دمى محروق

[megaman]

النهارده الصبح كسرت ال ايه اشاره هى مش اشاره هى تقاطع شارع البطل احمد عبد العزيز مع عبد المنعم رياض طبعا هما بيشغلوها بايدهم عشان مفيش اشاره ضوئيه ليه مش عارف طبعا انا كسرتها عشان انا كنت اخر عربيه وجاى بسرعه معرفتش اقف فأمين الشرطه قالى انت مش شايف الاشاره قافله قلتله يا عم حطوا نور انا مش شايفك الا لما عديت راح كتب النمره علطول فنزلت وقلتلو انت كتبتها ليه دلوقت مردش عليا كررت السؤال تانى ولا كأن حد بيكلمه ولما رد قالى يالله غور فى داهيه قلتله غور انت فى 60 داهيه انت واللى مشغلينك انتوا شوية خيالات مقاته ملكوش لازمه ادخل واحد زميله وقعد يقولى احنا واقفين فى الشمس وكل واحد يقعد يزعق قلتلو انا عمرى ما اخدت مخالفه المشكله مشكلتكوا انا مشفتوش الا بعد لما عديت وانا طول عمرى بحترم الناس كلها بس هو تجاهلنى ومابيردش عليا وبعدين غلط فكان لازم ياخد على دماغه كل ده وهو واقف يكتب فى العريضه بتاعته مش عارف بقه كتب ايه ولا خالفنى بكام ايه رايكوا عايز اعرف من ساعتها بقى وانا مضايق وحاسس باحباط وقرف من البلد واللى فيها

[titos_81]

انت كنت جيت ماسكه طاحنه عشان دول ..... و مفيش فايده فيهم عارف انت لو سواق مكروباص او حد لبط كان خاف يكتب النمره و كان ولا اى حاجه حصلت و عمل عبيط انما هما مش بتننطوا غير على الناس المحترمه و بس

................*
حصلت على انذار مع وقف اسبوع لمخالفة القاعدة 12 من قواعد المنتدى
يرجى مراجعة قواعد المنتدى

11.14م
5/10/2011

مشرف 14 ب

[mohammedabdallh]

انت كنت جيت ماسكه طاحنه عشان دول .... و مفيش فايده فيهم عارف انت لو سواق مكروباص او حد لبط كان خاف يكتب النمره و كان ولا اى حاجه حصلت و عمل عبيط انما هما مش بتننطوا غير على الناس المحترمه و بس

ايه يا باشا انت داخل تولعها
براحه شويه
الى صاحب المشكله المفروض انك كنت كملت على طول ومنزلتش مكنشى خد النمرة ولا حاجه ولو كان خدها كانت هتبقى مخلفه لا تتعدى 50ج والموضوع خلص ولا حرقت دمك ولا حاجه

[Car's Sniper]

ايه يا باشا انت داخل تولعها
براحه شويه
الى صاحب المشكله المفروض انك كنت كملت على طول ومنزلتش مكنشى خد النمرة ولا حاجه ولو كان خدها كانت هتبقى مخلفه لا تتعدى 50ج والموضوع خلص ولا حرقت دمك ولا حاجه

+11111111111111

[ashouhdy]

عادى يعنى واية الجديد !

[mmharoun]

على فكرة الشرطة بدات تشد حلها تانى وهو دة المطلوب بس مع المحترم محترم وهو دة الصح وبعدين لا تحرق دمك وكأن شيئاً لم يكن وعند التجديد تبقى تعمل تظلم وانشاء الله كل خير

[sara2001]

النهارده الصبح كسرت ال ايه اشاره هى مش اشاره هى تقاطع شارع البطل احمد عبد العزيز مع عبد المنعم رياض طبعا هما بيشغلوها بايدهم عشان مفيش اشاره ضوئيه ليه مش عارف طبعا انا كسرتها عشان انا كنت اخر عربيه وجاى بسرعه معرفتش اقف فأمين الشرطه قالى انت مش شايف الاشاره قافله قلتله يا عم حطوا نور انا مش شايفك الا لما عديت راح كتب النمره علطول فنزلت وقلتلو انت كتبتها ليه

اسمحلي حضرتك بتقول كسرت الإشاره علشان كنت آخر عربيه وجاي بسرعه
فحضرتك تستحق المخالفه علشان كسرت الإشاره ايا كانت الأسباب
وممكن حضرتك تكون معذور لو اول مره تدخل الشارع ومش عارف ان في تقاطع في المكان ده وبالتالي تتوقع ان الإشاره ممكن تقف فجأه بس هو هيعرف منين علشان يعذر حضرتك في انك كسرت الإشاره

[Nistelrooy]

مش مشكلة المخالفة المشكلة انة قالك غور في داهية !!

والله ده المفروض يتشتم باعلي صوت في الشارع والناس كلها تسمع الشتايم !!

