افيدونى بالنسبة للمرور

[mrghost]

السلام عليكم ورحمة الله انا للاسف اتسحبت منى رخصة العربية النهاردة بسبب الملصقات وطبعا والدى بهدلنى لانه قاللى كذا مرة اشيلهم ما علينا ياريت لو حد يعرف اية الاجراءات وهل فيه غرامة ولا لا وشكرا

[ابو سيف]

في غرامه و لا لأ
فطبعا فيه غرامه هتدفعها و تستلم الرخصه على طول

شوف الوصل اللى معاك مديهولك بكام يوم
و بعد ما يخلص عدد الايام تروح ادارة المرور اللى انت تابع ليها
تشوف الرخصه جت و لا لسه
لو لسه خليهم يمدولك فترة الوصل عشان تمشي بيه و تختمه

لو جت
هتدفع الغرامه ( انا معرفش كام ) بس هتلاقيها بتاع 50 جنيه ( دة لو قانون المرور الجديد لسه متطبقش لأني قريت خبر انهاردة عن انتهائه في مجلس الشعب )
و بعد ما تدفع هتاخد الرخصه تاني

وولا يهمك كلها حاجات بسيطه .. حصل خير
و ابقا اسمع كلام والدك تاني :d:d

[د.أحمد سمير]

أقل مخالفة لسحب الرخصة 101 جنيه .. ده بقى تعميم على كل حالات سحب الرخص . وممكن أكثر في حالات محددة ..لكن 101 دي بقت تسعيرة جبرية

[mrghost]

شكرا للرد بس واحد قاللى انى بروح افحص بس ياترى صح ولا غلط

[eng_mkhalaf]

ياعم شوف واسطة وخلص الموضوع بالتيلفون

[MoToRiZeR]

معلش سؤال .. انت كنت لازق ايه علي العربية ؟

[mrghost]

السلام عليكم ورحمة الله
بصراحة انا كنت حاطط استيكرات كتير على الزجاج الامامى والهوايات والابواب مع انى بقالى 3 سنين حاططهم وبرخص بيهم بس المرة دى انا خدت عين من حد بس الحمد لله على كل شئ مع انى زعلان جدا انى شلتهم بس يلا مش مشكله

[wael_adel31]

بص ياباشا انتا تروح المرور قبل تاريخ الوصل ما ينتهى ولازم تكون العربية معاك عشان لااااااازم تفحص بس هيكون فحص اي كلام عشان المخالفة بسيطة المهندس بتاع الفحص بعد مترفع البصمة هيبص بصة سريعة على العربية وبعدين تطلع تدفع من 51 الى 101 جنيه,ولو تعرف حد فى المرور سهل انو يجيبهالك ولو متعرفش متحاولش تضبط حد هناك لأنه ممكن ياخد الفلوس ويجبلك الرخصة بس المخالفة ها تترحل على التجديد السنوى وبردو هتتدفعهاز

[mrghost]

الف شكر لردك ياباشا

[loai-omar]

حوار خنيق اوي الرخصه دي لما بتتسحب

بص جرب كده تشوف الموقع دا ممكن تكون الرخصه جت

http://www.egypt.gov.eg/arabic/services/traffic/Services/ETrafficMOJ/Arabic/Main.aspx?Section=Citizens