If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
يا جماعة الله يرحمهم و يرحم امواتنا
بس احنا منعرفش عنهم حاجة و منعرفش الظرف اللي كانوا فيه
جايز كانوا بيلعبوا و جايز برضوا كان حد من الركاب عاوزين يودوه المستشفي ...او فعلا فيه ظرف طارئ يستدعي السرعة دي .
ربنا يستر علينا و علي من نحبهم
[CENTER]لا يعرف الحق بالرجال و لكن يعرف الحق فتتبعه الرجال [/CENTER]
بس ل 180 في شارع مش هاقول طريق
ده حرام عليهم <الله يرحمهم و رحم موتى المسلمين و يغفرلهم> يعني لما يقابل ربنا يقله ايه كنت بقفل عداد و لما ربنا يقله طب و ارواح الناس اصل في ظرف يا رب حرام الصراحه السرعات دي في شوارع و ناس تعدي الطريق تروح هدر علشان شويه عيال كلهم استهتار و ..............
انا عن نفسي هادعيلهم بان ربنا يغفرلهم علشان ده يعتبر انتحار مش حادثه و قضاء و قدر
ازا اردت الحكمه فالزم الصمت
و ازا اردت الرزق فالزم الاستغفار
و ازا ارد المهابه فالزم قيام اليل
لا اله الا انت سبحانك اني كنت من الظالمين
حزين لما يحدث لاخواني في غزة :120146b
يا جماعة ...بس انا قصدي فكر لو انت في ظرف مظنش هتفكر في كل الكلام اللي انت بتقوله ده
طيب موقف حصل فعلا لواحد صاحبي ...
كنا بنزوره عشان كان جاب بنوته زي القمر و فجاه البنت تعبت وو شها ازرق مبتتنفسشي نزلنا جري و مامتها شايلها و هو جري علي عربيته و احنا طلعنا وراه و خدنا شارع الهرم و ما ادراك ما شارع الهرم ...انا مش عاوز احكي هو كان سايق ازاي و كام مره طلع علي الرصيف بالعربيه عشان يعدي الزحام .. و مش عاوز اقولك علي سرعته كانت كام .....
الحمد لله البنت بقت بخير بس ده مثلا ظرف ممكن تتعرضله ... طيب مين مننا لو اتعرض للموقف ده هيفكر بعقل و هيلتزم بسرعة معقولة او هيهتم بحياته او بحياة اي كائن علي الارض
[CENTER]لا يعرف الحق بالرجال و لكن يعرف الحق فتتبعه الرجال [/CENTER]
في شيخ افتي فتوي ان اللي يمشي ازيد من السرعه اللي مقرارها الدوله علي الطرق فهو بمثابت المنتحر و يموت كافر واليعاذ بالله
مارايكم في الكلام ده ياشباب
و االلي يموت من الجوع اللي مقرراه الدولة يبقي منتحر و كافر .. و اللي يموت من نقص العلاج اللي موفراه الدولة يبقي منتحر و كافر.. و اللي يموت من التعذيب اللي مقرراه الدولة يبقي منتحر و كافر .. و اللي يموت من الطوابير اللي مقرراها الدولة يبقي منتحر و كافر .. و اللي يموت من الحفر و البلاعات اللي مقرراها الدولة يبقي منتحر و كافر .. و اللي يموت من الهم و الغم و النكد و و بيذاكر طول عمره المقررات اللي مقرراها الدولة و يطلع من الاوائل .. و بعدين يتعين ب150 جنيه .. يبقي منتحر و كافر .. و اللي يموت من الخضار المسرطن اللي مقرراه الدولة .. و الفراخ بتاعة الانفلونزااللي مقرراها الدولة .. و اللحوم المجنونة اللي مقرراها الدولة .. و المياه الملوثة اللي مقرراها الدولة .. و اللبن بتاع السيراميك اللي مقرراه الدولة .. و السمك بتاع المصارف اللي مقرراه الدولة .. و الهواء اللي مقرراه الدولة اللي السجاير الكليوباترا انضف منه .. يبقي منتحر و كافر ..
