مفهوم الفول اوبشن اتغير ولا ايه ؟

[kimotop]

السلام عليكم


دا سؤال سألته لنفسي لما شوفت الامكانيات دي في عربية " ليجزيس " ومعظم الامكانيات دي في العربيات البي ام والمرسيدس الجديدة

الامكانيات الي فهمتها كالتالي :

جي بي اس تاتش متفوق

سنسور ركن " ودا بيركن لوحده في العربيات البي ام كل الي عليك انك تقوله عايز اركن وتسيب العربية تركن نفسها .

سنسور حوادث " ودا في حالة ان العربية هتخبط او هتتخبط يقوم الكمبيوتر بحساب اامن مكان ممكن العربية تروحه و يروحه اوتوماتيك

سنسور اقتراب من السيارة الي قدامك " يعني لما يجي جسم قدامك على بعد معين يديك انذار

رادار ليلي " يعني وانت سايق العربية بتعمل مسح بالاشعة تحت الحمراء وتبينلك لو في اي كائن حي على محيط واسع من العربية بحيث انك تبقى عارف لو في حاجة ممكن تظهر فجأة

سنسور مطبات " ودا بيعمل مسح للشارع قدامك ويبينلك لو في مطب او منخفض في الطريق قدامك سواء بالليل او النهار

سنسور رجوع في المرايات " يعني لو انت راجع من بين عربيتين ومش شايف الطريق السنسور دا فايدته يعرفك لو في عربية معدية متخبطلكش الشنطة .

سنسور امان للخروج من الحارات " والسينسور دا فايته انك لو هطلع فجأة من الحارة الي انت فيها لحارة تانية يحسبلك اذا كان في عربية جاية بسرعة في الحارة الي عايز تروحها ودا بيظهر عبارة عن سهم احمر في المراية

سنسور نوم " ودا سنسور باصص عليك طول الوقت ولازم تكون باصص قدامك ولو نمت يديك انذار يصحيك

سنسور خطوط الاشارة " ودا مخصص للسفر و فايدته لو انت مسافر بيمشي مع الخطوط المتقاطعة المرسومة على الارض وانت بقى تريح وتسيب العربية تسوق نفسها وفي حالة ان عربية قربت منك من قدام او ورا او الخط مبقاش واضح يديك انذار

سنسور للتكيف " ودا فايدته انه بيوزع الحرارة على حسب درجة حرارة الناس الي راكبة في العربية ويدي لكل واحد درجة الحرارة المناسبة وكمان لو الشمس ضاربة في حتة في العربية فالتكييف يركز في المكان دا

مرايات بتعتم اتوماتيك " ودا في حالة لو حد ضاربلك نور عالي او ضوء الشمس ركز على المراية تعتم لوحدها

مانع سرقة والعربية تبطل لوحدها لو اتسرقت وتبعتلك احداثياتها والمكان الي وقفت فيه

كراسي بالمساج " يعني وانت سايق الكرسي يهزهزك ويدلعك

كراسي بالدفاية " يعني الكرسي يدفيك

كراسي بالميموري " ودا لو اكتر من واحد بيسوق العربية فكل واحد يظبط القعدة الي تريحه على رقم ولما يركب كل الي عليه يسترجع وضع الكرسي الي ظبطه من نفس الزرار

معظم الحاجات تاتش جوة

كاوتشات غير قابلة للثقب

دا غير بقى الحاجات الي في عربيات كتير زي التلاجة و السخان والتابلت الي بتكتب او ترسم عليه من غير ما يتهز وانت ماشي والكراسي الي بتغير وضعها وكمبيوتر الاعطال الي بيوريك العطل فين او اي مشكلة تظهر

دا غير ان في امكانية زيادة في عربية ستروين بتقول انك وانت سايق وعايز تعرف سرعتك او اي معلومات من العدادات تظهرلك بالليزر على الازاز قدامك علشان متضيعش ثانية تبص فيها على العدادات لان في خطورة ممكن تحصل خلال الثانية دي لو انت ماشي على سرعة عالية

وحاجات تانية كتير مش فاكرها او مفهمتهاش

والحمد لله نزلت بصيت على عربيتي الفااارهة ال 128 وقولت بكل ثقة " السنسور في الراس مش في كراس "

وشكرا

[abokoko]

على فكره انا عندى فى ال لادا اوبشن مختلف
بتربي عضلات
طول ما انت سايق فانت بتعمل تمارين لعضل الايدين
وكمان تمارين للقدمين

[kimotop]

على فكره انا عندى فى ال لادا اوبشن مختلف
بتربي عضلات
طول ما انت سايق فانت بتعمل تمارين لعضل الايدين
وكمان تمارين للقدمين

هههههههههههههههههههههههههههههههههههههههههههههههههه هههههههههههههه
طب انا عندي ولاعة بقى

[abokoko]

ولاعة وكمان مشغل عليها ال mp3 بالريموت
شوفت الدلع
ههههههههههههههههههههههههههههههههههههههههه

الحمد لله الذى اعطانا ورزقنا اياها وربنا يحفظها لنا نعمة

[minicooper20]

كل ده طيب مينفعش تروح هى المشاوير

[Ahmed Nasser]

