فكره خدمه جديده (مطلوب متطوعين)

[النوبي]

ابعتني شكرا وصلني شكرا
صورلي شكرا

الفكره باختصار شديد بما ان فيه ناس كتير بتدور علي عربيه وتكون حالتها كويسه وطبعا في الاغلب مش بيحب يتعامل مع تجار وفي نفس الوقت هو مش فاضي يلف علي رجليه علي كل واحد حاطط اعلان وكاتب فابريكه بره جوه


مثال
(عربيه حاله نضيفه بس في المنصوره طيب تتاكد ازاي انها حاله نضيفه من غير ماتخسر وقت وجهد وكمان فلوس)

طيب ايه الفكره

نعمل فريق يشمل اكبر مساحه نستطيع تغطيتها بعدد الافراد المتطوعين

مهمتهم

هتكون مهمتهم الذهاب للبائع وهيتم التعريف علي انه من طرف فلان المشتري (اللي هو مش فاضي يجي)

هيتفرج علي العربيه ويقيم حالتها وياخد كام صوره من بره وجوه وللموتور (علشان يفرجهم للمشتري)

طبعا ده هيكون بمقابل رمزي وهيتم تقييمه قيمته حسب المشوار (يعني مشوار لغايه المنصوره مش زي مشوار العاشر )

الفكره دي لا تغني ان المشتري يروح يتفرج ويستكشف العربيه من اول وجديد ويقيمها حسب حالتها اللي يراها امامه

ولاكن علي الاقل قبل ما يتعب وياخد اجازه من الشغل علشان يخبط مشوار الله اعلم هينجح ولا لا

هيكون فيه حد اداله فكره عن العربيه قبل ما يتحرك من مكانه وبكده وفر علي نفسه كتير (بمبلغ رمزي)

وعلي العموم انا ناوي اكون اول زبون عند الفريق ده

مطلوب
1-كل من لديه خبره ولو بسيطه في السيارات ويجد وقت فراغ يتقدم للمهمه (اهم شيء الامانه في نقل المعلومه)

2-ورقه وقلم وتملي استماره البيع الموجوده في قسم البيع والشراء

3-كاميرا نضيفه لا تقل عن 3.2 ميجا بكسل (حتي لو موبايل بس لازم تكون نضيفه علشان الصوره تطلع كويسه)

4-ورقم موبايل مفتوح (علشان التواصل بين البائع والمشتري)

من اهم الشروط التي يجب توفرها هو عدم ترشيح اي عربيه من جانب الفريق
بمعني اخر ان الفريق سيكون عمله من خلال المشتري فقط (حتي لا يحدث شك في ذمه الفريق)

واولا واخيرا يارب الفكره تعجبكم وتكون محل تنفيذ

[askanas]

طب ما تقول لصاحب العربية صورها و حطها مع اعلان " فابريكة برا وجوا " اسهل

[النوبي]

طب ما تقول لصاحب العربية صورها و حطها مع اعلان " فابريكة برا وجوا " اسهل

فيه حد في الدنيا بيقول علي حاجته انها وحشه

الموضوع بيدور في نقطه ثقه ان اللي رايح ملوش غرض غير النقل بامانه
علشان كده عدم ترشيح الفريق لاي عربيه حتي لا يحدث شك وتتضارب المصالح

وعلي العموم انا من الناس اللي بيدور علي عربيه لاكن ساكن بعيد وموضوع زي ده بدل ماكنت هطلب من صديق انه يروح ويتفرج بدالي قلت لا انا اشوف حد افيده واستفيد منه

[elhelwany188]

السلام عليكم ورحمة الله وبركاته
اخى الكريم مش عايز احبطك الفكرة بتاعتك كويسة وبتوفر الوقت مقابل مبلغ رمزى
المشكلة مش كل الناس بتفكر بالطريقة دى او بالاصح التوفير عنده مش فى الوقت انما دائما فى الفلوس
وربنا يوفقك ان شاء الله

[w-m-a]

تضمن منين ان الفريق ده ينقل لحضرتك حاله العربيه ؟
او انه هو نفسه يتغش وينضحك عليه ؟
صعبه للاسف !

[النوبي]

السلام عليكم ورحمة الله وبركاته
اخى الكريم مش عايز احبطك الفكرة بتاعتك كويسة وبتوفر الوقت مقابل مبلغ رمزى
المشكلة مش كل الناس بتفكر بالطريقة دى او بالاصح التوفير عنده مش فى الوقت انما دائما فى الفلوس
وربنا يوفقك ان شاء الله

بارك الله فيك اخي الكريم
الموضوع نجح او فشل هيكون لاصحابه لان انا عارض الموضوع من وجهه نظري كمستهلك
بمعني ان انا محتاج حد يدورلي علي حاجه معينه فقلت بدل ماادور علي واحد فقط اعرض الفكره علي الناس ولو لقيت صدي يبقي انا كسبت ثواب الناس دي مش اكتر من كده واللي يحب يوفر فلوسه يوفرها

[النوبي]

تضمن منين ان الفريق ده ينقل لحضرتك حاله العربيه ؟
او انه هو نفسه يتغش وينضحك عليه ؟
صعبه للاسف !

