إعـــــــلان

Collapse

.

,
See more
See less

ليه البنات معندهمش زوق ؟؟

Collapse
X
 
  • Filter
  • الوقت
  • Show
Clear All
new posts

  • ليه البنات معندهمش زوق ؟؟

    العنوان هيزعل ناس كتير قوي خصوصا البنات اللي معانا هنا وده للاسف لان دمي محروق اصلا
    طبعا اغلبنا بيتعرض لمواقف كتير بسببهم يعني مثلا واقف في صف والصف التاني ماشي اقوم مدي اشارة علشان ادخل الصف التاني وتكون واحدة جاية القيها كبست وقعدت تزمر جامد زي مايكون هخطف حد من عيالها مثلا .. نفس الكلام لو طالع من شارع بردو متخلنيش اعدي قبلها (وده ممكن تكون نفسنا على اللي قدامها) طبعا الاغلب كدة بس مش كله وفي بنات كتير بجد زوق جدا في السواقة

    هحكي الحوار وياريت تحكمو :
    امبارح الساعة 10 الصبح على كوبري اكتوبر بجري عادي جدا وطبعا عارفين الكوبري يعتبر حارتين
    وكان فيه قدامي عربية فيات برافو بيجري وياخد غرز
    كنت ماشي على اليمين وقدامي عربية لاند كروزر مركب ديفندرات (اتوبيس خاص) وعلى شمالي ماتريكس سودا سيقاها بنت كانت بردو ماشية على مهلها بس اسرع من اللاند كروزر
    طبعا بتاع البرافو خد الغرزة بينهم عادي جدا انا بقى قولت اديها اشارة ذوقيا مني لانها كانت بعيدة شوية
    لسة بدي الاشارة واتنقل للحارة التانية لقيتها بتألب نور وتزمر وداست كيك داون وقفلت عليا الغرزة وانا ببص قدامي اتفجأت ان العربية التانية بتقرب مني روحت من الموقف طبعا كابس فرامل جامد علشان ملبسش في اللاند كروزر لاني لو كنت لبست على السرعة دي كنت ه ..... (فهمين طبعا)
    اول مالهانم عدت من جنبي وانا دايس الفرامل وطبعا العربية زحفت مني (مش abs على فكرة) وهوب سبت الفرامل واتنقلت للحارة التانية علطول علشان مخبطش في اللي قدامي (تخيلو الموقف)

    طبعا انا خسرت في الموضوع ده ان اعصابي وقعت وكمان فردتين الكاوتش اللي قدام اتاكل منهم حتة كبيرة وملحوظة في المداس
    وفي لحظة افتكرت الموضوع هنا في المنتدى ان في عضو لبس بنت كان معاها فيلوستر (وفعلا الراجل كان عنده حق يعمل كدة)
    قولت اجري اجيبها والبسها في اي حاجة علشان تتعلم الزوق والادب في السواقة بس رجعت في كلامي وقولت حرام (هيا تستاهل الحرق بس انا مش هعمل زيها)

    قولولي رايكو لو سمحتو
    eng f3lix سابقا

  • #2
    والله انا معاك ومش عارف هل ده راجع لضعفهم فى السواقه ولا غرور ولا جهل بتعليمات المرور واللى يغيظك تحترمها وتديها سكه تبصلك من فوق لتحت كان الملكه معديه والراعيه لازم تستنى وتمشى فى طريقك وكان من شايفها تدخل عليك بغشميه ولا اجدع سواق توكتوك ولا ميكروباص
    ربنا يهدي والكل يعرف اننا ماشين وروحنا متعلقه على شويه هوا يعنى الدنيا مش مستاهله

    Comment


    • #3
      هى فعلا حاجه ملحوظه عامله زى الميكروباصات

      Comment


      • #4
        كنت لسه بكلم واحد صاحبى اميارح فالموضوع ده بس للحق مش كل البنات بتعمل كدا وبرده فى شباب بيغلسوا عليهم ممكن يكون دا اللى بيخليهم يتعاملوا كدا مع اى حد بقى وربنا يهدينا جميعا
        "ولا تحسبن الله غافلا عما يعمل الظالمون "

        Comment


        • #5
          حسيت كنت هموت والله وكل حاجة حصلت في لحظة بس الحمد لله ان ربنا الهمني اني اسيب الفرامل
          الحمد لله ربنا سترها
          ربنا يسترها علينا جميعا
          eng f3lix سابقا

          Comment


          • #6
            بص انا معاك وانا بصراحه من الناس اللى مش بقتنع بسواقه البنات بصفه عامه عدا القليل اوى منهم بس برضو الموقف ده ممكن يكون فيه نسبه قليله انها اتصرفت بحسن نيه,يعنى هى ماشيه على الشمال وقررت تزود سرعتها فى نفس اللحظه اللى انت قررت فيها تطلع قدامها وفى الحاله دى اعتقد من وجهه نظرى المتواضعه انها مش هتكون غلطانه اوى

