لو بتفكر تأجر عربيتك

[tamer20072003]

بقالي فترة بدور على شركة محترمة اديلهم عربيتي و مخافش عليها من المشاكل اللي الواحد بيسمع عنها قابلت ناس كتير بيفرشولك الارض ورد كنت بخاف جدا و خصوصا انها عليها اقساط و الظروف بعد الثورة بقت صعبة جدا المهم قابلت بالصدفة واحد في مدير في شركة عزل حراري عملت معاه عقد و بسعر مش كبير زي الناس التانيه بس محافظين اوي على العربية اكتر مني و كلمني من يومين عاوز عربيتين موديل 2010 او 2011 واحدة اتوماتيك و واحدة مانيوال بس اهم حاجة ماتكونش عاملة عداد كتير فقررت اقول لاعضاء المنتدى لو حد يحب يتعامل معاهم بصراحة ناس كويسين و بيراعو ربنا لو حد عاوز يستفسر منهم ده رقم المهندس المسئول و الله المستعان 01113636081

[magyver]

اية الضمانات وبكام في الشهر

[tamer20072003]

السعر حسب نوع السيارة و الموديل و الضمانات عقد موثق في الشهر العقاري و اقرار استلام سيارة و شيك بنكي بقيمة السيارة

[gomangy]

لو العربيه نمرها غريبه عن القاهره في مشكله ولا عادي
وهما تقريبا بيخدوا العربيه كام سنه ممكن اكتر من سنه واحده
وتقريبا بتبقي تحركاتهم داخل القاهره ولا بره عشان الواحد بس يضمن سلامه العربيه

[Abdm]

العقد مدتة أد أية ؟؟؟ وطيب الشيك البنكى دة بيبقى مستحق الدفع أمتى وأذاى بضمن حقى عن طريق الشيك دة

والله الموفق والمستعان

[tamer20072003]

للاخوة اللي بيسالو
اولا: العقد من سنة الى 3 سنوات حسب الرغبة في ذلك من طرفكم
ثانيا: مقر الشركة في مدينة شرم الشيخ لان ظروف عملهم هناك
ثالثا:الشيك البنكي اقوى ورقة مالية في الشركات لانه بينزل بلاك ليست في البنوك لو الشيك اترفض زي ما قالي المحامي بتاعي
رابعا: هي شركة سعودية و ده اول توكيل ليها في مصر للعزل الحراري
و بالتوفيق يا اخواني ان شاء الله

[Hacker5]

خدوا بالكوا يا جماعة انا عربيتى كانت هاتروح منى و عملت موضوع من فترة
دلوقتى بياخدوا العربيات من صحابها و يعملوا توكيل مزور بأسم صاحب السيارة و يبيعوها و طبعا الشارى مش بيشك فيه لانه معاه توكيل و رخصة و مفتاح
و الحمد لله ربنا رجلعى عربيتى بعد ما كانت هاتروح
عايز تأجر عربيتك يبقى انتا اللى تسوقها مش حد تانى
بكرر تحذيرى دلوقتى الايجار بقى مجازفة كبيرة جدا جدا و ايجار السيارات مجال قذر جدا جدا اكتر مجال فيه نصب و سرقة انا عندى اكل عيش حاف ولا اجر عربيتى
لو مستغنى عن عربيتك و مش فارقة معاك تضيع او متضيعش اجرها
اللهم بلغت اللهم فاشهد

[tamer20072003]

الف مبروك رجوع عربيتك المال الحلال ما يضيعش ابدا علشان كده انا قعدت فترة طويلة لما استخرت ربنا و قررت اجر سيارتي لناس مضمونيين و شكرا لاهتمامك

[ahmed_mido1889]

معلش اليومين دول الواحد ما بيضمنش نفسه حتي

[tamer20072003]

عندك حق يا أ احمد بس الحاجة ام الاختراع

[أبو إياد]

انا عاوز افهم شركات ايه اللى لسه بتطلب عربيات انا اغلب اللى اعرفهم فى المجال ده بيصفوا الشغل وبيسلموا العربيات لاصحبها واغلب المكاتب بتعتمد على سيارات المكتب فقط بالكتير 5 عربيات واغلب الشركات اللى كانت بتاجر العربيات من المكاتب كل الجست بتاعهم رجع بلدهم واغلب المشاريع متوقفه

[tamer20072003]

كلامك صحيح عن مكاتب ايجار السيارات بس ده مش مكتب ايجار سيارات دي شركة عزل حراري للفنادق و الفيلات و المراكز التجارية و نشاط جديد اصلا في مصر (حب لاخيك ما تحب لنفسك)

[medo_sirion]

معلش اليومين دول الواحد ما بيضمنش نفسه حتي

هههههههههههههههههههههههههههه

[أبو إياد]

كلامك صحيح عن مكاتب ايجار السيارات بس ده مش مكتب ايجار سيارات دي شركة عزل حراري للفنادق و الفيلات و المراكز التجارية و نشاط جديد اصلا في مصر (حب لاخيك ما تحب لنفسك)

معناها كبير اوى اوى ياريت تبينلى قصدك علشان لو فاهمنى غلط اوضح وبلاش الكلام بين السطور

[tamer20072003]

لا اقصد اي شي الموضوع كله للافادة و ليس اكثر و لكن ما يلفت نظري ان كل شخص بيشوف ان تجربته الشخصية هي كل شي في الدنيا او لو سمع معلومة تبقى صح ميه الميه و لو الموضوع مضايقك انا ممكن امسحه