أكثر السيارات مبيعا فى مصر منذ يناير حتى سبتمبر 2011

[abou_ruqi]

بلد عجيبة فعلا
مفيش بلد في العالم اي عربية كوري تنزل تاخد مكان بين العشرة الاوائل
مفيش بلد في العالم الياباني مش من ضمن العشرة الاوائل
مفيش بلد في العالم اول تلاتين مفيهومش مرسيدس وبي ام وهوندا ونيسان اللي هو نيسان بجد
مفيش بلد في العالم تويوتا مش في اول تلاتة
مفيش بلد في العالم الباسات فيها بتتباع احسن من البي ام
اللي جاية دي واقع مش عاوز حد يزعل منه
مفيش بلد في العالم الفيرنا واللانوس بيتباعوا فيه

سوق من اعجب ما يمكن

[تامر.محمد]

السيراتو باعت اقل من الكارينز و اللوجان و الاوبترا و الالنترا القديمة ازاي ؟ ؟!!!!!

[mody3on]

مفيش بلد في العالم الفيرنا واللانوس بيتباعوا فيه

سوق من اعجب ما يمكن

احم
الفيرنا بتتباع في الهند واندونيسيا وروسيا حتى الان
بالنسبة للانوس
بتتباع في اوكرانيا حتى الان
اما بالنسبة للسيراتو المبيعات دي في فترة معينة مش من ساعة ما السيراتو نزلت ووارد انها تكون مباعتش كتير الشهر ده

[devil_storm]

حاجة غريبة فعلا!!! حاسس ان فى حاجة مش مضبوطة!!! الالنترا بدءت مبيعات فى شهر 7 - 2011!!! يعنى كدة الالنترا فى 3 شهور فقط باعت اكتر من اللى باعتة السيراتو و الصنى و الاوبترا فى 9 شهور!!!
هى العربية نجحت جامد و انتشرت فى الشارع فى زمن قياسى زى السيراتو اول ما نزلت, بس مش لدرجة انها تعمل مبيعات فى 3 شهور اكتر من مبيعات السيراتو فى 9 شهور.
بصراحة صعب اصدق الكلاد دة.

[Hosam_Optrawy]

بلد عجيبة فعلا
مفيش بلد في العالم اي عربية كوري تنزل تاخد مكان بين العشرة الاوائل
مفيش بلد في العالم الياباني مش من ضمن العشرة الاوائل
مفيش بلد في العالم اول تلاتين مفيهومش مرسيدس وبي ام وهوندا ونيسان اللي هو نيسان بجد
مفيش بلد في العالم تويوتا مش في اول تلاتة
مفيش بلد في العالم الباسات فيها بتتباع احسن من البي ام
اللي جاية دي واقع مش عاوز حد يزعل منه
مفيش بلد في العالم الفيرنا واللانوس بيتباعوا فيه

سوق من اعجب ما يمكن

اول نقطه بخصوص العربيات الكورى والعشره الاوائل

دى اكتر 10 عربيات سيدان مبيعا السنه دى فى امريكا بالترتيب

تويوتا كامرى - نيسان التيما - فورد فيوجن - شيفروليه كروز - تويوتا كورولا - هوندا أكورد - هيونداى سوناتا - شيفروليه ماليبو - هوندا سيفيك - هيونداى النترا

اكثر 10 عربيات سيدان مبيعا السنه دى فى كندا بالترتيب

هوندا سيفيك - هيونداى النترا - مازدا 3 - شيفروليه كروز - تويوتا كورولا - فولكسفاجن جيتا - فورد فوكس - هيونداى اكسنت - فورد فيوجن - هيونداى سوناتا

وهاتلاقى الافيو فى اول 10 فى الارجسنتين والمكسيك

وفى كولومبيا الافيو والسبارك اول اتنين

نيجى لاوروبا دى اكثر 10 عربيات مبيعا فى تركيا

رينو سيمبول - فيات لينيا - رينو فلوونس - اوبل استرا - فورد فييستا - هيونداى اكسنت - تويوتا كورولا - فولكسفاجن جيتا - فولكسفاجن بولو - فورد فوكس

