إعـــــــلان

Collapse

.

,
See more
See less

مواتير ديزل.. الحقنا يا بيشو..

Collapse
X
 
  • Filter
  • الوقت
  • Show
Clear All
new posts

  • مواتير ديزل.. الحقنا يا بيشو..

    الموضوع ده يا جماعه انا مستني رد بيشو عليه بفارغ الصبر..
    بما ان بيشو ليه ناس شغالين في استيراد العربيات المتقطعه..
    و هو بنفسه كان شغال في الموضوع ده لفترة من الفترات..
    هل ممكن يتصرف لينا في استيراد مواتير للعربيات اللي احنا عايزين نسأل عنها..

    ايه رأيكم في الموضوع..؟؟
    انا عن نفسي هابدأ بالكلام عن اصدقائي الاوبلاوية..
    ايه نظام مواتير اوبل استرا القديمة 2000 لحد 2005
    استرا 2003 لحد 2005
    فيكترا بقي من اول 1994 لحد 2005

    ولو حد يعرف بقي هل في موانع في المرور تمنع ترخيص المواتير الديزل ولا ايه..
    و هل الضريبة بتاعتهم و الحاجات دي ايه نظامها..؟؟
    بالنسبة للفيكترا.. في مواتير ديزل 1700 سي سي..

    حتي الكورسا يا رجالة.. ليها موتور 1500 ديزل..

    شوفلنا كده ايه النظام يا بيشو الله يخليك..
    لازم ناخد خطوة جريئة..
    سبحانك اللهم ربنا و بحمدك.. اشهد الا اله الا انت..استغفرك و اتوب اليك..

  • #2
    ايوا يا فندم ... انا جييييت ....
    ايه بقي يا سيدي انت عاوز تقلب عربيتك اجره ولا ايه :d اخر حاجه تفكر فيها الديزل ... انا عندي اقلب غاز طبيعي و ماتقلبش ديزل ...بالنسبه للديزل يا سيدي في الجمارك بيكون جماركه اعلي من البنزين .. و في الترخيص اسمع انه الضعف كمان ... احنا بلدنا مابتحبش الديزل خد بالك مع انها كلها شغاله ديزل .. بس مش متحب في الملاكي و علشان كده رافعين الجمارك عليه كنوع من الغرامه ... انما بالنسبه للضريبه انا مش متاكد ... بالنسبه للترخيص اسمع من زمان انه اتلغي مع القانون بتاع الحزام ...و علشان التجار نفسهم مش متاكدين من الكلام ده .. مابيجيبوش ال
    يزل الا في العربيات المعروفه زي الربع نقل و كده ...(انتو عارفين طبعاُ ... احنا علينا نبيع و نجبلكم الورق لحد المرور .. و انتو عليكم الباقي ...)...
    عامه اي عربيه المصنع نزل منها ديزل .. اي مستورد يقدر يجيبهالك ... يعني مثلاُ عاوز موتور مرسيدس ديزل .. حتي لو موديل 2007 بيبقي موجود او المستورد يقدر يجيبهولك .. بس طبعاُ كله بتمنه .. و بيبقي اغلي من البنزين الضعف .. و بيبان بالذات في الربع نقل و في العربيات التيوتا .. بيبقي الموتور البنزين بحوالي 5000 جنيه و الديزل ممكن يوصل ل 15 الف ...
    انا عن نفسي انصح بالانبوبه ... اقلبوا غاز طبيعي .. اوقع و احلي و غير كده نفس موتورك .. بيقصف عمر الموتور اه انما لو جراله حاجه هاتشيله و ترميه و تجيب موتور استيراد (ممكن بقي ساعتها تركب موتور اصغر و تبيع الطقم بتاع الغاز الطبيعي ...)
    في رأيي ده هوه التفكير الواقعي .. لكذا سبب ...
    1- نفس الموتور و ده يلغي بقي قرف اثبات الموتور الجديد في المرور
    2- التكلفه حوالي 5000 لنظام الغاز .. و دي ارخض من موتور جديد ... ده غير عند الانتهاء منه هاتعرف تبيعه
    3-لو موتورك باظ هاتركب واحد اقل في السي سي و ده مسموح في المرور و بكده هاتنقل لفئه اقل في السي سي و تدفع ضرايب اقل و استهلاك بنزين اقل ...

    ايه رايك انت ؟

    Comment


    • #3
      موضوع مكرر

      - قســــم خــــاص بإقتراحــــــات للتعديلات المرورية -أخــــبار سيارات -مناقشــات -منوعـــــات كل ما يخص السيارات
      [CENTER][SIZE=6][COLOR=darkslateblue] [/COLOR][/SIZE][/CENTER]

      Comment


      • #4
        بس في سيارات ملاكي ديزل يا Xpert وي في مصر و جديدة كمان !

