فيلوستر سودا vs اكس 6

[Chrispo]

السلام عليكم ورحمة الله وبركاته

طبعا قررنا نطلع اسكندرية نظرا للملل والقرف بتاع الشغل ونظرا الى انا طهقت من كل حاجة

المهم احنا قعدنا يومين بالظبط ولسه جايين النهرده بس حصل شداية حلوة اوى حبيت اجى اقولكو عليها
طبعا معايا الامورة بتاعتى x6 والحمد لله مخذلتنيش ولا مرة لحد دلوقتى يعنى وربنا يستر فيما بعد طبعا

كنا قاعدين عالكورنيش وقلنا نروح وكان معايا اتنين صحابى واحنا ماشيين لقيت فيلوستر سودا عمالة تحرق جنبى وتدى كلاكسات طبعا انا الازاز فيميه وشايف واحدة كده سايقة الفيلوستر دى انا قلت دى عبيطة ولا ايه

فتحت الازاز لقيتها راحت عاملة كلاكس زى 1 2 3 كده وراحت طايرة قلت مبدهاش بقى قلتلهم لمؤاخذه يا شباب واديلو كيك داون انا يدوب ثانييتين والحلوة بقت فضهرى وبتحرق جامد اوى وتيجى يمين اجى يمين شمال شمال مش عايز اعديها تانى خالص وكل ده وانا ماشى براحتى ومش حارق
وطبعا عندى فيميه والعربية كبيرة فمش باين اللى قدامى اوى وهووووووب جيت شمال مرة واحدة

.......

..
..
..

راحت الاخت لبست ف باسات حمرا واللبسة كانت على 60 تقريبا وانتهى المشهد ومعرفتش الصراحة الخساير بس شفتها نزلت فى المراية والراجل نزل ومعرفش ايه اللى بعد كده بس يا جماعة والله البنات بقت بتعوز تشد اهو وبيعرفو يحرقو ويجرو هههههههههه حبيت احكيلكو الموضوع وبس كده

[hko]

دي البت دي كانت حرقه دم نص شباب اسكندريه وملبسه ناس كتييييييير وكان معمولها موضوع هنا
انت اول واحد يعلم عليها:)

[Chrispo]

دي البت دي كانت حرقه دم نص شباب اسكندريه وملبسه ناس كتييييييير وكان معمولها موضوع هنا
انت اول واحد يعلم عليها:)

يا نهار ازرق نص شباب اسكندرية ليه يا عم ده اسكندرية فيها سواقين زى العسل والله وبعدين فين الموضوع بتاعها ده

[hko]

ده لينك الموضوع http://www.nilemotors.net/Nile/251121-a.html
من اول المشاركه التالته

[hko]

ممكن يجمعوا ويجيبوا ليك جايزه :))

[Chrispo]

ممكن يجمعوا ويجيبوا ليك جايزه :))

هههههههههه ده واضح انها كانت مشكلة فعلا بس يلا يوم ليك ويوم عليك والحمد لله رفعنا العلم ههههههه
انا عايز ببس يا رجالة

[WalidAdel]

دي البت دي كانت حرقه دم نص شباب اسكندريه وملبسه ناس كتييييييير وكان معمولها موضوع هنا
انت اول واحد يعلم عليها:)

كنت ليسه سامع عن الموضوع ده فعلا من حوالي اسبوع كده انه علي المنتدي
ياريت لو لينك الموضوع علشان دورت عليه كتير مش لاقيه
"فافعل يابن ادم ماشئت فكما تدين تدان"

[M.Alaa92]

دي البت دي كانت حرقه دم نص شباب اسكندريه وملبسه ناس كتييييييير وكان معمولها موضوع هنا
انت اول واحد يعلم عليها:)

احم .. احم فى واحد سبق ب نوبيرا كحلى ( عشان بس ميتقالش ان رجالة اليكس متعلم عليهم :) )

[Chrispo]

احم .. احم فى واحد سبق ب نوبيرا كحلى :oc_sun1[1]: ( عشان بس ميتقالش ان رجالة اليكس متعلم عليهم :) )

انا قلت والله رجالة اسكندرية جامدين وكل حاجة دنا مكنتش اعرف اصلا انها عاملة قلق والجو الكبير ده

[m7mda7md]

لا حول ولا قوه الا بالله..........معقول ده ممكن يحصل و ناس تشد مع بعضها و يلبسوا بعض ف عربيات ناس تاني !!!!!!!!!!!!!!!!!هو انا مش بلومك لأنها تقريبا تستاهل عشان لبست واحد قبل كده علي حسب ما سمعت و اهو جه الدور عليها...........تفتكروا بتاع الباسات ذنبه ايه؟.............ياريت صاحب الموضوع ميزعلش مني لأن ده مش قصدي و الله بس اول ما قريت الموضوع الصراحه استغربت علي شويه زعلت و قولت لازم اكتب رد و اشوف رأيكم ايه

[Chrispo]

لا حول ولا قوه الا بالله..........معقول ده ممكن يحصل و ناس تشد مع بعضها و يلبسوا بعض ف عربيات ناس تاني !!!!!!!!!!!!!!!!!هو انا مش بلومك لأنها تقريبا تستاهل عشان لبست واحد قبل كده علي حسب ما سمعت و اهو جه الدور عليها...........تفتكروا بتاع الباسات ذنبه ايه؟.............ياريت صاحب الموضوع ميزعلش مني لأن ده مش قصدي و الله بس اول ما قريت الموضوع الصراحه استغربت علي شويه زعلت و قولت لازم اكتب رد و اشوف رأيكم ايه

يا باشا هى مش حرب ولا حاجة وهو انا اصلا استغربتها لما عايزة تشد معايا بالسلحفة اللى ركباها دى قولت مبدهاش بقى
وبعدين طبعا اانا معاك ان ملوش ذنب صاحب الباسات بس نصيبو كده وبعدين هى اللى حمارة لبست في الراجل ليه هههههههههه

[ashouhdy]

والله قلت أخرتها وحشة ...

[Chrispo]

والله قلت أخرتها وحشة ...

والله الواحد لو كان قرى الموضوع بتاعها ده قبل ما يسافر كان ساعتها هيبقى هاين عليا انزلها البحر تعيش مع السمك شوية هههههههههههههه يلا نصيبها

[ashouhdy]

ههههههههههه صباح الصدف ... بس هى لاجئة شد ع الكورنيش بعربيتها يالا اديها اتعلمت ان الشد ملوش كبير !

[minicooper20]

باشا انتا عربيتك x6 بيضاء و ساكن فى مادينه نصر و العربيه نمر ليبيا و كاتب على الشنطه freedom lybia