سيارات السياحه !

[Evo]

قدامي فرصة لشراء سياره من بره وترخيصها سياحه

اللي عرفته إن العربيه هتبقى باسم شركة السياحه لمدة 5 سنوات وأنا ماشي بيها بعقد ايجار وبعد كده الشركة هتنقل ملكيتها باسمي وطبعا ليَّ الحق ارخصها ملاكي بدون ما أدفع أي جمرك (بس بعد 5 سنين )

اللي قالقني في الموضوع إن العربية مش هتبقى باسمي وهيكون معايا عقد ايجار مع إنها عربيتي
تاني حاجة التعامل مش هيكون مع شركة السياحه هيكون مع معرض (مشهور)

الكويس إنك هتركب أي عربية بثلث تمنها في مصر وطبعا مش بأتكلم عن فئة ال 1600

يا ترى حد عنده أي خلفية أو خبرة عن الموضوع ؟

[Ayman-Ahmed]

حقيقى هتركب العربية من غير جمارك ولكن :

سائق السيارة لازم تكون رخصته اولى او تانية (مهنية) لان نمر العربية سياحة.

طول ما انت ماشى بالعربية لازم يكون معاك حاجة اسمها (امر شغل) وده بيتكتب فيه العربية جاية منين ورايحة فين بصفة يومية.

موظفى او مفتشى الجمارك لو لاقوا فيها مصريين ممكن يقول ان العربية شغالة مواصلات وممكن يحجز العربية لحد دفع الجمارك وتغيير النمر.(حالة نادرة بس خلى بالك منها).

اللى مقلقنى انا من كلامك ان تعاملك مع معرض مش مع شركة السياحة نفسها وده لان عقد الايجار بتكتبه شركة السياحة ليك وثانيا لو عارف الشركة كويس مبتقلقش ولكن لو متعرفهمش يبقى بتكتب ورقة اسمها ورقة ضد على صاحب الشركة عشان لو لاقدر الله اتوفى او الشركة فلست او هرب او حب يقولك ديه عربيتى تقوله لا .

شركة السياحة بتعمل اجراءات الترخيص باسمها(الرخصة باسم الشركة) وبتعمل لوجو على العربية باسمها وكل سنة بتعمل نفس الموضوع ومندوب من الشركة بيطلع يعملك الورق ده كله ومينفعش تعمله لوحدك الا لو الشركة اعتبرتك موظف عندها وعملتلك توكيل.

مش فاكر ايه تانى ولو افتكرت هضيفلك هنا.ولو امكن تقولى على اسم شركة النقل السياحى اللى هتعملك ده ولو على الخاص.يمكن اقدر افيدك عنهم بحاجة.

[HISHAM80]

بـلاش مفيش حاجه مضمونه في مصر يعني العربيه مس باسم حضرتك أي حاجه محتاجها زي ترخيص لو قدر الله اتسحبت رخصتك أو حادث هتكون تحت رحمتهم

[A_H_M_A_D]

لسه شايف عصام الحضري راكب bmw x6 على كوبري أكتوبر و كانت نمرتها سياحة , وهو اللي سايقها لواحده

[Ayman-Ahmed]

احتمال تكون متاجرة من شركة ليموزين بعقد سنوى او شهرى او لانه الحضرى محدش هيوقفه ويقوله رخص وورق جمارك.

[النوبي]

طيب وهيرخصهالك بكام في السنه؟
اضرب في خمسه وبعد كده لما هتفك اخر مره هتفك بكام؟
تقريبا الشركه هتاخد منك من 3500 الي 5000 في السنه
ولما هتفك وتعلق ملاكي هتعمل حركه 5000
يعني لو في المتوسط اخد منك 4000 في السنه يبقي 20 و5 علشان تعلق ملاكي يبقي 25 زائد تمن العربيه
يبقي انت عندك اول حل
(احسب كويس وبعد كده شوف المبلغ اللي هتدفعه ممكن يجيبلك ايه كسر زيرو وبعد كده قرر)
واهم حاجه انك تدرس الموضوع من اكتر من جهه علشان بعد كده متلاقيش نفسك اتورطت خصوصا ان العربيات دي سعرها بيبقي في الارض لما تيجي تبيع (معروض عليا لانسر 1600 سياحه موديل 2008 وعامله 110الف كيلو بــ58 الف جنيه ومش عارف اشتري ولا لا)

تاني حل
إشتري حاجه غاليه علشان تبقي وفرت بجد ويبقي الموضوع يستاهل
يعني ماتشتريش لانوس وتقول انا كده وفرت لانها في النهايه هتقع عليك بنفس تمنها
ولا لوجان لان اصلا معليهاش جمرك
وهكذا اختار حاجه فيها توفير كبير علشان تستحق المخاطره

[أبو إياد]

الاسهل انك تشوف حد قريبك معاه جنسيه عربيه وعنده اقامه هنا وتشترى وتبيع من بره مصر كل سنه

[MOSHAKS]

متابع.....

