رايكوا فى توكيل شيفروليه سندوب

[poussi]

انا عايزه اسألكوا على توكيل شيفروليه اللى فى سندوب؟؟

انا عربيتى لانوس عامله دلوقتى 15000

المهم اول صيانه عملتها كنت حطيت زيت 10000 وكانت ب 350 جنيه

تانى صيانه بقى مغيرتش زيوت ولا حاجه كان تربيط للعفشه بس تقريبا ودفعت 200 جنيه

تالت واحده بقى والضربه الكبيره
غيرت زيت 5000 وفلتر زيت وفلتر بنزين وفلتر هوا وتنضيف موتور كان ب 450 ووهو بيكشف على العربيه قالى التيل الامامى متاكل وركبلى واحد تانى ب 150
والحمد الله دفعت 600 جنيه فى اول الشهر والمرتب طااااار

كنت بتكلم مع صاحبتى هى من طنطا وبتعمل صيانه ف دفره قالتلى انتى بيتنصب عليكى جاامد
وانها غيرت زيت اول مره ب 35 جنيه
وان ناس كتير من المنصوره بتروح دفره لان التوكيل هناك احسن ؟؟

هل الكلام ده بجد انا بيتنصب عليا فعلا اللى اعرفه ان اسعار التوكيل هتكون واحده فى اى مكان ؟؟

وهل ينفع انى اعمل الصيانه بره التوكيل؟ ولا ده هيخرجها من الضمان

ولو ينفع ياريت حد يقولى على ميكانيكى محترم فى المنصوره اعمل عنده الصيانه

لانى فعلا مش ملاحقه كل 3 شهور لازم ادفع من 200 ل 400 جنيه غير البنزين

مرتبى كله بيروح على العربيه ده انا لو عندى بنت مش هصرف عليها كده هههههههههههههه

[magyver]

بيني وبينك والله انا مش بعترف بالتوكيلات دة
والله الصنايعية برة احسن مليووون مرة

[pro_samir]

معنديش فكره عن اسعار الصيانات بس زيت ايه اللي ب35 جنيه ؟

ده ارخص زيت السايب اللتر ب13 جنيه تقريبا

[shock]

اولا الناس اللي شغالة في المنصورة هما اللي ككانو شغالين في طنطا (دفره)
اول صيانة بتبقا مجاني لو تم تغير زيت فيها بتدفعي بس فلوس الزيت يعني اول صيانة من غير فلوس المصنعية
في الفاتورة اللي بتستلميها بيبقا مكتوب فيها اسعار المصنعية بتاعت كل حاجة
المنصورة زي طنطا مفيش فرق لان الاسعار واحدة ثابتة مفيش فرق
انتي كملي في الضمان لحد 20 الف وبعد كدا ابقي اعملي اي حاجة بره
وانتا عايزه ميكانيكي من الاول كدا العربية لسه جديدة

[AutoTycoon]

هو الضمان لحد 20 الف كم بس؟

[shock]

هو الضمان لحد 20 الف كم بس؟

لا طبعا
انا قصدي من كدا ان خلال ال 20 الف لو في عيوب ها تكون ظهرت في العربية
وكدا يبقا ليها الحق في تصليحها علي الضمان

[grinsh]

التوكيل سعره واحد في كل حته
انا علي طول بعمل صيانة الاوبترا هناك وفي هناك ناس كويسه جدا بس نصيحة حاولي تكوني واقفة علي عربيتك وهي بتتصين علشان تتكمني وتتعلمي حاجات كتير المهندس اللي ماسك الصيانة هناك اسمه / عمرو الشيوي محترم جدا وبياخد العميل علي راحته وبالنسبة للفنيين في واحد اسمه سامح وده ملتحي وهو شاطر بصراحة ومش بيفوت اي حاجة ويليه واحد اسمه زلط وهو ضخم شوية كده بس عموما مش هتحتاجي تروحي الصيانة في طنطا الا لما يكون عندك لا قدر الله حاجه كبيره في العربية وللعلم بيجي كل يوم اثنين او ثلاثاء في فرع طنطا مدير صانة جي ام في مصر واسمه / عمرو عبود وده بيجي علشان المصايب الكبيرة اللي بتكون في العربيات.

ومبروك علي العربية ..... وادعيي لعربتك وقوليلها : ربنا يكفيكي شر الميكانيكي

[poussi]

بيني وبينك والله انا مش بعترف بالتوكيلات دة
والله الصنايعية برة احسن مليووون مرة

مانا مش عارفه صنايعيه كويسين للاسف ولما بروح لاى سبب لازم يتضحك عليا بس اهو اتعلمت شويه الحمد الله

معنديش فكره عن اسعار الصيانات بس زيت ايه اللي ب35 جنيه ؟

ده ارخص زيت السايب اللتر ب13 جنيه تقريبا

مانا استغربت من السعر بس صاحبتى بتحلف انها غيرته ب 35 وانا دفعت يومها 320

اولا الناس اللي شغالة في المنصورة هما اللي ككانو شغالين في طنطا (دفره)
اول صيانة بتبقا مجاني لو تم تغير زيت فيها بتدفعي بس فلوس الزيت يعني اول صيانة من غير فلوس المصنعية
في الفاتورة اللي بتستلميها بيبقا مكتوب فيها اسعار المصنعية بتاعت كل حاجة
المنصورة زي طنطا مفيش فرق لان الاسعار واحدة ثابتة مفيش فرق
انتي كملي في الضمان لحد 20 الف وبعد كدا ابقي اعملي اي حاجة بره
وانتا عايزه ميكانيكي من الاول كدا العربية لسه جديدة