خرجتني من الموضوع يا راجل يا طيب حرام عليك يا راجل .. شيخ ايه بس اللي بيستشهد بما تقرره و ما لا تقرره الدولة .. ده تلاقيه هو شخصيا بيشتم اللي .......... الدولة.
180 جوه البلد في شارع الميرغني طب ازاي...
ما أعتقدش ان العربيه هتجمع بالغباء ده وتجيب 180...
عالعموم ربنا يسترها معانا ..
وربنا يتولاهم برحمته ويصبر اهاليهم..
و االلي يموت من الجوع اللي مقرراه الدولة يبقي منتحر و كافر .. و اللي يموت من نقص العلاج اللي موفراه الدولة يبقي منتحر و كافر.. و اللي يموت من التعذيب اللي مقرراه الدولة يبقي منتحر و كافر .. و اللي يموت من الطوابير اللي مقرراها الدولة يبقي منتحر و كافر .. و اللي يموت من الحفر و البلاعات اللي مقرراها الدولة يبقي منتحر و كافر .. و اللي يموت من الهم و الغم و النكد و و بيذاكر طول عمره المقررات اللي مقرراها الدولة و يطلع من الاوائل .. و بعدين يتعين ب150 جنيه .. يبقي منتحر و كافر .. و اللي يموت من الخضار المسرطن اللي مقرراه الدولة .. و الفراخ بتاعة الانفلونزااللي مقرراها الدولة .. و اللحوم المجنونة اللي مقرراها الدولة .. و المياه الملوثة اللي مقرراها الدولة .. و اللبن بتاع السيراميك اللي مقرراه الدولة .. و السمك بتاع المصارف اللي مقرراه الدولة .. و الهواء اللي مقرراه الدولة اللي السجاير الكليوباترا انضف منه .. يبقي منتحر و كافر ..
خرجتني من الموضوع يا راجل يا طيب حرام عليك يا راجل .. شيخ ايه بس اللي بيستشهد بما تقرره و ما لا تقرره الدولة .. ده تلاقيه هو شخصيا بيشتم اللي .......... الدولة.
ايه ياعم انت سخنت عليا كده ليه
ايه اللي دخل الحاجات دي في موضوع السرعه و بعدين هوه قال كده علشان اللي سايق هوه اللي مقرر السرعه اللي ماشي بيها و عارف انه عرضه لاي خطأ و مع ذلك مصمم انه بمشي بالسرعه دي
لكن الحاجات التانيه دي اللي حضرتك بتتكلم عليها دي مش بمزاجك ولا بمزاج اي حد تاني دي ظروف دوله
عادي يعني وبعدين كلمه و قولتها و اديني سحبتها تاني ياعم علشان متزعلش الدنيا مش مستاهله حرقة الدم دي :)
لا يا وليد بك .. كل الموضوع انك بس دست علي الزرار .. فالواحد اشتغل لوحده ,, و بعدين رجعت لقواعدي مرة اخري .. و عذرا اذا كنت اعتقدت اني سخنت عليك .. كل ما في الامر ان ساعات بعض الامور بتدوس علي الجرح جامد .
معلومة صغيرة الكرولا ماتجبش 180 فى شارع ذى الميرغنى
زمن(تسارع عربية ) /مسافة (طول شارع الميرغنى )
الله يرحمهم و يرحم موتى المسلمين و يغفرلهم
اعتقد يا بشمهندس انه ممكن يجيبها لو واخد الشارع من اول السبع عمارات .. و طلع بسرعته الكوبري .. و بعدين نزل ناحية سينابون .. في المكان ده ممكن يجيب سرعة عالية جدا .. و في المكان ده .. ممكن بسهولة يفقد سيطرته علي العربية لان الشارع بيلف يمين قليلا .. ده ممكن يكون سيناريو .. لكني بالطبع معرفش اللي حصل و لا الحادثة كانت فين .. و ربنا يرحم موتانا جميعا
Comment