[horas3000]

الموضوع ده عادي و شغال اكتر مما تتخيل
المهم تكون واثق في صاحب المعرض و شركه السياحه و دي الاهم لان العربيه هتبقي باسمهم
و ممكن لو تحب تعملوا عقد بان العربيه بتاعتك او بانه هينقل ملكيتها ليك بعد ال 5 سنين بس معرفش ما مدي قوه العقود دي لانه تقريبا صعب تسجيلها في الشهر العقاري
العيب الوحيد ان رخص السياحه بتجدد كل 6 شهور لسنه بالكتييير قوي يعني كل شويه لازم ياخدوا العربيه يوم او اتنين و يرجعوها تاني

فلو الكلام ده موجوه توكل علي الله و نصيحه لوجه الله هات حاجه عاليه و ليها توكيييل في مصر

[horas3000]

حقيقى هتركب العربية من غير جمارك ولكن :

سائق السيارة لازم تكون رخصته اولى او تانية (مهنية) لان نمر العربية سياحة.

طول ما انت ماشى بالعربية لازم يكون معاك حاجة اسمها (امر شغل) وده بيتكتب فيه العربية جاية منين ورايحة فين بصفة يومية.

حضرتك مختلط عليك الامر
الكلام ده للعربيات الاوتوبيس السياحي مش النمر السياحي العاديه

[horas3000]

علي فكره العربيات دي مبتقباش معفاه من الجمارك
بالعكس دي عليها جورك 45% و شويه ضرايب حلوين كمان
بس بالمقارنه مع ال 300% بتاعه العربيات العاليه بتبقي كلام فاضي
و لو فاكر صح مبتدفعش ليها ترخيص لانه بيبقي مشمول جوه المبلغ اللي بتدفع في الاول

[Evo]

حقيقى هتركب العربية من غير جمارك ولكن :

سائق السيارة لازم تكون رخصته اولى او تانية (مهنية) لان نمر العربية سياحة.

طول ما انت ماشى بالعربية لازم يكون معاك حاجة اسمها (امر شغل) وده بيتكتب فيه العربية جاية منين ورايحة فين بصفة يومية.

موظفى او مفتشى الجمارك لو لاقوا فيها مصريين ممكن يقول ان العربية شغالة مواصلات وممكن يحجز العربية لحد دفع الجمارك وتغيير النمر.(حالة نادرة بس خلى بالك منها).

اللى مقلقنى انا من كلامك ان تعاملك مع معرض مش مع شركة السياحة نفسها وده لان عقد الايجار بتكتبه شركة السياحة ليك وثانيا لو عارف الشركة كويس مبتقلقش ولكن لو متعرفهمش يبقى بتكتب ورقة اسمها ورقة ضد على صاحب الشركة عشان لو لاقدر الله اتوفى او الشركة فلست او هرب او حب يقولك ديه عربيتى تقوله لا .

شركة السياحة بتعمل اجراءات الترخيص باسمها(الرخصة باسم الشركة) وبتعمل لوجو على العربية باسمها وكل سنة بتعمل نفس الموضوع ومندوب من الشركة بيطلع يعملك الورق ده كله ومينفعش تعمله لوحدك الا لو الشركة اعتبرتك موظف عندها وعملتلك توكيل.

مش فاكر ايه تانى ولو افتكرت هضيفلك هنا.ولو امكن تقولى على اسم شركة النقل السياحى اللى هتعملك ده ولو على الخاص.يمكن اقدر افيدك عنهم بحاجة.

