محتاج النصيحة فى نوع الكاوتش

[motoxp]

السلام عليكم ارجو مساعدتى فى نوع كاوتش مميز المقاس 195 / 60 / r15

طبعا انا عارف ان البردجستون ( اليابانى ) turanza gr 90 افضل حاجة بس غالية اوى 710 جنيه للفرده .

انا امامى الاتى :

1/ ميشيلان انجليزى
2/ بيريللى انجليزى
3/ كومهو صينى
4/ تويو يابانى
5/ بردجستون تايلاندى b 250
6/ بردجستون تايلاندى my01
7/ هانكوك مش عارف صناعة ايه
8/ جنرال تقريبا المانى

اختار ايه يكون الفرامل و الثبات ممتازيين و الصوت ميكنش عالى اوى والنقشه كويسة
الكاوتش الحالى كومهو كورى

[M.Alaa92]

التويو حلو
و ممكن تشوف فايرستون

[motoxp]

ياريت الكل يشارك يا جماعة انا بجد محتار مش عايز اجيب كاوتش واندم عليه

[eldell]

ياحجلى انا قولتلك وبكره يحلها الف حلال

[Ahmod]

بيرجيسدون بوتينزا ياباني

هتلاقي سعره ارخص من التورينزا وكاوتش ممتااااااااااااااااااااااز عن تجربة لمدة خمس سنين كان جاي مع العربية

اعتقد الفردة هتلاقيها عاملة 630

لسه مغيره من يومين وجبت اكسيليرا اندونيسي عشان كنت هكبر واعرض الكاوتش وكان الكاوتش المقاس اللى عايزه 195/50/16 مافيش منه الا التورنزا والفردة عاملة 1200 ! ! فمقدرتش على سعره

اكسيليرا مش هقدر اقول لحضرتك اي حاجة عن اداءه لاني لسه جايبه ومش هقدر احكم بالظبط

[wahba87]

شوف كونتينينتال المانى

[motoxp]

البوتينزا مش موجود خالص فى توكيل بردجستون وقالى مش هييجى تانى انا عايز بديل كويس
انا بفكر فى ميشيلان او بيريللى

[Raul_7]

أنا العربية عندي نازل فيها جوود يير ماليزي بصراحة أنا شايفه كويس أوي و قوي بس هو ناشف سنه بس, ممكن حضرتك تبقي تحطه في الحسبان.

[Hyper3G]

متابع

[omaroof]

ياريت حضرتك تكنب اسعار الانواع اللى كتبتها فوق عشان الواحد يبقى عارف كل نوع الفرده بكام وشكرا

[blazer]

كمهو اكستا كاوتش حلو جدا وسعره مناسب لعمره

[theking2690]

طيب ليه ما فكرتش فى الدانلوب كاوتش تحفه انا مركبه عندى فى الماتريكس و الهوندا

[Mamadou]

عاوز رأي......جرب كاوتش إسمة LASSA تركي بس ممتاز وسعرة مناسب جداً وممكن تخش علي اللينك دة تشوف النقاشات بتاعة الكوتش
http://lassab2c.mx-live.com/default.aspx

[HeMa_LanCeR]

انا مركب نفس المقاس gt
كانت ب 400 من شهرين كده ونقشه فيها v
وشايفها حلوه بس حاسس انها خشنة علي الأرض بس ده مديني فرامل كويسه