مش عارف ده توارد خواطر والا اقتباس !!!

[PRO-DRIVE]

يا باشا موديلات لحد 1968 انا مش شايف شبه فيها من البيجو ... في موديل 1968 بقي هيا اللي شبه البيجو ...

طيب ركز في الشكلين كدا و شوف اتغيرت عن اللي قبليها كام % :)

مع العلم ان كدا الاتنين نازلين نفس السنه يعني صعب جدا التقليد :)

[فادى]

طيب ركز في الشكلين كدا و شوف اتغيرت عن اللي قبليها كام % :)

مع العلم ان كدا الاتنين نازلين نفس السنه يعني صعب جدا التقليد :)

يا برو انت بتتكلم عن بيجو! ها!!
يعنى أول شركة عملت عربية فى العالم (السيارات البخارية).
و الشركة الأكثر اعتمادية فى مصر, فيه ناس هنا تقولك أنا مركبش بى ام أنا أركب بيجو أحسنلى, صدقنى سمعتها. عربية بيضرب بيها المثل فى النعومة و الاعتمادية و ده عن تجربة لأنها كانت عندنا, و لحد وقت قريب كنا بنطلع الصحرا ببيجو 504 فى الشركة, و بتمشى زيها زى ال4*4 و مبتشتكيش, صحيح انا مبحبش طابعها الهادىء العائلى (العواجيزى) زيادة عن اللزوم لكن بيجو فى مصر اسم لا يقل عن مرسيدس كثيرا.
داتسون كانت وقتها على ما أعتقد أقرب لمصنع تجميع لسيارات أستون مارتن, و محدش كان يسمع عنها, بتتكلم فى ايه بس يا برو.

[PRO-DRIVE]

more cars followed, twenty-nine being built in 1892, forty in 1894, seventy-two in 1895, 156 in 1898

دي بدايه بيجو في تصنيع سياره ليها

و داتسون بدأت 1914

بس فرق 22 سنه مش زمن يعني :)

[hazem_khidr]

دي بدايه بيجو في تصنيع سياره ليها

و داتسون بدأت 1914

بس فرق 22 سنه مش زمن يعني :)

هما 22 يوم يا احمد
ماهو لو كان الفرق لصالح نيسان
كان زمانك قولت نيسان اقدم من بيجو بربع قرن
اكيد الربع قرن دا مش فراغ
ههههههههههههههههههههههههه

[فادى]

دي بدايه بيجو في تصنيع سياره ليها

و داتسون بدأت 1914

بس فرق 22 سنه مش زمن يعني :)

لكن فيه فرق بين شركة بدأت عملاقة زى بيجو, و شركة بدأت صغيرة و معتمدة نسخ سيارات الأخرين.
طبعا تعرف أن داتسون فى عام 1952 قامت بعقد شراكة مع شركة أستون الانجيليزية, و من هنا بدأت فى نسخ تقنيات أوستن, حتى قامت بتصميم أول محرك لها على محرك أستون.
ناهيك عن أن أول سيارة أنتجتها نيسان كان عام 1931 و كانت سيارة مضحكة اسمها "داتسون تايب 10", و اتباع منها 10 نسخ فقط فى أول سنة!!:)

http://www.jsae.or.jp/autotech/data_e/1-5e.html

[tutankhamoun]

فيه حاجة الناس كلها مش واخدة بالها منها

فرق الزمن في التأسيس لا يعني كل شئ
ممكن شركة تكون متأسسة أمبارح و توصل لتكنولوجيا عالية لم تصل لها شركة قديمة القدم

يعني مثلا هيونداي دلوقتي ......... بتنافس مين ؟؟ أعتى الشركات عالميا و تكنولوجيتهم معقولة جدا و هما في تقدم مستمر
ميتسوبيشي .... تم تأسيسها عام 1973 و مع ذلك لهم صولات و جولات و عربياتهم حلوة جدا و إعتمادية و قليلة الأعطال

شركة النصر للسيارات 1960 تم تأسيسها قبل الشركات التالية
ميتسوبيشي 1973
هيونداي 1967
بروتون 1983

و شوف حال شركة النصر اللي فضلت تجميع طول عمرها عربيات و قارنها بهيونداي و بروتون و ميتسوبيشي

الشركات الكورية الأقدم في التأسيس
دايو 1937
كيا 1944
و بعدين هيونداي 1967

و شوف حال الشركات الثلاثة .......... أحدثهم هي اللي عايشة و أشترت كيا كمان و بتعمل أبحاث و شغالة زي الفل ووصلت لمكانة مرموقة عالميا