اكثر 10 عربيات مبيعا فى التشيك

سكودا اوكتافيا - سكودا فابيا - فورد فوكس - سكودا سوبيرب - فولكسفاجن جولف - سكودا يتى - كيا سييد - هيونداى i30 - رينو ميجان - فورد فيوجن

فى اسيا فى الهند فى 3 موديلات هيونداى فى اول 10 والصين فى موديلين

ولو دورت فى بقية البلاد اكيد هاتلاقى كورى فى اول 10 ماعدا اوروبا طبعا مفيهاش ولا يابانى حتى

النقطه التانيه اليابانى والعشره الاوائل

اوروبا بشكل عام بكل دولها مفيهاش يابانى فى اول 10 كلهم فولكس وفورد واوبل ورينو وبيجو

ولو مسكنا البلاد الكبيره زى المانيا مثلا مفيش غير اوروبى لحد المركز 24 هاتلاقى الهيونداى i30 وفى 26 نيسان قاشقاى

فى انجلترا فيها النيسان قاشقاى فى المركز التاسع عشان بتتقفل هناك

ايطاليا وفرنسا مفيش يابانى فى اول 10

باقى النقاط اظن النقطتين دول ردوا عليهم

فى بلاد مفيهاش تويوتا فى اول تلاته

ومعظم البلاد ان مكنش كلها الفولكس اكتر من بى ام حتى فى بلدها فى المانيا اكتر عربيات هما الجيتا والجولف والباسات والبولو وبعدهم الاوبل كورسا والاسترا والمرسيدس سى كلاس والفورد فوكس وبعدهم البى ام الفئه الخامسه

[Ahmed Nasser]

بجد انت زى العسل

[ahmedbasto]

متابع

[abou_ruqi]

اول نقطه بخصوص العربيات الكورى والعشره الاوائل

دى اكتر 10 عربيات سيدان مبيعا السنه دى فى امريكا بالترتيب

تويوتا كامرى - نيسان التيما - فورد فيوجن - شيفروليه كروز - تويوتا كورولا - هوندا أكورد - هيونداى سوناتا - شيفروليه ماليبو - هوندا سيفيك - هيونداى النترا

اكثر 10 عربيات سيدان مبيعا السنه دى فى كندا بالترتيب

هوندا سيفيك - هيونداى النترا - مازدا 3 - شيفروليه كروز - تويوتا كورولا - فولكسفاجن جيتا - فورد فوكس - هيونداى اكسنت - فورد فيوجن - هيونداى سوناتا

وهاتلاقى الافيو فى اول 10 فى الارجسنتين والمكسيك

وفى كولومبيا الافيو والسبارك اول اتنين

نيجى لاوروبا دى اكثر 10 عربيات مبيعا فى تركيا

رينو سيمبول - فيات لينيا - رينو فلوونس - اوبل استرا - فورد فييستا - هيونداى اكسنت - تويوتا كورولا - فولكسفاجن جيتا - فولكسفاجن بولو - فورد فوكس

اكثر 10 عربيات مبيعا فى التشيك

سكودا اوكتافيا - سكودا فابيا - فورد فوكس - سكودا سوبيرب - فولكسفاجن جولف - سكودا يتى - كيا سييد - هيونداى i30 - رينو ميجان - فورد فيوجن

فى اسيا فى الهند فى 3 موديلات هيونداى فى اول 10 والصين فى موديلين

ولو دورت فى بقية البلاد اكيد هاتلاقى كورى فى اول 10 ماعدا اوروبا طبعا مفيهاش ولا يابانى حتى

النقطه التانيه اليابانى والعشره الاوائل

اوروبا بشكل عام بكل دولها مفيهاش يابانى فى اول 10 كلهم فولكس وفورد واوبل ورينو وبيجو

ولو مسكنا البلاد الكبيره زى المانيا مثلا مفيش غير اوروبى لحد المركز 24 هاتلاقى الهيونداى i30 وفى 26 نيسان قاشقاى