            وفى النهايه احب اقول بجد ربنا يصبرنا على اللى بنشوفه من سواقه معظم الستات فى شوارعنا
            تقبل تحياتى
            George
            [CENTER]فى كل صباح تذكر ان الرب الهك يحبك ويحرسك ويدبر كل امورك,فقط قل لتكن مشيئتك[/CENTER]

            Comment


            • #7
              المشاركة الأصلية كتبت بواسطة gmakram مشاهدة المشاركة
              بص انا معاك وانا بصراحه من الناس اللى مش بقتنع بسواقه البنات بصفه عامه عدا القليل اوى منهم بس برضو الموقف ده ممكن يكون فيه نسبه قليله انها اتصرفت بحسن نيه,يعنى هى ماشيه على الشمال وقررت تزود سرعتها فى نفس اللحظه اللى انت قررت فيها تطلع قدامها وفى الحاله دى اعتقد من وجهه نظرى المتواضعه انها مش هتكون غلطانه اوى

              وفى النهايه احب اقول بجد ربنا يصبرنا على اللى بنشوفه من سواقه معظم الستات فى شوارعنا
              تقبل تحياتى
              معاك في اللي انت بتقوله
              بس ليه متقولش انها عاملة كدة قصد علشان مجيش قدامها (نفسنا بقى)
              اللي خلاني اقول كدة هو مواقف الستات في السواقة وعدم الزوق
              eng f3lix سابقا

              Comment


              • #8
                اللي بتقوله شفته من ناس كتير جدا
                الواحد من دول اول ما بيشوف الاشارة بيركبه ميت عفريت , و بعد ما تدي الاشارة بثانية او اتنين بالكتير بتسمع صوت الكيك داون
                معلش , و حاول لما تاخد غرزة قدام حد يبقى بعيد على قد ما تقدر, او انك تاخدها بالبطيء , و لو تقدر تدي الاشارة و بعدها على طول تقفل عليه حاجة بسيطة بحيث يعرف انك خلاص دخلت فما يكبسش
                ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                [sor2]http://imageshack.us/a/img838/2058/8l0n.jpg[/sor2]

                Comment


                • #9
                  الحقيقة انعدام الذوق في شوارع العاصمة صفة أساسية وليست محددة بجنس (بنات مثلا) أو بفئة (سواقين النقل). بس المشكلة لو راجل هاتعرف تتعامل معه لكن الست دي الواحد هايعمل معاها ايه
                  لا حول ولا قوة إلا بالله..متى سيموت الإهمال في مصر

                  Comment


                  • #10
                    انا تقريبا فيه حاجة فاتتنى فى الحكاية او مش فاهماها هو ايه الضرورة اللى خلتك عايز تغير حارتك ؟ لان انا معلوماتى ان المفروض ماتعطلش اللى فى الحارة الاخرى لكونك عايز تغير الحارة لكن فى مصر احنا بنعملها ذوقيا لو انت عايز تغير الحارة بتبقى حسب مزاج اللى وراك موافق او مش موافق وده بغض النظر عن كون السائق رجل او سيدة
                    تقبل مرورى
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة dolly13 مشاهدة المشاركة
                      انا تقريبا فيه حاجة فاتتنى فى الحكاية او مش فاهماها هو ايه الضرورة اللى خلتك عايز تغير حارتك ؟ لان انا معلوماتى ان المفروض ماتعطلش اللى فى الحارة الاخرى لكونك عايز تغير الحارة لكن فى مصر احنا بنعملها ذوقيا لو انت عايز تغير الحارة بتبقى حسب مزاج اللى وراك موافق او مش موافق وده بغض النظر عن كون السائق رجل او سيدة
                      تقبل مرورى
                      اللي خلاني اعمل كدة هو ان قدامي عربية ماشية بطيئ وانا جاي سريع وهو كان ماشي تقريبا 40
                      اول ماشفتني اديت الاشارة حصل اللي حصل في ثواني واتفاجأت ان كان فيه عربية اصلا قدامي ماشية بطيئ
                      هو المفورض المتبع في اي بلد محترمة ان لو حد ادى اشارة الكل بيوسعله حتة لو جاي سريع بس في مصر طبعا ده يعتبر (اغتصاب للحقوق) لان ازاي اخد حاجة مش بتاعتي (اللي هيا الحارة طبعا)
                      وده راجع للتربية العامة اولا وللذوق وانعدام الذوق ثانيا
                      وشرفتي حضرتك الموضوع طبعا انا مقولتش ان كله البنات بتعمل كدة
                      eng f3lix سابقا

                      Comment


                      • #12
                        البنات بتحس انها مضطهده فى الشوارع من كل الرجاله و ان الناس كلها حطاهم فى دماغها فعشان كده بتتعامل بقله ذوق
                        When i burn speed shifts to reach the top speed, at this second, i don't care about anything, and i am free as a bird

                        Comment


                        • #13
                          يا استاذى العزيز .. هتكلم عن نفسى ف حالة الهدوء .. وحالة الجري
                          " الحالة الاولي .. حالة الهدوء والروقان . "