اية القرف ده ؟

[Al-Farooq]

انتم الأثنين غلطانين ، وانت اللى حطيت نفسك فى الموقف دة بالإضافة أن انت غلطك أشد
أولاً :- انت مخالف سرعة ،
ثانياً :- كاسر إشارة ،
ثالثاً :- نزولك من السيارة دة مخالفة بالإضافة لتعطيله عن آداء عمله الرسمي ومش من حقك أصلا تحاسبه كتب ايه ولا مكتبش ، فى نيابة للمرور تاخد حقك فيها ،
رابعاً :- أكيد لما نزلت من العربية كنت واقف فى مكان ممنوع فيه الإنتظار .


خامساً :- أهانه موظف عام أثناء تأدية واجبه .

--
هو بقي غلطه حاجة واحدة بس ، انه قالك غور فى داهية ، المفروض كان يحرر المخالفات ويعلمك بها بأدب أو بدون تعليق على كلامك أصلا !

[Mostafa.Ismail]

انتم الأثنين غلطانين ، وانت اللى حطيت نفسك فى الموقف دة بالإضافة أن انت غلطك أشد
أولاً :- انت مخالف سرعة ،
ثانياً :- كاسر إشارة ،
ثالثاً :- نزولك من السيارة دة مخالفة بالإضافة لتعطيله عن آداء عمله الرسمي ومش من حقك أصلا تحاسبه كتب ايه ولا مكتبش ، فى نيابة للمرور تاخد حقك فيها ،
رابعاً :- أكيد لما نزلت من العربية كنت واقف فى مكان ممنوع فيه الإنتظار .

لا تعليق!!!

[mahamedaraby]

فعلا حضرتك غلطان انا قبل او بعد الثوره لو اى حد فيهم احتكت معاه بقوله خد النمره ومش بكلم معاه كتير علشان منزلش من نفسى معاه
وحضرتك قطعت الاشاره وده اللى ادامه وهو الصراحه ملهوش ذنب ومش هيعرف نيه كل واحد ايه فكنت حضرتك تمشى وكنت هتلاقيها مخالفه قليله فى التجديد لكن كده حضرتك كبرت الموضوع على الفاضى ومحلتش حاجه
بعد كده ياريت حضرتك تتمالك اعصابك وتعدى الامور دى انا عارف احساسك بالظلم هو اللى عمل كده بس الشارع مش تحقيق ولا عرض وجهات نظر

[A.Saad]

انتم الأثنين غلطانين ، وانت اللى حطيت نفسك فى الموقف دة بالإضافة أن انت غلطك أشد
أولاً :- انت مخالف سرعة ،
ثانياً :- كاسر إشارة ،
ثالثاً :- نزولك من السيارة دة مخالفة بالإضافة لتعطيله عن آداء عمله الرسمي ومش من حقك أصلا تحاسبه كتب ايه ولا مكتبش ، فى نيابة للمرور تاخد حقك فيها ،
رابعاً :- أكيد لما نزلت من العربية كنت واقف فى مكان ممنوع فيه الإنتظار .

+++++11111111

[Medo007]

قدر الله وماشاء فعل
متزعلش هتبقى مخالفة بسيطة ومش محتاجة كل الزعل ده
وبالنسبة للناس دي فيه الكويس وفيه الوحش مش هتعرف تحكم عليه
فسيبه يعمل اللى عايزه وخلاص

انا مره كنت واقف مخالف في رمضان من كام سنة وجيه نقيب شرطة
انا قلت لو قالى حاجة مش هتكلم عشان انا غلطان فعلا

لقيته جاي يقولى محدش قالك ان الوقوف هنا ممنوع وبيتكلم بطريقة زي ما يكون بيعلمني الادب

قلت له لا محدش قالى وركبت وسبته يكتب المخالفة على ........... ولا اني اتكلم معاه اساسا

[beshomilan]

بجد مش عارف اقولك ايه..بس فعلا ده الواقع اللى احنا عايشين فيه

انا برضه حصل معايا موقفك فى اشارة رمسيس اللى عند نقابة المحامين ووكان اتوبيس واقف على اول الاشاره يمين وبينزل وبيركب ناس والاشارة مفهاش نور ولا اى حاجة ورحت مكمل طريقى ومعدى..واتارى العسكرى وامين الشرطة واقفين قدام الاتوبيس رافعين ايدهم موقفين السكة والاتوبيس واقف مغطى عليهم تماما وبيحصل كتير جدا الموقف ده..وجه امين الشرطة وقف فى نص الاشارة قعد يبص لعربيتى كتير وانا شايفة فى المراية وجالى تفكير انه خدنى مخالفة وقلت اركن وانزله افهمه انما بعد كده ربنا هدانى واستعوضت ربنا وقلت انا لو كنت نزلت كان ممكن خد نمرتى فعلا وانا مش فى نيتى اكسر الاشارة بس انا مشفتهوش..وربنا ستر ومفيش مخالفة

انا متعاطف معاك..والمخالفة مفيهاش كلام بس التعامل باحترام ده لازم مابيننا..ولا لازم الواحد يكون لابس زيهم ومعلق نسر ولا نجوم عشان يحترموه

تحية للى فاكرين البلد اتغيرت

[shaddadfalcon1]

لو هو غلطان قيراط فحضرتك غلطان 24