لاجنه لازم لازم العربيه تتفتش ( علشان منظرها ملفت جدا للنظر ) فبيلاقى السرينه فبديله 20 جنيه و احيانا 10 جنيه على حسب الى واقف قدامى

هو الراجل بتاع "عشان متنضربش على قفاك" كان قال ان مفيش تفتيش من غير إذن نيابة :)