انا بفكر فى كده فعلا لانى مش ملاحقه مصاريف وانا بستهلك العربيه كتير اوى فتقريبا بروح الصاينه كل 3 شهور
لا الحمد الله العربيه حلوه بس عايزه اعرف للزمن يعنى لما احتاج ميكانيكى او حد اعمل عنده الصيانه بره بس اهم حاجه يكون امين مش حرااااااااااااااامى
دى عربيه بنت يالا ياعم هننصب عليها انا استويت نصب

التوكيل سعره واحد في كل حته
انا علي طول بعمل صيانة الاوبترا هناك وفي هناك ناس كويسه جدا بس نصيحة حاولي تكوني واقفة علي عربيتك وهي بتتصين علشان تتكمني وتتعلمي حاجات كتير المهندس اللي ماسك الصيانة هناك اسمه / عمرو الشيوي محترم جدا وبياخد العميل علي راحته وبالنسبة للفنيين في واحد اسمه سامح وده ملتحي وهو شاطر بصراحة ومش بيفوت اي حاجة ويليه واحد اسمه زلط وهو ضخم شوية كده بس عموما مش هتحتاجي تروحي الصيانة في طنطا الا لما يكون عندك لا قدر الله حاجه كبيره في العربية وللعلم بيجي كل يوم اثنين او ثلاثاء في فرع طنطا مدير صانة جي ام في مصر واسمه / عمرو عبود وده بيجي علشان المصايب الكبيرة اللي بتكون في العربيات.

ومبروك علي العربية ..... وادعيي لعربتك وقوليلها : ربنا يكفيكي شر الميكانيكي

هو انا مرتاحه معاهم كتعامل بصراحه وركبت الانذار هناك
لكن اللى لفت نظرى فرق السعر يعنى اخر مره فى دماغى هدفع 400 بالكتير دفعت 600 الحمد الله والميزانيه باظت

لكن كتعامل ناس محترمين
واعتقد انهم فاهمين كويس وده لانى مبفهمش فى العربيات اوى بس ده اللى حسيته

[shock]

انا بفكر فى كده فعلا لانى مش ملاحقه مصاريف وانا بستهلك العربيه كتير اوى فتقريبا بروح الصاينه كل 3 شهور
لا الحمد الله العربيه حلوه بس عايزه اعرف للزمن يعنى لما احتاج ميكانيكى او حد اعمل عنده الصيانه بره بس اهم حاجه يكون امين مش حرااااااااااااااامى
دى عربيه بنت يالا ياعم هننصب عليها:n_no[1]: انا استويت نصب

مش من اولها كدا تروحي لميكانيكي عشان مش يحسسك ان العربية فيها حاجة
وتبقا سليمة وفي ناس كتيرة حلوة في المنصورة

[nemo_1806]

اناعن نفسي روحت الصيانه اللي في سندوب دي مره واحده ومرحتهاش تاني خالص وبعمل كل حاجه بره التوكيل وزي الفل الحمد لله والاسعار بره معقوله انما الصيانه هناك غاليه علي الفاضي ويقولك عملت كذا وكذا وهما بجد مبيعملوش حاجه وعن تجربه شخصيه

[asemx1]

لو انتا من المنصوره يا باشا تعال وانا اعملك الصيانه ببلاش انا هدفى تدمير التوكيلات المصريه لو عايز اى حاجه فى الصيانه الانوس انا حافظها حته حته وعندى برنامج الصيانه بتاعها تعال وانا هقولك تعمل ايه وتروح فين وتغير ايه وتجيب الحاجه منين وسيبك من الناس دول

لو متشوق لكدا كلمنى على الخاص

تحياتى لك

مهندس / عاصم جاد

[shock]

لو انتا من المنصوره يا باشا تعال وانا اعملك الصيانه ببلاش انا هدفى تدمير التوكيلات المصريه لو عايز اى حاجه فى الصيانه الانوس انا حافظها حته حته وعندى برنامج الصيانه بتاعها تعال وانا هقولك تعمل ايه وتروح فين وتغير ايه وتجيب الحاجه منين وسيبك من الناس دول

لو متشوق لكدا كلمنى على الخاص

تحياتى لك

مهندس / عاصم جاد

حضرتك عندك مركز صيانة لاي عربية ولا حاجات معينة

[capture_k]

انا معايا اوبترا تقريبا 100000 كيلو واربع سنين---انا رحت التوكيل كتير وجربت كذا توكيل---صح في حاجات مش هتلاقيها غير في التوكيل--بس لو الحاجه موجوده بره نصيحتي اعمليها بره---يعني التوكيل يتميز بقطع الغيار في حالة عدم توافرها بره لو توافرت قطع الغيار بره يبقى حرام تدفعي رقم زي ده في مصنعيات مفيش ليها اي لازمه (الزيت ب 250 10000)

وحاولي تقفي على عربيتك سواء في التوكيل او بره لان الصنايعي لما بيحس ان صاحب العربيه بيبص عليه بيشتغل بضمير

وانا تجربتي مع العربيه كوع الثرموستات ضرب على 60000 بالظبط -كده بره الضمان اشتريته من الحسينيه في المنصوره ب 65 وركبته في البيت---ولو رحت بيه لميكانيكي مش هاديله اكتر من 20 جنيه بدخانه

انا عربيتي في التوكيل حاليا لان الكبوت اتخبط خبطه غيرت وضع المفصلات--انا رحت التوكيل لاني عارف ان مفيش مفصلات بره--لولا كده كنت عملت الشغل الي فيها بره