طريقة جديدة لسرقة العربيات . . تحذير

[eng.m7md.ali]

طريقة جديدة واحد صاحبي قالي عليها النهاردة
ياريت نخلي بالنا ياجماعة
بيقولي واحد قريبه كان ماشي عادي بالعربية ووراه عربية نيسان بيك اب قديمة راح خابط فيه
وفي اللحظة دي طبعا الراجل نزل من العربية علشان يشوف الخساير بس للاسف ساب العربية دايرة ونزل منها
راح واحد نط في العربية وطار بيها كان نوعها لانسر كريستالة
طبعا اللي نط في العربية وصاحب النيسان مع بعض بس للاسف الراجل خد باله متاخر ان دي مؤامرة

ياريت نخلي بالنا ولو حصل حاجة لاقدر الله نبقى نبطل العربية وناخد المفتاح معانا

[minicooper20]

شكرا يا معلم

[ICE_MAN]

لا ياباشا هوا بيخبطك و بعدين انت تنزل تشوف الخساير يقوم مثبتك بسلاح و ياخد العربية و يمشى..من الاخر لو شكيت فى الخبطة يعنى مثلا مكان مهجور و طريق فاضى وواحد خبطك اوعى تقف انما لو فى الزحمة و مكان امن يبقى تبطل العربية و تاخد المفتاح معاك و ربنا يسترها معانا جميعا

تقبل مرورى

[tutankhamoun]

مشكور على التحذير
بس للآسف .... حتى لو نزلت شوفت الخساير
أيه اللي هايحصل ؟؟؟؟
و لا هاتأخد حقك و لا حاجة و حتى لو مكنش قاصد .... هاتلاقيها بيبجح و يزعق و يطلعك أنت الغلطان علشان ما يدفعش حاجة

فأصلا النزول من العربية ملوش فايدة خالص

[hokajaja]

اتكررت كتير وسمعت عن الطريقة دى كتير فعلا

[Mahmoud Mosaad]

مشكور على التحذير
بس للآسف .... حتى لو نزلت شوفت الخساير
أيه اللي هايحصل ؟؟؟؟
و لا هاتأخد حقك و لا حاجة و حتى لو مكنش قاصد .... هاتلاقيها بيبجح و يزعق و يطلعك أنت الغلطان علشان ما يدفعش حاجة

فأصلا النزول من العربية ملوش فايدة خالص

فعلاً الوقوف مش هيفيد غير حرقة الدم أو تطلع مؤامرة وتتاخد العربية
أسلم حل لو محستش إن فيه مشكلة فالعربية انها تمشي يبقى كمل طريقك وتقف في حتة أمان (بنزينة مثلاً ) وتطمن على عربيتك وتقول الحمدلله وتستعوض ربنا ، وربنا يسترها معانا كلنا إن شاء الله

[mohkhattab]

فعلاً الوقوف مش هيفيد غير حرقة الدم أو تطلع مؤامرة وتتاخد العربية
أسلم حل لو محستش إن فيه مشكلة فالعربية انها تمشي يبقى كمل طريقك وتقف في حتة أمان (بنزينة مثلاً ) وتطمن على عربيتك وتقول الحمدلله وتستعوض ربنا ، وربنا يسترها معانا كلنا إن شاء الله

هو دا الكلام صح

[levelpower]

ربنا يستر

[eng.m7md.ali]

لا ياباشا هوا بيخبطك و بعدين انت تنزل تشوف الخساير يقوم مثبتك بسلاح و ياخد العربية و يمشى..من الاخر لو شكيت فى الخبطة يعنى مثلا مكان مهجور و طريق فاضى وواحد خبطك اوعى تقف انما لو فى الزحمة و مكان امن يبقى تبطل العربية و تاخد المفتاح معاك و ربنا يسترها معانا جميعا

تقبل مرورى

الطريقتين فعلا بتحصل
المكان فعلا كان على الاوتوستراد والعربيات ماشية سريع والراجل خبط فيه من ورا افتكر طبعا ان الخبطة جامدة راح نزل عادي ومتعرفش اللي نط في العربية ده جيه منين اصلا

وشكرا على التحذير من الطريقة التانية

[eng.m7md.ali]

مشكور على التحذير
بس للآسف .... حتى لو نزلت شوفت الخساير
أيه اللي هايحصل ؟؟؟؟
و لا هاتأخد حقك و لا حاجة و حتى لو مكنش قاصد .... هاتلاقيها بيبجح و يزعق و يطلعك أنت الغلطان علشان ما يدفعش حاجة

فأصلا النزول من العربية ملوش فايدة خالص

+1
بالظبط يا استاذ توت
بس على حسب اللي خبطك ده شكلا وعربية لو يقدر يعوضك اكيد هيعوضك لانه هيخاف تحصل فيه حاجة مشابهة

وشكرا على المرور

[نور القمر]

اختي بتطلع شغلها بدري وبتقولي ملاحظة ان يوميا تقريبا بتشوف ونش انقاذ واخد عربية حديثة مفيهاش اي خبطات
حاولت اكتر من مرة تلحق تسجل رقم اي عربية معرفتش
بقولها هاتيلي رقم واحدة بس ونحاول نوصل لصاحبها ونشوفها مسروقة ولا لأ
معقولة العربيات الحديثة بتعطل من اصحابها بدري كدة ؟؟

[خالد]

اختي بتطلع شغلها بدري وبتقولي ملاحظة ان يوميا تقريبا بتشوف ونش انقاذ واخد عربية حديثة مفيهاش اي خبطات
حاولت اكتر من مرة تلحق تسجل رقم اي عربية معرفتش
بقولها هاتيلي رقم واحدة بس ونحاول نوصل لصاحبها ونشوفها مسروقة ولا لأ
معقولة العربيات الحديثة بتعطل من اصحابها بدري كدة ؟؟

أحتمال تكون مسروقة ودي من ضمن طرق السرقة برضه
بيجيبوا ونش ويرفع العربية من قدام ويسحبها ويمشى !!
وحسبى الله ونعم الوكيل فى الناس دى ! وربنا يسترها معانا جميعاً

[AirForces]

ابن عمتى لسه مسروقة منه عربيته قريب برضو بطريقة مشهورة جدا واحد جه جنبه وقاله الحق العجلة نايمة نزل يشوفها وسايب المفتاح فيها ودايرة وهوب راح واحد ناطط فيها وطاير راح بلغ ولقوها بعدها بيومين متقطعة هى وعربيات تانية معاها قريب من الهايكستب

[MOUSTAFA_SAAD]

شكرا على التحذير

[elpasha1]

حصلت على الدائرى بس بسلاح