انهيار عصبى من اسعار العربيات

[mesaharaty]

بالعكس السوق مريح جدا
المعروض كتير وماحدش بيشترى
خلى اللى يطلب يطلب وفى الاخر لما يزق من قلة البيع هايضظر انه ينزل فى سعر عربيته

حلو الكلام

[samcar]

غلو الزيرو- وكمان ضعف خدمات مع بعد البيع والاستغلال فيها - وكمان اسعار البنزين ال 90 وطالع - خلا ناس كتير تفكر فى المستعمل تانى - مع انخفاض قيمة الجنيه

كل ده خلى اللى معاه عربيه مستعمله يفكر قبل ما يبيعها
بس فعلا فى ناس بتبقى بتغالى - بيع غناوه - انما الجاد فى البيع - بيوزن اموره ويقبل بالمعقول

[samcar]

انا مش فاهم عقليه الناس دى ايه
واحد عارض فى قسم البيع عربيه 128 موديل 77 طالب فيها 17 الف
ربنا يهديهم

الذ حاجه يقول لك - اصل العربيه حاله - ده لو قديمه- ولو جديده شويه ومدهوله يقول لك دى 2009 مثلا عايز انزل فيها كام يعنى

واحد مره كان بيبيع بيجو 79 وطالب 60 الف - وبيقول لى العربيه حاله - قلت له لو هى 79 وكانت فى جراج من يوم انتاجها - حالتها ما تعملش اكتر من 35- الناس ضحكت عليه ساعتها

[graffittiii]

واحد مره كان بيبيع بيجو 79 وطالب 60 الف - وبيقول لى العربيه حاله - قلت له لو هى 79 وكانت فى جراج من يوم انتاجها - حالتها ما تعملش اكتر من 35- الناس ضحكت عليه ساعتها

ههههههههههههههههه

[mgboss]

تقسيط البنوك هو الى مغلى اسعار الزيرو, المستورد عارف انك لو مقدرتش تاخدها كاش هتاخدها قسط (كده طده هو هياخد فلوسه كاش و القسط مع البنك)....

تصوروا كده لو تقسيط البنوك وقف ---- هتلاقوا سعر العربيات فى النازل عشان يزودوا سرعة الدوران و ميخسروش .....

[omaroof]

اخوتى الاعزاء دى حالة جشع وطمع من تجار العربيات ( الوكالات)
الوكلاء بيكسبو كتير فى العربيات ورغم كدا ميهمهمش الزبون اد مايهمهم المكسب ( تخيلو بعض الوكلاء بتبيع عربيات موديلات 2009 و2010 زيرو لانها لم تباع فى سنتها والى الان اسعارها غاليه
2- البنوك فوائدها مرتفعه جدا تخيلو فى الخليج البنوك فوائدها بين 3.99% الى 4.55 والى الان فى مصر 12% و15% وكل بنك بمزاجه
3- اسعار غريبه للمستعمل العربيه تكون اتبهدلت من شوارع مصر اكتر من 5 سنين والاستاز صاحب العربيه يطلب فيها ثمن اقرب الى اللى هوا دفعه ايام ماشتراها واللى يقولك قابريكه واللى يقولك حاله شازه وخد من ده كتير
دلوقتى اللى عاوز يشترى عربيه يعمل ايه يتكوى بنار الجديد وتقسيطه ولا يتكوى بنار المستعمل اللى بيدفع فيه اكتر من قيمته واى وقت ممكن يدخل دوامة التصليح وعيش فى الملعب

[mohkhattab]

دلوقتى اللى عاوز يشترى عربيه يعمل ايه يتكوى بنار الجديد وتقسيطه ولا يتكوى بنار المستعمل اللى بيدفع فيه اكتر من قيمته واى وقت ممكن يدخل دوامة التصليح وعيش فى الملعب

هو دا الكلام الصح و المظبوط اللى يمشى فى مصر بس برضه هتخاف على العربية من السرقة
ربنا يستر علينا جميعا

[alladinad]

عند البيع بيفرق السعر اكيد

[mrghost]

ياجماعه فى حاجه خدوا بالكوا منها بالنسبه للمستعمل اللى انتوا عاوزين سعره ينزل عن كده
حد يحسب العربيه المستعمله قطعه قطعه(كل حاجه لوحدها بسعرها)
يعنى مثلا التابلوه بكام والكراسى والموتور والمساعدين وكده
هتلاقى مثلا العربيه اللى بتتباع مستعمله ب 20 الف جنيه هتكلفك 30 الف لو هتجمعها كقطع غيار يعنى الواحد يفك العربيه ويبعها حتت احسن مايبيعها مستعمله

[MaZaGAngeE]

قفلة زي قفلة الكهربا بالظبط

[Elawany13]

واحد قريبى راجع من الكويت
بيقولى السيراتو زيرو بـ 2000 دينار
ياعنى حوالى 40 ألف جنيه مصرى
ومش عاجبة الكويتيين
بيقولوا بتسسيح من الشمس

[amz2011]

الناس بتاكل فى بعضها
الشعب المصرى شاطر اوى فى الاغانى الوطنية بس

[حماده المصري]

ده حتى التجار معندهمش جشع على قد ما شوفت من اصحاب العربيات فعلا

عمري ما هنسى راجل كبير كان بثيبيع عربيته كرولا 2002 مانيوال متبهدله من برا الكلام ده من 3 شهور

بقوله بكام قالي 90 قولتله ليه يعني قالي اصل دي الغاليه

[mody3on]

ده حتى التجار معندهمش جشع على قد ما شوفت من اصحاب العربيات فعلا

عمري ما هنسى راجل كبير كان بثيبيع عربيته كرولا 2002 مانيوال متبهدله من برا الكلام ده من 3 شهور

بقوله بكام قالي 90 قولتله ليه يعني قالي اصل دي الغاليه

ههههههههههههههههههههه .. حلوة الغالية دي .. هو بيبيع والدته ولا حاجة

[Mostafa.Mahran]

انا الى منرفزنى ان عربية زى الكيا بيكانتو الجديدة توصل ل96 الف جنيه
ليه يعنى علشان حبة لعب فى الشكل و شوية سحب و شوية سوك و كله فى الاخر مع اقل خبطة بيتعجن

بجد حرام الى بيتعمل فينا ده