تحذير من رادارات المحور

[Ahmed Selim]

السلام عليكم

التحذير ده لقيته على الفيس بوك واحد أعرفه و بثق فيه هو اللى حاطه........مش ناقله

جار صديقى ده هو قائد المرور فى المنطقة اللى المحور تابع ليها و قاله ان رادرارت المحور شغاله بدون فلاش و بتقفش كل يوم فى حدود 1000 مخالفة.


لو حد بيعدى من هناك و مش بيلاقى فلاش للرادار ميتغرش......الرادارات شغالة.

[Sharky]

دا حقيقى و الناس مش مصدقة و حيفضلوا كده لحد يوم تجديد الرخصة

[tutankhamoun]

الحمد لله
أنا بأخد الحارة الثانية من اليمين و أمشي على 80 .... الألتزام يخليك في السليم

[shaddadfalcon1]

ياواقعه منيله
ده انا رايح عليه يوم الحد اللي فات طول الطريق 120 وراجع النهارده طول الطريق جري برده

بقي انا هفلت من الصحراوي يجيلي الدائري

انتو متاكدين من الموضوع ده ياجماعه

[hugan]

انا بس عايز افهم حاجه
ازاي الردار ها يصور العربيه
والعدسات اصلا ياما مكسره 100 حته ومدشمله
ياما عليها اسبراي اسود
المتاكد منه ان رادارت الدائري شغاله
لكن المحور مش شغاله

[calipha3]

هنفضل في الجدل ده حتي يوم الدين ناس يقولوا شغال و ناس تقول لا و ده ينطبق علي كل الرادارات

[khpopo]

مشكوووووور والله يعطيك الف عافيه

اللهم صل على محمد وعلى آله وصحبه أجمعين

[tameraast]

العدسات متكسره انا ركنت و نزلت شفتها بنفسى ال 3 الى فى اتجاه اكتوبر 2 متكسرين حتت و واحده واخده اسود مط :)

[mo_x5]

طيب ما تيجى نلتزم بالسرعه المقرره ....هو اساسا المحور بيتاخد فى ربع ساعه على سرعه 90 و نخلص نفسينا من الجدل و الحيره دى ....

[Ralliart]

انا دايماً بلتزم بالسرعة على المحور بس فعلاً العدسات متكسرة 100 حتة دي تكنولوجيا تخفي جديدة ولا ايه ؟

[Dr.M.Mowafy]

الي شغال بس الردار التاني الي وانت متجه من اكتوبر للقاهره هو ده بس الي احيانا بيبقي شغال واحيانا لا وبيدي فلاش احمر
لكن الباقي مش شغال هيشتغلوا ازاي دول بايظين

[shaddadfalcon1]

انا كنت فاكر تتكلمو علي الدائري

طيب الدائري كله شغال عشان في حتت فعلا جريت فيها كتيير لما لقيت كل الناس ملاكي واجره ونقل بيجري

[zidaneelwaly]

طيب الرادارات ألي في الدائري من اول طلعت السويس لغايت كارفور المعادي شغالين ولا ايه عشان بردو بشوف الناس بتجري و محدش همو حاجه

[Amo0o0oRa]

ياواقعه منيله
ده انا رايح عليه يوم الحد اللي فات طول الطريق 120 وراجع النهارده طول الطريق جري برده

بقي انا هفلت من الصحراوي يجيلي الدائري

انتو متاكدين من الموضوع ده ياجماعه

دائرى ايه بيقولك محور الدائرى تقريبا معلهوش رادار غير اللى عند صفت اللبن ده

فكرتنى باعلان برنامج عالقهوه يا جماعه دى دووومنه

[minicooper20]

لا مش شغال من ساعت الثوره
الانى بالجيتا كنت عليه كل يوم و انا رايح و جاى من الجمعه و لما بعتها كاننت المخلفات مفيش و انا كنت مش اقل من 140 كل يوم
ة بالباراتى كان السواق و انا فى الاواخر كنا فاتحين عليه و برضو مفيش و لا مخلفت رادار جتلى لحد يوم 24 9
يمكن يكون اشتفل لاكن قبل 24 9 لا