إعـــــــلان

Collapse

.

,
See more
See less

هل تفكيرى ده منطقى ولا لا ؟

Collapse
X
 
  • Filter
  • الوقت
  • Show
Clear All
new posts

  • هل تفكيرى ده منطقى ولا لا ؟

    معلش استحملوا ثوانى اشرح اللى جه فى بالى
    كلنا لو ولعنا البوتاجاز والكبريت من بعيد بيحصل زى انفجار بسيط وبتزيد رقعه النار
    طيب لو انا استخدمت بوجيهات سنها قصير بدل البوجيهات العاديه وبالتالى انا هبعد مصدر الشراره هل ده هيعمل نفس فكره الكبريت ويزود حجم جزء الاشتعال وبالتالى يزيد قوه الاحتراق
    ايه رايكم

  • #2
    هو انا الي اعرفو ان فيه جزء سيراميك فالبوجيهات لانها بتبقى موصل سيء للحرارة وبتتحمل حرارة عاليه ( زي العازل كده ) وكل عربيه بيبقى ليها قياس فلو انته جبت حاجه اصغر مش هتقعد وغالبا هتسيح ومش هتتحمل الحراره

    طبعا كلامي يحتمل الخطأ
    [img2]http://hh7.net/Apr4/hh7.net_13030541391.jpg[/img2]

    Comment


    • #3
      اعتقد ان دا تفكير مش منطقي والاشعال هنا هيتأخر عكس مانت متوقع !
      Ashraf_Ibrahim

      Comment


      • #4
        اولا البوجيهات السن القصير ممكن بسبب انها بعيد عن الخليط (البنزين + الهواء)

        ممكن انه يحصل تأخير فى الشرارة ويحصل ان الخليط ماينفجرش فى معاده

        تانى حاجة

        ويزود حجم جزء الاشتعال وبالتالى يزيد قوه الاحتراق
        الموتور مصمم انه تانى شوط ليه هو شوط الانضغاط

        يعنى الموتور بيضغط خليط الهواء والبنزين علشان لما ينفجر يعطى قوة انفجار كبيرة

        حضرتك لما تزود حجم الاشتعال فبذلك انت بتقلل القوة الناجمة على الانفجار مش بتزودها

        وده هيقلل قوة الموتور
        Last edited by romieh; 25-09-2011, 10:00 AM. سبب آخر: زيادة

        Comment


        • #5
          هههههههههههه معلش استحمل ضحكتى
          ياباشا فى فرق بين البوتوجاز ( هواء مفتوح ومساحه كبيره ) علشان يحصل فيه انفجار لازم يكون تركيز الغاز كبير بنسبه تسمح بحدوث الانفجار

          طب غرفه الاحتراق ( مساحه محدوده ) لازم حدوث الانفجار يكون خلط البنزين والهواء بنسبه خلط معينه لو حصل انفجار فيها مش هيزيد الا بكميه الوقود فقط مع الهواء ( لحد كميه معينه برضو ) مش مفتوحه زى الهواء المفتوح

          طب دى بتفرق ازاى ؟؟؟
          دا نفس الفرق بين العربيات ال 1300 سى سى وال 2000 سى سى ان حجم غرفه الاحتراق فى ال 2000 سى سى بتكون اكبر وبالتالى كميه الحراره المتولده فيه بتكون كبيره وبالتالى بيحدث انضغاط اكبر من ال 1300 سى سى وبالتالى قوه اكبر

          طب ايه الفرق بين السن الطويل والقصير ؟؟

          دا بيبقى تصميم فى غرفه الاحتراق نفسه والناس الى بتحط سن قصير لمشاكل الماكينه المفوته والزيت والحاجات دى

          ---------> تانى حاجه فى حاجه اسمها تايم ديلاى ( وقت الاحتراق الكامل للخليط الوقود والهواء ) ودا بيبقى جزء من الثانيه
          فكون انك تبعد عنه المشعل ( البوجيه ) بيزيد الوقت دا وبالتالى بييقل قدره المحرك

          تحياتى لك ......... مهندس / عاصم جاد

          Comment


          • #6
            سعيد جدا بردودكم وان كان لى بعض الملاحظات
            اولا انا مش هغير حجم مكان الاشتعال ولا هاخر توقيت الاشتعال انا هغير فقط مكان شراره الاشتعال ودى معناه زياده فى حجم الاشتعال ( فكره البوتاجاز ) وعملت رسمه توضيحيه على قدى كده تنين الفرق اللى اقصده
            وعموما انا غيرت البوجيهات لسن قصير وجارى التجربه التهارده وهقولكم بكل امانه اللى شوفته وحسيته