صاحب المعرض مجابليش سيرة الكلام ده . أنا هامشي كاني مأجر العربية مش سواق عليها زي الأتوبيس
موضوع اللوجو حسأله عليه

طيب وهيرخصهالك بكام في السنه؟
اضرب في خمسه وبعد كده لما هتفك اخر مره هتفك بكام؟
تقريبا الشركه هتاخد منك من 3500 الي 5000 في السنه
ولما هتفك وتعلق ملاكي هتعمل حركه 5000
يعني لو في المتوسط اخد منك 4000 في السنه يبقي 20 و5 علشان تعلق ملاكي يبقي 25 زائد تمن العربيه
يبقي انت عندك اول حل
(احسب كويس وبعد كده شوف المبلغ اللي هتدفعه ممكن يجيبلك ايه كسر زيرو وبعد كده قرر)
واهم حاجه انك تدرس الموضوع من اكتر من جهه علشان بعد كده متلاقيش نفسك اتورطت خصوصا ان العربيات دي سعرها بيبقي في الارض لما تيجي تبيع (معروض عليا لانسر 1600 سياحه موديل 2008 وعامله 110الف كيلو بــ58 الف جنيه ومش عارف اشتري ولا لا)

تاني حل
إشتري حاجه غاليه علشان تبقي وفرت بجد ويبقي الموضوع يستاهل
يعني ماتشتريش لانوس وتقول انا كده وفرت لانها في النهايه هتقع عليك بنفس تمنها
ولا لوجان لان اصلا معليهاش جمرك
وهكذا اختار حاجه فيها توفير كبير علشان تستحق المخاطره

هو فعلا قاللي هتدفع 5000 جنيه كل سنة لشركة السياحه
ولو جيت حسبتها على عربية زي ال x5 أو ال x6 هتقف عليَّ بتمن 330 في مصر
ده بالاضافة لو الموضوع ده صحيح وملكتها بعد 5 سنين وبعتها هبيعها باغلى ما اشتريتها اساسا !

الاسهل انك تشوف حد قريبك معاه جنسيه عربيه وعنده اقامه هنا وتشترى وتبيع من بره مصر كل سنه

في جنسيات امريكية واوروبية بس طفشانين من البلد

الموضوع ده عادي و شغال اكتر مما تتخيل
المهم تكون واثق في صاحب المعرض و شركه السياحه و دي الاهم لان العربيه هتبقي باسمهم
و ممكن لو تحب تعملوا عقد بان العربيه بتاعتك او بانه هينقل ملكيتها ليك بعد ال 5 سنين بس معرفش ما مدي قوه العقود دي لانه تقريبا صعب تسجيلها في الشهر العقاري
العيب الوحيد ان رخص السياحه بتجدد كل 6 شهور لسنه بالكتييير قوي يعني كل شويه لازم ياخدوا العربيه يوم او اتنين و يرجعوها تاني

فلو الكلام ده موجوه توكل علي الله و نصيحه لوجه الله هات حاجه عاليه و ليها توكيييل في مصر

عرض عليَّ فعلا العقد ده بس هو كان صريح معايا وقال لي العقد ده مش قوي لأن الشركة ملهاش حق تبيع العربية إللا بعد 5 سنين وحقها تاجرها ليك بس
وقالهالي بصراحة حتى لو عملنا العقد الضمان الوحيد ليك هو اسم المعرض ومفيش حاجة تانية تثبت حقك فيها .

علي فكره العربيات دي مبتقباش معفاه من الجمارك
بالعكس دي عليها جورك 45% و شويه ضرايب حلوين كمان
بس بالمقارنه مع ال 300% بتاعه العربيات العاليه بتبقي كلام فاضي
و لو فاكر صح مبتدفعش ليها ترخيص لانه بيبقي مشمول جوه المبلغ اللي بتدفع في الاول

مظبوط يا باشا
40 % و 15% مبيعات

بس حتى لو لما تكون عربية بـ مليون واقفة بـ 350 ألف تبقى صفقة رابحة لانك هتبيعها بعد 5 سنين بنفس التمن أو أكتر ما اشتريتها

بالاضافه إن في امكانية دفع 50% و تقسيط الباقي

كمثال عندهم

بورش كاين s أو تربو مش فاكر 2010 بـ 450 ألف مستعمله
و bmw 750 بـ 600 ألف مستعمله ألماني طبعا
وسبورتاج 2011 2400 CC مواصفات امريكي بـ 210 ألف

أنا شكلي هسأل المحامي

[Ahmed Nasser]

مش مطمن للموضوع دة
لان فى مصر مفيهاش امان خبطة ولا حادثة لا ....

[النوبي]

مش مطمن للموضوع دة
لان فى مصر مفيهاش امان خبطة ولا حادثة لا ....

يعني اللي شاريها بمليون ميزعلش علي الخبطه واللي شاريها 250الف يزعل
ده قدر اللي مقدرله خبطه هيتخبط يعني هيتخبط

[islambana]

متاااااااااابع