علشان كده الموضوع موضوع تقييم مش اكتر يعني اللي هيروح ده مش سوبر مان ولا اللي هيشتري
لو المشتري يحب انه يبعت ميكانيكي ماشي يحب يبعت سمكري ماشي (لاكن احنا بنتكلم علي مبدا ان كانت تستحق ان المشتري يتحرك من مكانه ولا لا)
يعني لما واحد ساكن في المنيا وانا لقيت اعلان عن عربيه في المنيا ايه الافضل اني اروح المنيا ولا ابعت حد يقيمهالي كتقييم مبدئي مش اكتر بدل ماانا اتحرك من مكاني علي حاجه متستاهلش)

طيب انا هديلك مثال من المنتدي هنا
شوف المشاركه 8 وقولي ايه رايك

http://www.nilemotors.net/Nile/239157-97-1500cc.html#post3873736435

لو بتدور علي النت علي عربيه هتلاقي بالفعل حاجات لقطه بس مع الاسف متقدرش تلف عليهم كلهم
لان الموضوع مش علي الطبيعه لاكن لما تلاقي حد يوصلك تصوره عن الموضوع هيشجعك تاخد الخطوه وانت مطمئن

[alaasaid]

الفكرة حلوة بس عايزة الواحد يكون عنده فكرة كويسة عن السيارات عشان ميتخدش بالشكل الخارجى للعربية

[النوبي]

الفكرة حلوة بس عايزة الواحد يكون عنده فكرة كويسة عن السيارات عشان ميتخدش بالشكل الخارجى للعربية

اللي مزعلني دلوقتي اني كنت فاكر الشباب هيدخلوا الموضوع ويتسابقوا انهم يغطوا مناطق قريبه منهم لاكن الظاهر اني غلطان وان الموضوع مفيش منه نتيجه

[mailo]

بالعكس الفكرة جامدة جدا

وبعدين ياجماعة الراجل بيقول الناس هتروح تبص على العربية
يعني مثلا أنا جنبي عربية معروضة للبيع
وفيه حد عايزها هروح أشوفها واصورها للمشتري وأقوله رأيي فيها
ساعتها المشتري ييجي يبص والله لقى الحالة زي ما أنا قلت وعجبته يبقى تمام
لقاني بنصب عليه أو بتاجر عليه يبقى خلاص أنا اتعلم عليَّ

وكل واحد يشتري بالطريقة دي أو يشوف عربية من طرف الفريق يعمل ريفيو عن اللي شافه واللي سمعه
وساعتها هنعرف نقيم كمان الفريق وكل واحد هيعرف كلام مين يستاهل ومين لأ

[النوبي]

بالعكس الفكرة جامدة جدا

وبعدين ياجماعة الراجل بيقول الناس هتروح تبص على العربية
يعني مثلا أنا جنبي عربية معروضة للبيع
وفيه حد عايزها هروح أشوفها واصورها للمشتري وأقوله رأيي فيها
ساعتها المشتري ييجي يبص والله لقى الحالة زي ما أنا قلت وعجبته يبقى تمام
لقاني بنصب عليه أو بتاجر عليه يبقى خلاص أنا اتعلم عليَّ

وكل واحد يشتري بالطريقة دي أو يشوف عربية من طرف الفريق يعمل ريفيو عن اللي شافه واللي سمعه
وساعتها هنعرف نقيم كمان الفريق وكل واحد هيعرف كلام مين يستاهل ومين لأ

المشكله ان مفيش حد اتقدم اصلا

[MOUSTAFA_SAAD]

فكره صعبه

[نور القمر]

بالعكس الفكرة رائعة
يعني من اجمل صفات اعضاء المنتدى هنا انهم بيحبوا يساعدوا بعض بدون مقابل
بس لما يكون في اتفاق على اتعاب يبقى افضل عشان نمنع الحرج عن الطرفين
انا لو هعرض عربية للبيع ممكن اخبي بعض العيوب حتى لو خدوش وممكن حد يضرب مشوار لاخر الدنيا عشان يشوفها
لكن لما حد قريب من العربية يكون طرف تالت محايد هايأكد للمشتري ان العربية تستاهل يضرب لها مشوار ولا مش تستاهل

[windofchange]

الموضوع جميل ومؤيدك جداااااااا في الفكرة دي بس نبتدي بقي باول عربية مممممممممم

[النوبي]

بالفعل ابتديت باول عربيه
والمعلومات خلال يوم او اتنين