سيراتو اتسرقت النهاردة الفجر

[abouelmaggd]

عربية قريبى سيراتو 2010 لونها برونزى اتسرقت النهاردة الفجر من تحت بيته فى عمارات الضباط فى الرماية ، انا كلمت ناس فى اوسيم و القليوبية لعل و عسى ربنا يكرم و يلاقيها - رقمها (رو 2617) و هشوف برضه الجروب اللى نشراه نور القمر ع الفيسبوك .

[mahmoud_anwar]

انا بحس ان السيراتو اسهل عربية الحرمية بتسرقها بحس ان الحرامي ممكن يغلب انه يفتح علبة تونة لكن مش بيغلب يفتح سيراتو
يارب يردها لي صحبها يارب ويرجع الأمانات الي اهلها

[tahaderaz]

اللهـــــــــــــم رد لـــــــــه ضــــــــــــــــــــــالته آمين

[minicooper20]

فعلت خيرلما كلنت ناس السرعه مطلوبه

[MOK3336]

الحمد لله الذي عفاني مما أبتلي به كثير من الأخرين
و الله فعلا العربية دي سهله جدا في السرقة مش عارف ليه

[abouelmaggd]

انا بقالى ساعة و نص قاعد اكلم الناس اللبط و الصنايعية و المقاولين اللى اعرفهم ، كلمت ناس فى الكنيسة و دار السلام و الزاوية الحمرا و الحرفيين و الخانكة و القناطر و جسر السويس و اوسيم و الجمعية و المرج و الاحتمال الاكبر انها ناحية القليوبية و بالذات الخانكة ربنا يردهالهم ، حالتهم صعبة جدا.

[ArafatEHegazy]

ربنا يرجعها لصاحبها ان شاء الله عن قريب. عندي سؤال, هي العربية مفتاح عادي ولا امبوليزر؟

[abouelmaggd]

ربنا يرجعها لصاحبها ان شاء الله عن قريب. عندي سؤال, هي العربية مفتاح عادي ولا امبوليزر؟

اعتقد الخليجى كله ايموبلايزر ، اعرف انها خليجى بس مش عارف ايموبلايور و لآ لأ و مبقتش اهتم بالموضوع ده لأن كله بيتفتح و يدور.

[ArafatEHegazy]

اعتقد الخليجى كله ايموبلايزر ، اعرف انها خليجى بس مش عارف ايموبلايور و لآ لأ و مبقتش اهتم بالموضوع ده لأن كله بيتفتح و يدور.

طب دي هيا دي ميزة اليموبيليزر .... يمنع السرقه. يا نهار أبيض.

[Ashraf_Ibrahim]

لا حول ولا قوة إلا بالله !
اللهم اجمعه بضالته يا أرحم الراحمين

[mohkhattab]

اللهم رد ضالته
ربنا يستر علينا جميعا

[friendship7897]

ربنا يردها لصاحبها إن شاء الله - حسبى الله الوكيل .

[M_Marwan]

اللهم رد ضالته

[OBADSOMA]

دى رابع عربية سيراتو اعرف انهار اتسرقت فى المنطقة دى خلال الشهر اللى فات ده
اللهم رد عليه ضالته بس هو فى واحد من الاربعة رجع عربيته فعلا بس للاسف مش فاكر المنطفة اللى جابها منها
عموما هسألى وارجع اقولك يمكن تكون فى نفس المنطقة

[abouelmaggd]

دى رابع عربية سيراتو اعرف انهار اتسرقت فى المنطقة دى خلال الشهر اللى فات ده

اللهم رد عليه ضالته بس هو فى واحد من الاربعة رجع عربيته فعلا بس للاسف مش فاكر المنطفة اللى جابها منها

عموما هسألى وارجع اقولك يمكن تكون فى نفس المنطقة

دى تالت عربية فعلا فى الرماية 2 سيراتو و واحدة لانوس 2006 و واحدة سيراتو فى حدائق الاهرام و العربيات كلها اتسرقت فى مدة 3 اسابيع و مكنش فيه سرقات فى المنطقة الفترة اللى فاتت دى بالعدد ده فمن الواضح ان حد واخد المنطقة دى لقطة ، ربنا يسترها بس موضوع البحث صعب جدا و خصوصا ان البحث امتد للفيوم و مفيش اى نتائج لحد دلوقتى