            Comment


            • #7
              الهبة اللي بتحصل في البوتاجاز من بعيد دي عشان بيفضل غاز كتير يطلع لحد ما يوصلك
              البستم بقي لو ما ولعش .. حيطرد الخليط ببنزينه بسلاطاته و يجيب غيره .. و العربية يا حتقطع يا حتاكل بنزين
              [FONT="Comic Sans MS"][B]To Get The Best In Life
              You Have To Start With Yourself
              And Do Your .. BEST :B4_033:[/B][/FONT]

              Comment


              • #8
                المشاركة الأصلية كتبت بواسطة hegazio مشاهدة المشاركة
                الهبة اللي بتحصل في البوتاجاز من بعيد دي عشان بيفضل غاز كتير يطلع لحد ما يوصلك
                البستم بقي لو ما ولعش .. حيطرد الخليط ببنزينه بسلاطاته و يجيب غيره .. و العربية يا حتقطع يا حتاكل بنزين
                هههههههههههههههههههههههههههههههههههههههههههههههههه ههههههههه
                بلاش سيره السلطه والاكل لانى جعان جدا هههههههههههههههههه
                انا هجرب النهارده ان شاء الله وهكتب النتيجه بكل امانه واقولك

                Comment


                • #9
                  والله انا مبسوط من الأفكار الي بشوفها هنا علي المنتدي
                  بس انا ليا تعليق صغير اوي واتمني تتقبله بصدر رحب

                  يعني هل الفكرة دي عدت علي الخواجة من ساعة لما اخترع ماكينة الأحتراق الداخلي في اوائل القرن ؟؟؟؟؟؟؟؟؟؟
                  معني انه صمم سن طويل وسن قصير يبقي اكيد شايف ان في حاجات تلزمها دة وحاجات تانية يلزمها دة

                  حضرتك لو عايز تزود الأداء زود عدد الشمعات يعني لو عربيتك 1 شمعة هات انت 3 شمعة هات البوجيه البلاتينيوم هيبقي غالي شوية بس ادائة وعمره الأفتراضي احسن بكتير

                  انا شخصيا جربت في عربيتي اغير البوجيهات واجيب بوجيه اغلي واحسن لقيت الميكانيكي بيقولي ماينفعش يركب لازم بتاعها

                  تقبل مروري

                  والله المستعان
                  ،
                  ،
                  [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                  [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                  [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                  [CENTER]
                  [COLOR=DarkRed]صفحة القسم علي الفيس بوك[/COLOR]
                  [/CENTER]
                  [CENTER][URL]http://www.facebook.com/SeatNileMotors[/URL]

                  [COLOR=Navy]صفحتي الشخصية
                  [url]https://www.facebook.com/ITNetworksWay[/url]
                  [/COLOR] [/CENTER]

                  Comment


                  • #10
                    المشاركة الأصلية كتبت بواسطة ashraf_ashraf مشاهدة المشاركة
                    معلش استحملوا ثوانى اشرح اللى جه فى بالى
                    كلنا لو ولعنا البوتاجاز والكبريت من بعيد بيحصل زى انفجار بسيط وبتزيد رقعه النار
                    طيب لو انا استخدمت بوجيهات سنها قصير بدل البوجيهات العاديه وبالتالى انا هبعد مصدر الشراره هل ده هيعمل نفس فكره الكبريت ويزود حجم جزء الاشتعال وبالتالى يزيد قوه الاحتراق
                    ايه رايكم
                    لا ياباشا اللى بيحصل مع الكبريت دا اساسا لان تدفق الغاز بيكون مستمر وبينتشر فى الجو وده اللى بيزود رقعة النار
                    اما فى العربيات الانجكشن فالعربية بتظبط لنفسها الكميات اللى المفروض تنفجر من بنزين مه هوا وعشان كدة مانلاقيش عربية انجكشن شرقانة مثلا
                    وكمان حتى لو قلنا -فرضا- ان العربية هتدخل بنزين كتير فى مكان مغلق يتسع لكمية معينة ساعتها ماظنش ان الانفجار هيكون اقوى بالعكس ...دا هيجيب نتيجة عكسية
                    بصراحة انا باتكلم على غير علم اوى يعنى على اساس شوية المعرفة اللى عندى عشان كدة كلامى يحتمل الخطأ فى التفسير لكن ماظنش انه يحتمل الخطأ فى المعنى...ان الحكاية دى مش نافعة نهائى لان المقارنة ين البوتاجاز وماتور العربية ماتنفعش
                    [CENTER]نص مخى شريحة الكترونية ونصه التانى ماتور عربية
                    [/CENTER]
                    محمود حمودة...صيدلى عاشق للهندسة

                    Comment


                    • #11
                      انا كاتب مشاركتى قبل ماشوف ردود الاعضاء اللى لاقيت فيها توارد نفس طريقة التفكير هههههههه
                      [CENTER]نص مخى شريحة الكترونية ونصه التانى ماتور عربية
                      [/CENTER]
                      محمود حمودة...صيدلى عاشق للهندسة