و الأمثلة كتيرة جدا ................. على شركات كثيرة جدا

الخلاصة
التقدم لشركة معينة مش بسنة التأسيس
و لكن بكم المصروف على الأبحاث و التجارب العلمية و الوصول لأفضل المكونات و أفضل التصميمات

و شكرا لكم جميعا

[Chicco]

هو الموضوع ده لسه شغال .....تاااني

العربيات الياباني ابتدت صغيرة و رخيصة و تقليد للامريكاني و الأوروبي ..ماشي..... دلوقت بقت إيه ....ملوك العالم كله و رواد في التصميم و المبيعات و التكنولوجيا .....سابقين الكل في الاعتمادية و إقتصاديات الوقود ....و لسه ....تكنولوجيا السيارات الهجين اللي سابقين بيها أوروبا و أمريكا ......من يضحك أخيرا يضحك كثيرا يا ساده

[tutankhamoun]

هو الموضوع ده لسه شغال .....تاااني

العربيات الياباني ابتدت صغيرة و رخيصة و تقليد للامريكاني و الأوروبي ..ماشي..... دلوقت بقت إيه ....ملوك العالم كله و رواد في التصميم و المبيعات و التكنولوجيا .....سابقين الكل في الاعتمادية و إقتصاديات الوقود ....و لسه ....تكنولوجيا السيارات الهجين اللي سابقين بيها أوروبا و أمريكا ......من يضحك أخيرا يضحك كثيرا يا ساده

أيه يا عسل ........... هو الصيف دخل على كنكا حامي و لا أيه ؟؟
أنت داخل حامي قوي علينا كدا .............. يا عم اليابان أحسن ناس علشان خاطرك يا جميل
و عايزينك تبعتلنا كدا أد صاروخين نحطهم على سقف العربية علشان الأغبياء اللي على اطريق ......... نصطادهم واحد ورا التاني

[Chicco]

أسف يا توت يا أخويا المشاركة بتاعتي جت وراك على طول بس أنا كنت برد على مشاركات قبل كده .....الواحد بس بقى يقرا مواضيع معادة كتير من غير فايده و الناس تبتدي تشد مع بعض و تزعل
أسف تاني
على فكرة الجو في تورنتو رائع دلوقت الدنيا ربيع و الجو بديع قفل لي على كل المواضيع

[tutankhamoun]

أسف يا توت يا أخويا المشاركة بتاعتي جت وراك على طول بس أنا كنت برد على مشاركات قبل كده .....الواحد بس بقى يقرا مواضيع معادة كتير من غير فايده و الناس تبتدي تشد مع بعض و تزعل
أسف تاني
على فكرة الجو في تورنتو رائع دلوقت الدنيا ربيع و الجو بديع قفل لي على كل المواضيع

ياباشا .......... أنا مزعلش منك أبدا
ده أنا بهزر معاك و قلت أنكشك .......... أصل شكلك اتضايقت من المداخلات السابقة للجدال الذي لا يصب في مصلحة أحد

المهم سيبك أنت ......... المهم أتمتع بالجو البديع و نمو الزهور و ربنا يعلي مزاجاك كمان و كمان ............
و مقلتليش ........... أيه أخبار الصواريخ ؟؟؟
أنا عايز صاروخ متعدد الضربات علشان زي ما قلتلك
سيتم تنصيبه فوق سقف الجين 2 و اللي يتسهبل و يعمل أي حركة نص كم .......... أروح رازعة صاروخ ........... و يغور في داهية

بس المشكلة إن أحنا عايزين صواريخ بعدد سكان انتيكا المهلبية

بس مش مشكلة .......... أهو نص العمى و لا العمى كله

[Chicco]

ربنا يديم المعروف يا أخي الفاضل
اه يا خوفي يا باشا ....نازل مصر كمان كام شهر اجازة إن شاء الله و خايف من السواقة المرة ديه
ما لهاش حل فعلا إلا بطارية صواريخ أو كام ار بي جي أو جيش جرار من فصيلة مستر سميث للاعداء المتربصين في شوارع المحروسة

[ASD peugeot]

انا متابع الموضوع و فعلا البيجو هنا في مصر لا تقل عن المرسيدس و لكن البعض يفضلها عنها ربنا يسهل لما اغير يكون معايا فلوس تجيب بيجو محترمه

[ZALABANY]

من الواضح يا جماعة إن تصميمات العربيات عامله زي موضة الهدوم يعني الموضه دلوقتي أسود وبكرانيش يبقى كله بيشتغل على نفس الموضه وشكلها كده في العربيات كمان الموضه تصميم الفانوس يكون مسحوب بالشكل ده تبص تلاقي عربيات كتير فوانيسها قريبه من بعض الإلنترا الكرولا مثلا وهكذا