        الPuegeot 407 1.6 HDi
        و الSsangSong Musso 2.4 Diesel

        و دول موديلات 2008 .

        البيجو 407 بحوالي 200 الف جنيه .

        Comment


        • #5
          ايوة يا كريم ده حقيقي
          لكن عشان كده سعرها مبالغ فيخ قوي اكتر من البنزين..
          وباين قوي في البيجو..
          سبحانك اللهم ربنا و بحمدك.. اشهد الا اله الا انت..استغفرك و اتوب اليك..

          Comment


          • #6
            gemino بك..
            انا معاك ان ممكن فكرة الموضوع تكون مكررة.. بس كل اللي انا كنت اقصده اعرف من بيشو
            امكانية استيراد مواتير بعينها و خاثة لو ديزل..عشان هو نفسه كان شغال في المواضيع دي..
            و اعرف منه التجار ممكن بسهولة يتصرفوا في المواضيع دي ولا لأ..
            بس مش اكتر.. يعني مش باخد اقتراحات بشأن تعيير الموتور و الكلام ده..
            والراجل بيشو الحمد لله رد علينا رد وافي للموضوع..و كده الفكرة تقريبا اتلغت تماما..
            الف شكر للتنبيه يا باشا..
            سبحانك اللهم ربنا و بحمدك.. اشهد الا اله الا انت..استغفرك و اتوب اليك..

            Comment


            • #7
              شكرا يا احمد بك :)
              بس تعرف الاحسن من ده كلوا فى اللينك التالى



              و تقبل تحياتى
              [CENTER][SIZE=6][COLOR=darkslateblue] [/COLOR][/SIZE][/CENTER]

              Comment


              • #8
                والله يا باشا فعلا.. موضوع حلو قوي..
                انا عن نفسي مؤيد..
                الف شكر علي اللينك..
                سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                Comment


                • #9
                  خلاص يا عم عرفنا انك بتعمل دعايه باللينكات بتاعتك دي :d
                  عادي يا بوب ... في مجال قطع الغيار كل حاجه ممكن تتجاب ;)

                  Comment


                  • #10
                    معلش بقى انا لى سؤال محيرنى اوى
                    هو الديزل كله نفس النوع ونفس الفئه؟؟
                    يعنى النقاء بتاعه ايه نظامه
                    معلش يعنى مش الديزل بتاعنا اللى بيتحط فى الميكروبصات وبيبقى فيه ميه وجاز وبلاوى
                    هو هو اللى بيتحط فى العربيات اللى موتورها تيربو ديزل زى اللى بنشوفها فى اوروبا ؟

                    Comment


                    • #11
                      بيشو..
                      ايوة يا عم شوية اعلانات. مدفوعة الاجر..
                      هو هيبقي مجهود ع الفاضي ولا ايه..؟؟ محدش كتير بيدخل منتدي اوبل قولت اعمل دعاية خارجية..
                      هانزل اللينكات علي فانلات اللاعيبة كمان علي فكرة.. :) :) :)

                      حافظ بك.. انا معاك.. و برضه عايز اعرف ايه قصة الموضوع ده..
                      وانا كمان متوقع كده.. ان يكون فيه درجات و كده زي البنزين.. بس مع اختلاف موضوع الاوكتان..
                      عشان الديزل مفيهوش اكتان علي ما اذكر..
                      (كيميا ثانوية عامة بقالها كتير قوي معلش.. :) )
                      سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                      Comment


                      • #12
                        يا جماعة الحل ترشيد الأستهلاك أنا مش مستعد علشان أوجع دماغى بتعديلات زى الغاز أو تغير الموتور - أنا عن نفسى دلوقتى بستهلك العربية فى مشوار محتاج عربية وغير كدة موتو رجل
                        [CENTER][sor2]http://www2.0zz0.com/2012/03/20/06/448963560.jpg[/sor2]
                        [FONT=Book Antiqua]TAHOE THE LEGEND[/FONT]
                        [/CENTER]

                        Comment


                        • #13
                          لاء طبعاُ للاسف فئه البنزين و الجاز اللي عندنا نم اردئ الانواع ... بس اهه ماشي الحال و خلاص ...

                          Comment


                          • #14
                            يعنى افهم من كده وزى مانا كنت متوقع اللى معاه عربيه تيربو ديزل هيعانى جدا
                            لان معروف اوى موضوع غش السولار فى مصر

                            Comment


                            • #15
                              هايعاني اكتر مما انت متوقع لرداءه نوع الجاز .. ده غير التراب اللي هايبوظله التيربو نفسه كمان ... بس عاادي .. كله شغال :d

                              Comment

                              Working...
                              X