حد عنده فكرة عن منطقة الصف

[نور القمر]

اتسرق من 2 من جيرانا عربياتهم والحمد لله هم ال2 رجعت عربياتهم بعد دفع الفدية
واحدة منهم مسروقة بدون اي كسور فيها والحرامي طلع من الصف
والتانية كسرينها والحرامي من اوسيم
قولنا نعمل زي المفتش كرمبو ونسأل عنها في الصف على اعتبار انها اتسرقت في منطقة فيها رجل يعني الحرامي غالبا هيكون فتحها من غير مايلفت الانظار بكسر العربية
صحيح عدى مدة طويلة اقل من شهرين بس مازال الامل موجود
ياترى حد عنده فكرة عن الصف وهل هي امان ولا ممكن حياة الافراد تتعرض للخطر وايه النصائح او الاحتياطيات اللي المفروض ناخدها عشان نأمن نفسنا

[elpasha1]

خد معاك رجالة وسلاح

[Ashraf_Ibrahim]

معلوماتي بتقول ان الصف واوسيم تبع الجيزة!
وهي مناطق مش لذيذة
فلازم رجالة وسلاح !

[hondaman]

معلوماتي بتقول ان الصف واوسيم تبع الجيزة!
وهي مناطق مش لذيذة
فلازم رجالة وسلاح !

هيا فعلا من الجيزة مشوار طويل من الكورنيش طريق الصعيد روحتها مرة واحدة زمان كلها ارياف بس منصحش بحكاية سلاح دى خصوصا انهم هيبقو غرب او اجانب عن اهل المنطقة يعنى محدش هيسمى عليهم

[M.Elgergawy]

أنا ليا ناس في اوسيم لو عايزة حاجة من هناك وعيلة كبيرة اوي

[نور القمر]

أنا ليا ناس في اوسيم لو عايزة حاجة من هناك وعيلة كبيرة اوي

الف شكر لك يعني يا استاذ محمد يقدروا يعملوا حاجة في موضوع العربية
مهي اوسيم فيها اوكار لسارقي السيارات زي الصف
هل يقدروا يشمشموا عليها
وطبعا حلاوتهم محفوظة

[M.Elgergawy]

حاضر هكلم واحد هناك وهشوف كدا وهبلغ حضرتك
ويارب يكون خير وتلاقيها بإذن الله

[نور القمر]

جزاك الله خير والف شكر

[mezo2000]

jjjjjjjjjjjjj;

[نور القمر]

هيا فعلا من الجيزة مشوار طويل من الكورنيش طريق الصعيد روحتها مرة واحدة زمان كلها ارياف بس منصحش بحكاية سلاح دى خصوصا انهم هيبقو غرب او اجانب عن اهل المنطقة يعنى محدش هيسمى عليهم

فعلا موضوع السلاح هايستفزهم

[minicooper20]

لا سلاح ايه اوعى
انتى يا فندم شوفى من كبير المنطقه او المسكها
و هو هيجبلك الزتونه كولها
ربنا يكرمك باذن الله

[dr_radioooooo]

شوفوا حد من المخبرين اللى فى المنطقة هما بيبقوا عارفين كل حاجة

[aboomar22]

لا سلاح ولا غيره واحد صاحبى عربيته اتسرقت راح حته اسمها كوم السمن فى القليوبيه وهناك سال الناس ان عربيته مسروقه والناس قالتلي ادور عليها هنا المهم وصلوه لواحد وقاله على المكان اللى اتسرقت منه قاله اشوفهالك انتظر شويه وقاله هيه موجوده عند ناس واداله ارقام الموتور والشاسيه امارة وقاله احاول مع الناس كده والحلوان (الحلاوه يعنى )20 الف المهم وصلوا ل10 ودفعهم ادلوا مفاتيح العربيه وقالوا هتلافيها موجوده عند مطلع الدائرى وراح خدها المشكله بقى ان يقولك العربيه عندنا وتدفع ويضحك عليك وياخد الفلوس كمان

[نور القمر]

زوجي في الصف من الصبح بيلف ويسأل ادعولنا يرجع بالسلامة ويلاقيها

[النوبي]

ربنا يحفظه و يرجع بالف سلامه