انا نازل سوق الجمعه ان شاء الله

[bakkarahmed]

انا قررت اني انزل السوق يوم الجمعه ان شاء الله علشان ادور علي عربيه..بس انا خايف من النصب وخاصه اني ناوي اشتري حاجه عاليه شويه في حدود التسعين الف وكمان علشان كل حاجه بقت مضروبه (رخص وتوكيلات وعربيات) فانا محتاج نصيحتكم بخصوص الشراء من حيث:
1- المبلغ المدفوع مقدما( يعني ادفع معظم الفلوس واستلم العربيه وابقي شويه بعد يومين) والا ادفع عربون صغير الاول؟
2-ازاي اتأكد من سلامه ورق العربيه سواء الرخصه او التوكيل
3- انا معايا صنايعي( سمكره فقط) ممكن يكشف علي العربيه بس بعد اللي الواحد بيسمعه عن العربيات اللي متركبلها انصاص واللي ملعوب في عدادها والخ فانا كنت عايز كمان مكان محترم يكشف علي العربيه ويكون قريب من السوق.( انا طبعا اللي هاتحمل مصاريف الكشف بس لو العربيه طلع فيها مشاكل ساعتها هاخسر الكشف بس هاكسب فلوسي ..فعايز اعرف هايتكلف كام).والا اروح التوكيل(بس ساعتها هايكون في يوم تاني )
4 -انا اعرف انه البائع المفروض يجيب شهاده براءه زمه من نيابه المرور فهل في ورق تاني المفروض يجيبه زي شهاده بيانات او غيره؟؟
معلش انا افكاري مش مترتبه كويس وماعرفش ايه افضل سيناريو ممكن يتم في الشراء من السوق لان العربيات اللي كانت معايا قبل كده يا اما زيرو او من حد معرفه

[sonystar]

كل اللى اقدر اقولهولك خالى بالك جامد اعرف ناس اشتروا لانسر بومة جم يرخصوا لقوا رقم الماتور مش هوا اللى فى الرخصة

داغ واللى اشترة منة قالة انا شاريها كدا راح بور سعيد تقريبا عشان يجيب الافراج

مش عارف دا اية بقى افراج ولا غير ماتور تانى

بس اتندم انة نزل السوق

فا خالى بالك وياريت تجيب عربية من على موقع مثلا يكون زى كونتكت

حتى على الاقل تروحلة فى يوم غير الجمعة تكشف عليها فى التوكيل

تروح المرور مثلا تعمل ورقها ططمن على الدوسية بتعها وصاحب العربية يكون معاك

لاكن السوق كلة بيلعب على كلة لان بيكون يوم عطلة

كان نفسى اخدمك

[bakkarahmed]

كل اللى اقدر اقولهولك خالى بالك جامد اعرف ناس اشتروا لانسر بومة جم يرخصوا لقوا رقم الماتور مش هوا اللى فى الرخصة

داغ واللى اشترة منة قالة انا شاريها كدا راح بور سعيد تقريبا عشان يجيب الافراج

مش عارف دا اية بقى افراج ولا غير ماتور تانى

بس اتندم انة نزل السوق

فا خالى بالك وياريت تجيب عربية من على موقع مثلا يكون زى كونتكت

حتى على الاقل تروحلة فى يوم غير الجمعة تكشف عليها فى التوكيل

تروح المرور مثلا تعمل ورقها ططمن على الدوسية بتعها وصاحب العربية يكون معاك

لاكن السوق كلة بيلعب على كلة لان بيكون يوم عطلة

كان نفسى اخدمك

الف شكرعلي زوقك
المشكله اني حاليا مش مقيم في القاهره بحكم الشغل فماينفعش اشتري من النت غلشان بعد المسافه وكمان قله المعروض بالمقرنه بالسوق اللي العربيات فيه بتكون عيني عينك مش مجرد صور..

[bakkarahmed]

ياريت اللي عنده نصيحه او تحذير من حاجه يقولها علشان الكل يستفيد

[mrghost]

ربنا معاك بص انت لو عجبتك عربيه هناك متخلصش فيها فى السوق شوف عنوان الراجل فين وروحله عنوانه وارفعها فى بنزينه ولو معاك ميكانيكى يبقى افضل علشان تتأكد من اللى انت عاوزه ومتبقاش مستعجل وانت فى السوق

[نور القمر]

قبل كدة كنا نختار ونتفق ونروح على الشهر العقاري في السوق نسجل وكان غلط بس ربنا سترها معانا كل مرة
دلوقت في الظروف دي احتمالات النصب اكتر
حضرتك اولا ابعد عن التجار لانهم بيرفعوا الاسعار بغباء
لو البائع شخص عادي صاحب عربية وعايز يبيعها لاي سبب مش هيكون عنده اي مشكلة انكم تتفقوا على السعر وتتقابلوا تاني يوم في المرور تكشف على ورق العربية بنفسك وتطلع شهادة المخالفات بنفسك وتدي قرشين لاي حد هناك ياخد لك بصمة الموتور والشاسية
لكن لو لقيت البائع معارض ومش عاجبه كلامك جتى وان كانت العربية تمام بس نبعد عن المخاطرة افضل ونشوف غيره مهما كانت الاغراءات في العربية
والف مبروك مقدما

