لما بتشتري عربيه بتعمل حسابك انك هتعمل حادث؟؟!!!!!!

[النوبي]

لما بتشتري عربيه بتعمل حسابك انك هتعمل حادث؟!
طبعا السؤال غريب بس بجد صدقوني الاغرب الاجابه

لو الموضوع لسه مش واضح
ممكن نقول مثال
ليه عربيه زي اللانوس بتبيع اكتر من الجين تو واكتر من اللوجان

[Mohamed.Ramah]

بغض النظر عن الموديل اغلب من يشترى سيارة عارف ان لازم شوارع مصر حتسيب بصمتها عليها من خبطات لخرابيش والحالى هو السرقة ....

[engaass]

الموضوع مش على توافر قطع الغيار بس لكن سهولة الصيانة واسعار قطع الغيار ليهم دور برضه ساعات بتبقى التكنولوجيا المتقدمة نقمة فى الصيانة

[yoko]

أه وعشان كده جبت عربيه مش منتشرة بس فيها abs و ebd و6 إيرباج وقمت مأمن عشان موضوع قطع الغيار وإستهبال التوكيل

[Ahmod]

الناس مش بتفكر في قطع الغيار عشان الحوادث

بس فيه حجات بتستهلك مع مرور الوقت

ووارد جدا مثلا ان الاكصدام يتكسر ,, فانوس يطير ,, باب يتخبط ,,, مرايا تتكسر حجات كتير اوي زي كدة وارد انها تحصل بشكل يومي

فمش معقول اني اشتري عربية وانا عارف ان الاكصدام مثلا لو حبيت اغيره هدفعلي فوق الفين جنيه ولا حاجة ! فبدور على عربية قطع غيارها رخيصة ومتوفرة

[النوبي]

أه وعشان كده جبت عربيه مش منتشرة بس فيها abs و ebd و6 إيرباج وقمت مأمن عشان موضوع قطع الغيار وإستهبال التوكيل

زي ماانت قلت اللي انت عملته ده فيه ناس شايفاه موت وخراب ديار ازاي يجيب عربيه كويسه ويدفع فلوس في حاجه تستاهل كل جنيه بيندفع فيها ده جنان رسمي

لا انا اشتري عربيه متسواش 3 جنيه علشان صيانتها كويسه ااو قطع غيارها متوفره
طيب انا اتكلمت مع واحد عايز عربيه
كان وقع بين اللوجان واللانوس
وبرضه راح اشتري اللانوس برغم انها اوطي واضيق واقل في التكنلوجي واقل في الامان
لييييييييييييييييييييه انا هطق من الغيظ

[love7amada]

انا في عربيه كانت عجباني جدا بس لما اكتشفت ان الفانوسس ب 2000 و الباب ب 3000 و الاكصدام ب 1500 غيرت رائي
و بقيت بحب اشوفها ف الشارع بس
انا مره نزلت لقيت الاكصدام واقع من الناحيه الشمال و مره تانيه او مرتين تلاته انزل الاقي الفانوس مخبوط
تفتكر لو عربيه غاليه في الحاجات ديه كان الواحد جراله ايه
كنت دفعت تمن العربيه في ظرف سنه
بس لما يكون عربيه تانيه بتتكلم ف حدود من 100 ل 200 جنيخ و الباب ب 500 و كل ده جديد مش استيراد تبقي حتي لو صيني افضل عند الواحد

[love7amada]

بس برده خير الامول الوسط
يعني اللي هتقدر عليه هاته
يعني الواحد ميجيبش عربيه فوق طاقته و اقل حاجه تتركن جنبه

[النوبي]

الناس مش بتفكر في قطع الغيار عشان الحوادث

بس فيه حجات بتستهلك مع مرور الوقت

ووارد جدا مثلا ان الاكصدام يتكسر ,, فانوس يطير ,, باب يتخبط ,,, مرايا تتكسر حجات كتير اوي زي كدة وارد انها تحصل بشكل يومي

