ايه رائيكم في نوع الدوكو دة

[mahmoud_anwar]

السلام عليكم ورحمة الله وبركاته
انا قررت ارش العربية بنوع بوية اسمه لا كلير البوهيجي بيقول انه ايطالي ونظيف وقرر انه هياخد مني 1500 جنية
وهو قالي لو تحب نرش العربية بي كابسي مش وحش وحاجة كويسة برضة بس انا لقيتها صناعة مصرية
ولما سئلته لو هرش بي اسكيلز هيكلفني كام قالي 2500 وطبعآ صعب ارشها بي المبلغ دة كله
المهم اني رسيت علي لاكلير ايه رائيكم فيه ؟

[mmharoun]

انا اول مرة اسمع عن الماركة دى وعلى فكرة انت ممكن تسأل المحل وانت بيتشترى عن الماركة دى

[mahfouz1983]

شوف فيه انواع كتير شركات استثماريه مش وحشه بس الرك علي الي بيرش خلي بالك من الصنيعي وعندك البرنس هو الاسكينز

[AhMeD MeTwAlY]

حضرتك شوف الي هو عايزه وهاته عشان لما يطلع الدهان وحش لقدر الله قوله اعملها تاني علي حسابك واستلم العربيه ودقق في كل سنتي فيها وياريت لو تعرف تجيب لمبه الي هي مدوره دي وتقربها من الدهان وتبص عليه وتشوف لو منطقه مسيله او حاجه تخليه يعملها

[mahmoud_anwar]

انا اول مرة اسمع عن الماركة دى وعلى فكرة انت ممكن تسأل المحل وانت بيتشترى عن الماركة دى

هو قالي انها ايطالي
وقالي انها جيدة اكيد صاحب المحل هيقول جيدة ومش هيعيب فيها
الا بقا لو قرنت مابينها وبين الاسكنز

[mahmoud_anwar]

شوف فيه انواع كتير شركات استثماريه مش وحشه بس الرك علي الي بيرش خلي بالك من الصنيعي وعندك البرنس هو الاسكينز

بس حرام عليا ارشها في مصر بي الاسكينز واكلفها غير السمكرة الي كلفتني 800 جنية
ارشها بي 2500 ولي الاسف هتمشي في شوارع المحروسة يعني هتتخبط

[mahmoud_anwar]

حضرتك شوف الي هو عايزه وهاته عشان لما يطلع الدهان وحش لقدر الله قوله اعملها تاني علي حسابك واستلم العربيه ودقق في كل سنتي فيها وياريت لو تعرف تجيب لمبه الي هي مدوره دي وتقربها من الدهان وتبص عليه وتشوف لو منطقه مسيله او حاجه تخليه يعملها

معلش علشان معنديش خلفية عن الدوكو يعني ايه مسيله؟

[magyver]

انا اول مرة اسمع عن البوية دة
الكل بيرش بالوميجاااااااااااااا
وهو ليية هياخد 1500 جنية
اية الاسعاردة انا برش رش مالوش حل
ب800 جنية والله لو ينفع تجبهااااااااااااااالي ارشهالك
ومتدفعش ملييم غير لما تتكيف من العربية

[M.Elgergawy]

انا اول مرة اسمع عن البوية دة
الكل بيرش بالوميجاااااااااااااا
وهو ليية هياخد 1500 جنية
اية الاسعاردة انا برش رش مالوش حل
ب800 جنية والله لو ينفع تجبهااااااااااااااالي ارشهالك
ومتدفعش ملييم غير لما تتكيف من العربية

مكانك فين يا برنس

[prisoner]

انا اول مرة اسمع عن البوية دة
الكل بيرش بالوميجاااااااااااااا
وهو ليية هياخد 1500 جنية
اية الاسعاردة انا برش رش مالوش حل
ب800 جنية والله لو ينفع تجبهااااااااااااااالي ارشهالك
ومتدفعش ملييم غير لما تتكيف من العربية

والله لو ينفع الواحد يرتب ونيجى نرش فى المنصورة تبقى حلوة وكده والا كده مش مستاهلة الاسكينز كل شوية حكات وبالمرة نشوف سمكرى عدل يظبطنا

[mido51eg]

انا اول مرة اسمع عن البوية دة
الكل بيرش بالوميجاااااااااااااا
وهو ليية هياخد 1500 جنية
اية الاسعاردة انا برش رش مالوش حل
[gdwl]ب800 جنية[/gdwl] والله لو ينفع تجبهااااااااااااااالي ارشهالك
ومتدفعش ملييم غير لما تتكيف من العربية

الـ 800 جنيه ده ثمن معقول جدا والبوهيجي بيبقى كسبان حوالي نصفهم كمان ، وللعلم ان بتوع الدوكو بيستعملوا بوية كابسي المصري ثمن الكيلو حوالي 35 جنيه والعربية بتاخد كيلو ونص تقريبا + المعجون + افرخ الصنفرة + ايجار الكابينة.
هنا في القاهرة بتاع الدوكو ياخد 2000 جنيه وتيجي تفاصله يقول لك والله مفيهاش ويعمل نفسه هيدفع لك من جيبه وهو سارقك وواخد حقه منك تالت ومتلت.

[mahmoud_anwar]

ياجماعة بجد محدش يقدر علي الصنيعية لو قولت ليه 1000 جنية هيقعد يقولك مش عارف ايه والتيت وانتا متعرفش سعر السوق والكلام الفاضي ده دول الصنيعية دول حسبي الله ونعمة الوكيل فيهم نفسي يبقا في رقابة من الحكومة عليهم ويسعرو ليهم الحاجة

[AhMeD MeTwAlY]

مسيله دي يعني تلاقي مكان في دهان متجمد زي نقطه المايه بس مش فاكر ده بيكون من الرش العادي ولي من الفرن

[mahmoud_anwar]

مسيله دي يعني تلاقي مكان في دهان متجمد زي نقطه المايه بس مش فاكر ده بيكون من الرش العادي ولي من الفرن

تمام انا بقا عايز اعرف نوع الدوكو ده حلو ولا ايه لي ان في وحد صحبي قعد يقولي مرشتش اسكينز ليه لما قولت ليه ده غالي قالي لا ده انا كنت بجيب الكيلو بي 700 جنية وقالي انا اول مرة اسمع عن الدوكو الي هترش بيه وقالي ده شكلة حجات تحت السلم من ام الكيلو بي 30 جنية زي كابسي هل ده حقيقي انا من سعتها حاسس اني خدت علي قفاي من الصنيعي وحاسس بي خنقة جامدة جدآ

[mahmoud_anwar]

طيب حد عنده خلفية عن الدوكو دة الي اسمة اسبيس ؟ سئلت علية الراجل بتاع البويات قالي الماني