فى انجلترا فيها النيسان قاشقاى فى المركز التاسع عشان بتتقفل هناك

ايطاليا وفرنسا مفيش يابانى فى اول 10

باقى النقاط اظن النقطتين دول ردوا عليهم

فى بلاد مفيهاش تويوتا فى اول تلاته

ومعظم البلاد ان مكنش كلها الفولكس اكتر من بى ام حتى فى بلدها فى المانيا اكتر عربيات هما الجيتا والجولف والباسات والبولو وبعدهم الاوبل كورسا والاسترا والمرسيدس سى كلاس والفورد فوكس وبعدهم البى ام الفئه الخامسه

بخصوص الكوري انت فهمتني غلط ورديت عليا غلط
انا عارف ان هيونداي الاكثر مبيعا في العالم
اقرا انا كاتب ايه ، انا كاتب اي كوري
في مصر لو كوريا بعتت كارته حتلاقيها منتشرة والاكثر مبيعا

[Hosam_Optrawy]

بخصوص الكوري انت فهمتني غلط ورديت عليا غلط
انا عارف ان هيونداي الاكثر مبيعا في العالم
اقرا انا كاتب ايه ، انا كاتب اي كوري
في مصر لو كوريا بعتت كارته حتلاقيها منتشرة والاكثر مبيعا

ولو انى برضه لسه مش فاهم لكن نورت الموضوع يابورقيه وياريت لو تشرح لى تانى معلش :)

[abou_ruqi]

ولو انى برضه لسه مش فاهم لكن نورت الموضوع يابورقيه وياريت لو تشرح لى تانى معلش :)

الكوري اللي منتشر في العالم حتلاقيه تلت او اربع بالكتير خمس عربيات
انما بص قائمة الكوري اللي في مصر ، حتلاقيها طويلة قوي وكلها ما شاء الله الاكثر مبيعا

بص انا سافرت كتير ,زرت اكثر من عشر دول حوالين العالم ، استطيع ان اقولك ان اكتر لوجو منتشر في اي دولة زرتها هو لوجو تويوتا
تويوتا هي سيارة كوكب الارض رقم واحد برؤية العين بعيد عن اي احصاءات ، ما عدا مصر حتلاقي اللانوس انتشارها اكبر
علشان كده بقولك احنا بلد السوق فيها عجيب قوي ، نحن نختلف عن الاخرون

[graffittiii]

مشكور علي الإحصائية...
نتائج متوقعة ف أغلبها ومن قلب الشارع بمجرد النظر .. بصرف النظر عن تقييم السيارة لكن النتائج فعلية ...(( السيراتو فقط نتائجها مختلفة عن الشارع فهي مرشحة للمراكز ال 3 الأولي ))
لكن يمكن عشان الإحصائية من يناير وأرتفاع أعداد المسروق منها ...

[mody3on]

الكوري اللي منتشر في العالم حتلاقيه تلت او اربع بالكتير خمس عربيات
انما بص قائمة الكوري اللي في مصر ، حتلاقيها طويلة قوي وكلها ما شاء الله الاكثر مبيعا

بص انا سافرت كتير ,زرت اكثر من عشر دول حوالين العالم ، استطيع ان اقولك ان اكتر لوجو منتشر في اي دولة زرتها هو لوجو تويوتا
تويوتا هي سيارة كوكب الارض رقم واحد برؤية العين بعيد عن اي احصاءات ، ما عدا مصر حتلاقي اللانوس انتشارها اكبر
علشان كده بقولك احنا بلد السوق فيها عجيب قوي ، نحن نختلف عن الاخرون

سيارة كوكب الارض عامة .. لكن لو هتيجي على كل بلد هتلاقي السوق مختلف
يعني في المانيا الالماني مكتسح .. وفي فرنسا الفرنسي مكتسح
وبالنسبة لمصر سعر التويوتا المبالغ فيه اللي يخلي الياريس اللي بره بتنافس الافيو والاكسنت يبقى سعرها 130 الف
متلومش عالناس لو عالوكيل نفسه
وده ميمنعش اننا فعلا سوقنا غريب جدا
واكيد الياباني احسن من الكوري .. بس النظرية دي مخلية الياباني غالي جدا وبالتالي الناس بتتجه للكوري

[ACC.Eslam Arif]

طبعا لو حطينا الصرصار ابو 3 عجلات هيمسح بيهم الارض :d

[إبراهيم المصرى]

الفيرنا واللانوس علشان التاكسى باعو كتير