فمش معقول اني اشتري عربية وانا عارف ان الاكصدام مثلا لو حبيت اغيره هدفعلي فوق الفين جنيه ولا حاجة ! فبدور على عربية قطع غيارها رخيصة ومتوفرة

طيب ما لو الناس تفكيرها اختلف هتلاقي قطع الغيار بترخص لوحدها
البيع الكتير هيخلي قطع الغيار تنتشر اكتر وهيخلي سعرها ينزل خصوصا لما تتقلد وتبقي ببلاش
وده هيشجع ناس كتير انها تستورد من الصين او استعمال وده كله بره التوكيل بس ساعتها انا راكب علي الاقل حاجه مقاربه للمدفوع فيها
ثقافه الزبون هي اللي بتحدد السوق
ومعلش انا شايف ان اللي بيحصل ده جهل

[النوبي]

انا في عربيه كانت عجباني جدا بس لما اكتشفت ان الفانوسس ب 2000 و الباب ب 3000 و الاكصدام ب 1500 غيرت رائي
و بقيت بحب اشوفها ف الشارع بس
انا مره نزلت لقيت الاكصدام واقع من الناحيه الشمال و مره تانيه او مرتين تلاته انزل الاقي الفانوس مخبوط
تفتكر لو عربيه غاليه في الحاجات ديه كان الواحد جراله ايه
كنت دفعت تمن العربيه في ظرف سنه
بس لما يكون عربيه تانيه بتتكلم ف حدود من 100 ل 200 جنيخ و الباب ب 500 و كل ده جديد مش استيراد تبقي حتي لو صيني افضل عند الواحد

طيب ممكن سؤال هي العربيه دي نوعها ايه
لان انا اللي بتكلم عليه الطبقه المتوسطه اللي هيا 60 الي 70 الف
اللانوس كمثال (مع كامل احترامي لملاكها)
جميع قطع الغيار سعر التوكيل غاليه بس هي ميزتها انها منتشره علشان كده فيه منها بره التوكيل
انما اللوجان لا
فيه بره التوكيل بس هتلف كتير علشان تلاقي
بس زي ماقلت ثقافه الزبون هي اللي بتحدد السوق

[AhMeD MeTwAlY]

من افسد شئ فعليه اصلاحه يعني انا خبطت عربيت واحد اصلحه ليه يا اما ابطل اسوق واقعد في بتنا

[mohammedabdallh]

الناس مش بتفكر في قطع الغيار عشان الحوادث

بس فيه حجات بتستهلك مع مرور الوقت

ووارد جدا مثلا ان الاكصدام يتكسر ,, فانوس يطير ,, باب يتخبط ,,, مرايا تتكسر حجات كتير اوي زي كدة وارد انها تحصل بشكل يومي

فمش معقول اني اشتري عربية وانا عارف ان الاكصدام مثلا لو حبيت اغيره هدفعلي فوق الفين جنيه ولا حاجة ! فبدور على عربية قطع غيارها رخيصة ومتوفرة

كلام معقول جدا وكثير من الناس بتفكر كدا وبرضه مع الصيانه مش عاوز عربيه كل شويه تقرفنى فى حته ومحدش يعرف يصلحها

[love7amada]

لا اللي بقصدها فئه اعلي زي الفلوانس مثلا

[love7amada]

و بالنسبه لللفيرنا و اللانوس و اللوجان
لو واحد جايبها و هوا مزنوق يعني ده كل اللي حيلته يبقي فيرنا او لانوس لو واحد امكانياته تجيب اعلي يعني فئه متوسطه مثلا و اخره 100 الف جيب اللوجان و هيا حاجتها بتنتشر بره دلوقتي و ف نظري تستحمل عن الفيرنا و اللانوس

[love7amada]

و بالنسبه لللفيرنا و اللانوس و اللوجان
لو واحد جايبها و هوا مزنوق يعني ده كل اللي حيلته يبقي فيرنا او لانوس لو واحد امكانياته تجيب اعلي يعني فئه متوسطه مثلا و اخره 100 الف جيب اللوجان و هيا حاجتها بتنتشر بره دلوقتي و ف نظري تستحمل عن الفيرنا و اللانوس