ينفع
لو عايز تجيب ولادك من المدرسة
هتنادى على العربية من البلكونة
وتقولها هتيلى العيال من المدرسة
هتقولك 5 دقائق وتكون العيال عندك

[shaddadfalcon1]

الليكزس سمعت عن موضوع الكراسي بالمييموري ده انها بتلقط وش الانسان اللي راكب وتعرف التفضيلات بتاعته وتظبط نفسها عليه

[yoko]

الليكزس سمعت عن موضوع الكراسي بالمييموري ده انها بتلقط وش الانسان اللي راكب وتعرف التفضيلات بتاعته وتظبط نفسها عليه

أنا جربتها بقى

[Mostafa.Mahran]

ايه كمية السناسر دى

والى سايق بيتعب فى ايه بقى و ايه المتعة فى القيادة اساسا من غير ما تبقى ماشى و تفرمل فرامل خطر على قطة ولا كلب ولا تكون بتجرى و مش واخد بالك و تلبس مطب يطيرك و قلبك يوجعك على العربية ولا تخش شارع ضيق و المراية تتخبط

[shaddadfalcon1]

ايه كمية السناسر دى

والى سايق بيتعب فى ايه بقى و ايه المتعة فى القيادة اساسا من غير ما تبقى ماشى و تفرمل فرامل خطر على قطة ولا كلب ولا تكون بتجرى و مش واخد بالك و تلبس مطب يطيرك و قلبك يوجعك على العربية ولا تخش شارع ضيق و المراية تتخبط

ماهو عشان كده عاملين ال Muscle Cars
عربيه كل اللي تعمله تدور وتمشي علي طول من غير اليكترونيكس كتيير
بس طبعا احنا ملناش دعوه باالكلام ده كله

[Elawany13]

ههههههههههه

ده ايه الدلع ده كله

مفيش سينسور حمام

على الطرق السريعه بلاقى ناس واقفه على جانبى الطريق بيعملوا بى بى

لو عملولهم سينسور حمام

هتبقى مفيده جدا للى بيسافر بالذات

ههههههههه

[kimotop]

كل ده طيب مينفعش تروح هى المشاوير

ههههههههههههههههههههههههههههههههههههههههههههههه
انت بتقول فيها
بيطوروا دلوقت قيادة ذاتية زي الي كانت بتيجي في افلام جيمس بوند

ينفع
لو عايز تجيب ولادك من المدرسة
هتنادى على العربية من البلكونة
وتقولها هتيلى العيال من المدرسة
هتقولك 5 دقائق وتكون العيال عندك

ههههههههههههههههههههههههههههههههههههههههههه

الليكزس سمعت عن موضوع الكراسي بالمييموري ده انها بتلقط وش الانسان اللي راكب وتعرف التفضيلات بتاعته وتظبط نفسها عليه

يا سلااااام ... ولسه

أنا جربتها بقى:ka_che1[1]:

طب احكلنا عن التجربة

ايه كمية السناسر دى

والى سايق بيتعب فى ايه بقى و ايه المتعة فى القيادة اساسا من غير ما تبقى ماشى و تفرمل فرامل خطر على قطة ولا كلب ولا تكون بتجرى و مش واخد بالك و تلبس مطب يطيرك و قلبك يوجعك على العربية ولا تخش شارع ضيق و المراية تتخبط

ههههههههههههههههههههههههههههههههههههههههههه

ماهو عشان كده عاملين ال muscle cars
عربيه كل اللي تعمله تدور وتمشي علي طول من غير اليكترونيكس كتيير
بس طبعا احنا ملناش دعوه باالكلام ده كله

احنا كل عربيتنا ماسل كارز

ههههههههههه

ده ايه الدلع ده كله

مفيش سينسور حمام

على الطرق السريعه بلاقى ناس واقفه على جانبى الطريق بيعملوا بى بى

لو عملولهم سينسور حمام

هتبقى مفيده جدا للى بيسافر بالذات

ههههههههه

ههههههههههههههههههههههههههههههههههههههههههههههههه
او بسين مثلا

[medo_msmsa]

على فكره انا عندى فى ال لادا اوبشن مختلف
بتربي عضلات
طول ما انت سايق فانت بتعمل تمارين لعضل الايدين
وكمان تمارين للقدمين

ههههه
بس كده في مشكلة ان كتر تمارين الايدين هتلاقي عضلات في ايدك بس وكمان هتفضل تكبر وتكبر وبعد كده يبقي مفيش تناسق!!!!!!
تخيل كده يبقي كل اللي عندهم لادا معروفين وهما ماشيين في الشارع ويشار إليهم بالبنان

[mido]

يا معلم كل الوبشنز دى راكبه فى التوفيقيه و دمشق هاهاهاها

[shaddadfalcon1]

طبعا غير شوية الدلع بتوع ميرسيدس زي الكاميرا اللي بتصور بالأشعه تحت الحمراء بالليل ولو شافت علامه بتاعة السرعه ولقتك معدي السرعه بتحدذرك ولو شافت انسان من بعيد بتظهره علي الشاه وتحذرك وممكن تظبطها تمشي ورا العربيه اللي قدامك وممكن تفرمل لوحدها لو قربت علي حاجه واالمسافه قربت قوي وانت معملتش حاجه بعد ماحذرتك