                      Comment


                      • #12
                        اولا اعتذر عن تاخرى فى الرد لظروف شغلى
                        وثانيا شكرا لكل من اهتم بالمشاركه
                        ثالتا حاجه اشوفكم بعدين هههههههههههههههههههههههه
                        انا غيرت البوجيهات وانقل ليكم بمنتهى الامانه اللى حسيته واللى شوفته
                        انا كنت مغير البوجيهات ومركبها من حوالى 1000 كيلو وكان نوعها ngk نوعها 3 شمعه وكانت بحوالى 75 ج لما فكتها لقيتها كلها بلا استثناء مهببه من جنب ويعنى ان البوجيهات مش شغاله بكفاءه وواخده رطوبه وكمان الشكمان كان اسود
                        المهم اشتريت البوجيهات دانسو يابانى واحد شمعه ب 35 جنيه ظبتهم وركبتهم ووغسلت الشكمان وطفيت العربيه وغطيتها وقلت الصبح اجربها وانا رايح الشغل
                        الملاحظات بقى
                        1 سهوله اكتر كتييييييييييييييييييييييييييييييير فى الدوران ( ممكن يكون السبب ان البوجيهات القديمه بايظه )
                        2 العربيه جابت من الشكمان مياه ( يمكن من طرد مياه الغسيل )
                        3 السلانسيه اهدى ومنظبط اكتر ( يمكن بسبب البوجيهات القديمه برضوا )
                        4 السحب تحفه ( الله اكبر من عينى ) تحسن باكتر من 50% ومعتقدش انها بسبب البوجيهات القديمه بس
                        5 الحراره عليت بحوالى 5 الى 10% كانت تحت ال90 بقت 90 الظبط
                        6 مشيت بيها من مصر الجديده لاكتوبر واشارات وقرف التجميع احسن واسرع
                        7 سمعت كذا مره فرقعه فى مشترك الشكمان بس مش فرقعه كبيره
                        لما وصلت نزلت وبصيت على الشكمان مسحته باصباعى كان فى اثار سواد بس لايقارن باللى فات ( اكيد ده عيب فى احدى الرشاشات
                        ورجعت امبارح ونفس السيناريو النهارده ذهاب وعوده
                        يبقى انا حسيت ان استنتاجى صح وان شاء الله مش هغيره وهجربه كمان على الماتريكس بس لما اجى اغير البوجيهات ( اصلى لسه شاريها وخبطتين فى البوجيهات توجع وخصوصا انى داخل على صيانه ال 30 الف اللهم استرها يارب
                        تحياتى ليكم وشكرا لوقتكم اللى سعدت بيه

                        Comment


                        • #13
                          احب اقولك ان ده بيتقال عليه ف عالم الطب و الصيدلة
                          Placebo effect
                          جرب بوجيهاتها بتاعتها بس جديدة .. حتلاقي النتيجة افضل من الاتنين
                          و طبعة فرقعة الشكمان هو بالظبط اللي قلت عليه .. الخليط خارج ببنزينه بسلاطاته و ماتحرقش خالص
                          قبل كده كان الوضع وحش ليه ؟!! .. بوجيهات رشاشات عفريت
                          بس انا سعيد بيك يا أشرف .. عاوز تجرب في حاجة ليها اساس علمي و مضمون النتيجة فحاجة كلنا خايفين نجربها .. هات انبوبة اكسجين صغيرة و افتحها جنب مدخل الهوا بالراحة .. و العربية حتطير خالص بإذن الله .. هههههههه
                          [FONT="Comic Sans MS"][B]To Get The Best In Life
                          You Have To Start With Yourself
                          And Do Your .. BEST :B4_033:[/B][/FONT]

                          Comment


                          • #14
                            المشاركة الأصلية كتبت بواسطة hegazio مشاهدة المشاركة
                            احب اقولك ان ده بيتقال عليه ف عالم الطب و الصيدلة
                            placebo effect
                            جرب بوجيهاتها بتاعتها بس جديدة .. حتلاقي النتيجة افضل من الاتنين
                            و طبعة فرقعة الشكمان هو بالظبط اللي قلت عليه .. الخليط خارج ببنزينه بسلاطاته و ماتحرقش خالص
                            قبل كده كان الوضع وحش ليه ؟!! .. بوجيهات رشاشات عفريت
                            بس انا سعيد بيك يا أشرف .. عاوز تجرب في حاجة ليها اساس علمي و مضمون النتيجة فحاجة كلنا خايفين نجربها .. هات انبوبة اكسجين صغيرة و افتحها جنب مدخل الهوا بالراحة .. و العربية حتطير خالص بإذن الله .. هههههههه
                            ياباشا شكرا على النصيحه واحاول انفذها هههههههههههه
                            وانا اللى سعيد بيك اكتر

                            Comment

                            Working...
                            X