[ahmedsrs]

1- اكشف كويس فى العربية ولا تثق فى السمكرى نهائى ويلريت تعتبره مش موجود
2- ورق العربية مبدئيا لازم يكون من غير توكيلات ويكون الرخصة بسم الشخص الى بيبيع غير كده بلاش حتى لو العربية عجباك
3- لو العربية تمام مبدئيا اكشف عليها فى التوكيل وشوف اخبار الصيانات الدورية
4- لو العربية عاملة كيلو متر عالى او شاكك فى شى جرجر صاحب العربية فى الكلام يعنى قله العربية دى ينفع نحطلها بنزين 80 لو لقيته بيقولك ينفع وتمام اعرف انه مهمل او العربية بتتاجر

[Hacker5]

انا شايف ان حضرتك بالمبلغ اللى معاك حرام تشترى مستعمل خصوصا ان المبلغ مش صغير تقدر تجيب بيه عربية زيرو محترمة سواء يابانى او كورى
انا مش هاقول حاجة بعد اللى قالوه الاخوة الاعضاء
بس خد بالك من حاجة
لو العربية اللى هاتشتريها فيها توكيل
بص فى التوكيل و شوف التوكيل اتعمل فى انهى شهر عقارى و روح الشهر العقارى و معاك صاحب التوكيل و أسال عن صحة التوكيل و اتاكد ان التوكيل صحيح مش مضروب لان دلوقتى مافيش اسهل من التوكيلات المضروبة
و ياريت تبعد عن التجار و تشوف عربية صاحبها واقف جمبها و عارضها للبيع و الرخصة تكون بأسمه
و مبروك مقدما

[ahmed_120s]

و الله ربنا معاك . السوق بقي حلقة نصب خلي بالك

[bakkarahmed]

ربنا يستر ..انا هاحاول اشتري العربيات اللي مافيهاش ورق وتقريبا في شهر عقاري هناك ممكن اتاكد منه من صحه التوكيل لو فيها توكيل..
شكل الموضوع كبير ومجال النصب فيه كتير ..
مافيش مكان يكون قريب من السوق مضمون في موضوع الكشف علي العربيه؟؟(من حيث الميكانيكا والعفشه وحاله الصاج؟)

[magyver]

انتوا خوفتواااا الرااااااجل قوي ليييييييييييييية كدة
ياباشا خلي قلبك جرئ ولو اشتريت ادفع 500 جنية عربووون
علي اما تقاابلة وروح انت وهو طلعوا شهادة مخالفااات والتوكيلات لو حاسس انها مضروبة فية شهر عقااري هناك خلية يبصلك علييييييييييية
السووق عادي جداا انزل ومافيش اي حااجة ان شاء الله

[bakkarahmed]

انتوا خوفتواااا الرااااااجل قوي ليييييييييييييية كدة
ياباشا خلي قلبك جرئ ولو اشتريت ادفع 500 جنية عربووون
علي اما تقاابلة وروح انت وهو طلعوا شهادة مخالفااات والتوكيلات لو حاسس انها مضروبة فية شهر عقااري هناك خلية يبصلك علييييييييييية
السووق عادي جداا انزل ومافيش اي حااجة ان شاء الله

يعني ادفع عربون صغير واعمل بيه عقد ابتدائي لغايه ما اروح معاه المرور تاني يوم وفي نفس الوقت لو العربيه فيها توكيل اكشف علي صحته في الشهر العقاري اللي في السوق؟

[A.Saad]

الاحسن تكشف على التوكيل فى الشهر العقارى اللى معمول فيه

[minicooper20]

معلومات محترمه جدا

[No Comment]

- بالمبلغ ده الافضل تشترى جديد أضمن وأأمن .
- مستعمل سواء من السوق أو من غيره يفضل من مالك العربية اللى الرخصة بأسمه غير كدة مخاطرة وهتدخلك فى حاجات كتير انت فى غنا عنها .
- لاقيت عربية حالتها كويسة وبأسم صاحبها أو حد من ملاكها هما اللى بيبيعوها بجد (نادرة جدا الحالة دى) وعاوز تكشف عليها فى بجانب السوق 3 اماكن كويسة للكشف :
1- بنزينة شل فى شارع اللى فيه السوق وهيه الأقرب منه ومشهورة .
2- بنزينة كالتكس اللى فى الشارع المقابل للوفاء والأمل اللى برضوا فى نفس شارع السوق ودى الابعد شوية .
3- بنزينة كالتكس برضوا اللى بتقع عند تقاطع مصطفى النحاس مع عباس العقاد ودى الأبعد فيهم .
وربنا يوفقك فى حاجة كويسة ... بس الصبر والتأنى وخصوصاً فى المستعمل ولا تنخدع بالمظاهر سواء للعربية أو بائعها .