                          انا لما بكون ماشى هادي ومليش مزاج للجري " حتى لو اللى جمبي هيموت من البطئ "
                          بدي اشارات احتراماَ والاحظ رد فعل اللى ورايا لو شفتة بعيد اعدي
                          اما لو قريب منى وبدء يدي نور وكلاكسات وهيصة وكيك داون يشبع بيها يتفضل
                          اية المشكلة يعنى هنتظر ثانية زيادة ؟ اتنين ؟ عشرة ؟ .. محنا ليل نهار واقفين ف الزحمة وف الاشارات
                          اعتبر نفسى كأنى واقف ف اشارة . منا كدة كدة هقف وهتعطل بعد شوية سيبة يعدي ويفرح بنفسة وبعربيتة شوية

                          الحالة التانية لما الجنونة بتشتغل وابقى بجري .. اولا ببص ف المرايات .. حتى لو اللى جمبي قريب منى
                          وانا عارف ومتأكد انى لما احرق غيار هعدي .. بحرق واخلص لا اشارة ولا غيرة عمل بقا هيصة كلاكسات
                          هو شاف نص عربيتى دخلت ف الحارة بتاعتة عايـز يلبس ويدخل فيا اهلا وسهلا ويا مرحب . :)
                          انا بتكلم عن نفسى فقط .. لو عايز احرق بحرق ومليش دعوة بحد طالما واثق ف نفسى يمين ف شمال ف يمين خلاص
                          بقيت قدام 3 اربع عربيات وانتهت القصة .. ولازم يكون فية سبب .. بص .. عايز تحرق وتعدي وواثق ف نفسك .. لو حط نص رفرفة قدامك ومش خايف علية يتفضل .. هتعرف انت تفادية وباردو تكمل باقى الغرزة فادية وتجاهلة وكمل

                          يأما تمشى هادي وتعدية زى الحالة الاولي .. مجتش على كام ثانية اللى هتخدها العربية اللى وراك واللى وراها كمان
                          منت هتقف ف الاخر طالما مفيش سبب مجدي من حرق الغيارات والغرز .
                          اهم مواضيعى عن الريجاتا : بداخل عضويتى
                          عدنا بكل قوة للرابطة .. م / Hussein
                          مبرمج ومالك لشركة برمجيات وتصميم مواقع الانترنت

                          Comment


                          • #14
                            المشاركة الأصلية كتبت بواسطة dolly13 مشاهدة المشاركة
                            انا تقريبا فيه حاجة فاتتنى فى الحكاية او مش فاهماها هو ايه الضرورة اللى خلتك عايز تغير حارتك ؟ لان انا معلوماتى ان المفروض ماتعطلش اللى فى الحارة الاخرى لكونك عايز تغير الحارة لكن فى مصر احنا بنعملها ذوقيا لو انت عايز تغير الحارة بتبقى حسب مزاج اللى وراك موافق او مش موافق وده بغض النظر عن كون السائق رجل او سيدة
                            تقبل مرورى
                            البنت مش غلطانه في حاجه هيه ماشيه في حارتها طبيعي جدا انت بقى عايز تاخد غرزة من ادامها يبقى تديها اشارة و تستنى لغايه لما تأذنلك تعدي و لو مسمحتلكش تعدي يبقى تخليك في حارتك و اللي فهمته انها قلبت نور و زمرت يعني مسمحتلكش تعدي انت بقى مشكلتك انك ماشي بسرعه في حارة المفروض سرعتها قليله و كنت هاتلبس في اللي قدام دي غلطتك انت
                            [CENTER][SIGPIC][/SIGPIC][/CENTER]

                            Comment


                            • #15
                              انا امبارح واخد يو تيرن ف ساعة الا ربع .. تخيلو ؟ حتة يو تيرن ملوش لازمة
                              وانا راجع بالليل من نفس المكان اخدت نفس اليو تيرن ف ثوانى :) ازاي بقا ؟
                              ... اخدت اليو تيرن ع الواسع صف تالت تقريبا وع الغيار التانى وحارق
                              والله ما شلت رجلي من ع البنزين .. اللى مش خايف على نفسة يتفضل قدامى
                              فاديت عربية داخل الملف بغرزة وهوب بقيت ف الاتجاة التانى خلال ثانيتين تقريباَ .. وباردو كان فية سبب لذلك
                              لا بصيت لكلاكسات ولا نور ولا القصص دي وشايف قدامى الطريق سالك وسرعتى هتمكنى من عدم مضايقة حد قبل ما يفكر اصلا
                              يكسر الدركسيون بتاعة ويبدء لف .. كنت انا على كوبري ثروت
                              حتحرق وتعدي عدي ... يأما قلقان متعديش .. مش مستعجل ومش وراك حاجة مهمة خلي الشعب كلة يعدي منك
                              ما الدنيا كلها زحمة
                              اهم مواضيعى عن الريجاتا : بداخل عضويتى
                              عدنا بكل قوة للرابطة .. م / Hussein
                              مبرمج ومالك لشركة برمجيات وتصميم مواقع الانترنت

                              Comment

                              Working...
                              X