مين يكسب lancer 1300 ولا aveo 1500

[koko616]

انا معايا لانسر 2007 بوما 1300 سي سي


و سواقتي هادية اوي مليش في الشد و الجري و الكلام ده


المهم ان واحد صاحبي في الكلية معاه شيفروليه افيو 2007 اللي هي تقفيل كوري 1500 سي سي


و كنا بنتناقش و كده ... فتحداني ان عربيتي لو اتحطت جنب عربيته ان عربيته هو اللي تكسب من ناحية الشد يعني


بس انا قولت لا لان ال 1300 ياباني و متسوبيشي احسن من ال 1500 افيو الكوري


بس طبعا مجربتش اشد معاه لاني مليش في الكلام ده


فا انتوا ايه رأيكوا بقى ؟؟؟ مين كلامه صح ؟؟؟ مين يكسب التاني ال لانسر 1300 و لا الأفيو 1500


مع العلم ان البنزين في الاتنين 92


و اللانسر ال 1300 اوتوماتيك و الأفيو مانيوال


مستني رأيكوا

[motoxp]

الافيو

[koko616]

و السبب ايه ؟؟؟ دي كوري !!

[Amr Axel]

عايز رأيي
اللي يكسب السواق الصح

[alemam2005]

الافيو علشان مانيوال

[M.Elgergawy]

لو عربيتك مانيوال هتطلع من الافيو بسهولة
بس للاسف كدا هو هيطلع منك عشان ال 1300 اوتو في اللانسر ضعيفة في العزم وهو هيحرق على الغيارات

[eng.octooo]

الافيو : اخف وموتور اكبر ومانيوال

اللانسر : اثبت وموتور اقل واوتوماتيك


الافيو تكسب لو على الشد اما لو على انها تكوت عربية عملية يبقى اللانسر

[eldell]

عايز رأيي
اللي يكسب السواق الصح

+11111111111111111

لاكن لو الاتنين سواقين الافيو هتكسب علشان انت عندك اوتو و1300 وهيبقى عزمه ضضعيف يعنى هو هيجمع بسرعه جدا

[Amr Axel]

+11111111111111111

لاكن لو الاتنين سواقين الافيو هتكسب علشان انت عندك اوتو و1300 وهيبقى عزمه ضضعيف يعنى هو هيجمع بسرعه جدا

+11111
بالظبط

[SAMEH_FOUAD]

ياباشا حتى لو عربيتك مانيوال انت بتقول انك مش بتجرى يعنى عربيتك مش فايقة وهو شكلة غاوى جرى وبيحرق

عموما الافيو 83 حصان واللانسر 92 حصان فرق الوزن لصالح اللانسر والحجم لصالح اللانسر

يبقى كدة حضرتك لو عايز تجرى يبقى من الافضل انك تجرى معاة من سرعة 60 مش من الثبات وساعتها حضرتك مش هتكون جايب الd لأ هتكون جايب ال2 واحرق علية وبعد كدة هات ال3 واحرق علية لحد ماينقل للرابع

[MOUSTAFA_SAAD]

المانول يكسب

[hko]

السواق يكسب بس الافيو تكسب عشان 1500 مانيول ووزنها خفيف والانسر 1300اوتوماتك واتقل من الافيو ومعروف ان تجميع المانيول اسرع من الاوتومانك لو بتشد معاه من الصفر هايسبقك في الطلعه بس لو انت سواق صح هاتجيبه بعدها وهتعديه كمان
انما لو بتشدو مثلا من 60 هاتخليك علي الd وافضل حارقه لحد 80 وبعدين هات ال2 لحد 100 وبعدين هات ال3
بس عموما الافيو دي عربيه معدومه الثبات والانسر احسن منها 100مره

[koko616]

السواق يكسب بس الافيو تكسب عشان 1500 مانيول ووزنها خفيف والانسر 1300اوتوماتك واتقل من الافيو ومعروف ان تجميع المانيول اسرع من الاوتومانك لو بتشد معاه من الصفر هايسبقك في الطلعه بس لو انت سواق صح هاتجيبه بعدها وهتعديه كمان
انما لو بتشدو مثلا من 60 هاتخليك علي الd وافضل حارقه لحد 80 وبعدين هات ال2 لحد 100 وبعدين هات ال3
بس عموما الافيو دي عربيه معدومه الثبات والانسر احسن منها 100مره

قصدك من 60 ل 80 احرق ازاى ؟؟؟ يعني ادوس دواسة البنزين للاخر ؟؟؟

و كمان مش كتير اوي على التاني من 80 ل 100 ؟؟؟!!!!! و التالت من 100 لحد كااااااام و بعدها اغير على ال d و لا على ايه ؟؟؟

[Ahmod]

قصدك من 60 ل 80 احرق ازاى ؟؟؟ يعني ادوس دواسة البنزين للاخر ؟؟؟

و كمان مش كتير اوي على التاني من 80 ل 100 ؟؟؟!!!!! و التالت من 100 لحد كااااااام و بعدها اغير على ال d و لا على ايه ؟؟؟

ماهو يا باشا عربيتك لازم تكون عارف كل غيار اخره سرعة كام لو حرقت عليه

يعني انا مثلا معايا ياريس 1300 اتوماتيك وبمشي على التاني لحد 100 تقريبا او 95

مع ان كان الاول التاني اخره 80 بس بعد مالعربية اتفتحت اكتر بقت فايقة وبقى يوصل معايا التاني لحد 100

والتالت 160

فخلبي بالك من نقطة انه لو هو واخد على الجري هتبقى عربيته فايقة كتير عن عربيتك لانك مش معود عربيتك على انها تجري

لكن عموما انت جيب اخر الدواسة هتسمع صوت الماتور علي جامد وال Rpm نط ماتقلقش وكمل وخليك على ال D وهو هينقل لوحده اول مايلمس الريد زون

بلاش تجيب المانويل وانت لسه مش عارف غياراتك اخرها كام عشان ماتحرقش الماتور

واحسن حاجة لو تاخدو مطب وتحرقو من بعده ده هيبقى نقطة في صالحك لان من الثبات المانويل بيفضل يعلي في ال Rpm ويسيب درباش بالتالي بيبدأ حرق من على Rpm عالي فهيفرك ويطلع منك

انما انت الاوتوماتيك مافيهوش الكلام ده بالتالي بتبدأ سرعتك من اول ال Rpm على عكسه بادئ من على 3.5 او 4 فالاحسن قله ناخد مطب وننزل منه ندوس

وشوف الموضوع ده هيفيدك اكتر

http://www.nilemotors.net/Nile/229723-a.html

[waelsaleh]

انا معايا لانسر 1300 اوتوماتيك
العربيه دى مش بتاعه شد دى عايزه واحد هادى خاااااااااااااالص
هو يكسب طبعا