من فضلك ماتنساش الحزام. . . فيديو مؤثر جدا

[HRH_Sameh]

الحمد لله من أول مرة اتعلمت السواقة وبقت حاجة تلقائية عندي قبل ماتحرك لازم اشد حزام الأمان . . . بره البلد او جوة حتى لو مسافة 200 م . . . لدرجة اني لو نسيت مرة بحس ان حاجة ناقصاني او حاجة كانت مغطياني مش موجودة!

الفديو ده كان بييجي على قناة Gear One وأثّر في جدا لازم تشوفوه

ودايما ماتكسّلش وتقول مش هيحصل حاجة وربنا يستر
المرة لا قدر الله اللي بتحصل فيها الحادثة محدش عارف عواقبها
وطبعا عارفين ان الـ Air Bag في حالة عدم شد الحزام بتبقى مؤذية!

عشان خاطري ماتنساش تشد الحزام
وربنا يحفظكم جميعا

اتفرجوا عليه وعلّو الصوت :

Embrace Life - always wear your seat belt - YouTube

معلومات أكتر عن حزام الأمان:
Seat belt - Wikipedia, the free encyclopedia

وشرح تاني:
HowStuffWorks "How Seatbelts Work"

[EngAhmedSayed]

موضوع يعتبر مهم جدااااااا
بالنسبة لسائق والمرفق لية
لانى الحزام دة بيعتبر حماية الانسان داخل العربية
بمعنى لقدرالله فى حالة التصادم بيعتبر الحزام هوالحاجزالاول لجسم الانسان ضد الاصطدام فى التابلوه
وفى حالة انقالاب السيارة بيحمى الانسان انى هو ميخرجش برة العربية وميقعدش يخبط فيها من جوة
حزام الامان لاغنى عنه انا عندى شرط اساسى على طريق السفر او الدائرى اواى طريق هاى واى
لازم قلى قاعد جانب منى يربط الحزام و لو مش هيربط بقالو اقعد ورا





موضوع مهم شكرا على طرح الموضوع
كل سنةوانتم طيبين
وعيد سعيد
وربنا يستر
م / احمد سيد

[HRH_Sameh]

موضوع يعتبر مهم جدااااااا
بالنسبة لسائق والمرفق لية
لانى الحزام دة بيعتبر حماية الانسان داخل العربية
بمعنى لقدرالله فى حالة التصادم بيعتبر الحزام هوالحاجزالاول لجسم الانسان ضد الاصطدام فى التابلوه
وفى حالة انقالاب السيارة بيحمى الانسان انى هو ميخرجش برة العربية وميقعدش يخبط فيها من جوة
حزام الامان لاغنى عنه انا عندى شرط اساسى على طريق السفر او الدائرى اواى طريق هاى واى
لازم قلى قاعد جانب منى يربط الحزام و لو مش هيربط بقالو اقعد ورا





موضوع مهم شكرا على طرح الموضوع
كل سنةوانتم طيبين
وعيد سعيد
وربنا يستر
م / احمد سيد

عفوا يا باشمهندس وانت طيب
نفسي امشي في الشارع في يوم الاقي كل اللي راكبين عربيات شادين الحزام
تخيل هتنقذ ارواح اد ايه؟ هتقلل اصابة من خطيرة لبسيطة بإذن الله؟

[Amr Axel]

شكرا ع تحذيرك و فعلا الحزام شئ اساسي مينفعش نتحرك من غيره
و بصراحة انقذني اكتر من مرة لولا ستر ربنا و الحزام كان زماني طاير من الازاز
لكن المرة اللي محطتوش و انا قاعد جنب اللي سايق انتهت باني طيرت في قايم الباب و الازاز
اتمني من الجميع وضع حزام الامان من اول ما نطلع مش لازم يكون فيه لجنة او عقوبة كبييرة عشان نحط الحزام

و بالتوفيق للجميع ان شاء الله

[HRH_Sameh]

شكرا ع تحذيرك و فعلا الحزام شئ اساسي مينفعش نتحرك من غيره
و بصراحة انقذني اكتر من مرة لولا ستر ربنا و الحزام كان زماني طاير من الازاز
لكن المرة اللي محطتوش و انا قاعد جنب اللي سايق انتهت باني طيرت في قايم الباب و الازاز
اتمني من الجميع وضع حزام الامان مش لازم يكون فيه لجنة او عقوبة كبييرة عشان نحط الحزام

و بالتوفيق للجميع ان شاء الله

حمد اله على سلامتك
وفعلا الموضوع لازم يبقى عن قناعة داخلية بفايدته العظيمة
مش خوفا من لجنة خصوصا ان مفيش اليومين دول لجان

[Amr Axel]

حمد اله على سلامتك
وفعلا الموضوع لازم يبقى عن قناعة داخلية بفايدته العظيمة
مش خوفا من لجنة خصوصا ان مفيش اليومين دول لجان

ههههههههه طبعا و اللي يتلسع من الشوربة ينفخ في الزبادي و في التلج كمان ههههههههههه
و كل سنة و انت طيب

[gebreel]

انا الحمد لله عامل زيك كدة و مبعرفش اقعد في اي عربية سواء قدام او ورا سايق او راكب من غير ماربط الحزام

[HRH_Sameh]

ههههههههه طبعا و اللي يتلسع من الشوربة ينفخ في الزبادي و في التلج كمان ههههههههههه
و كل سنة و انت طيب

وانت طيب ياباشا

انا الحمد لله عامل زيك كدة و مبعرفش اقعد في اي عربية سواء قدام او ورا سايق او راكب من غير ماربط الحزام

دي عادة جميلة يارب كل الناس تبقى كده

[drmsadek1979]

فيديو ممتاز جدا

[SYD]

شكرا جدا لصاحب الموضوع
انا شخصيا بربط الحزام في كل مرة بسوق العربية مش مهم طريق سريع او فيصل
ولما بركب جمب حد لازم اربط الحزام

والله المستعان
،
،

[devil_storm]

الفيديو دة شوفته مرتين قبل كدة, فيديو رائع فعلا و فى فكرة

[minicooper20]

الاول كنت بربطة لان كان فيه زماره رزله بتجبرنى عليه دلوقتى بقا عاده

[Ralliart]

انا زيك كدة بحس ان في حاجة مش طبيعية لو مش رابط الحزام
بس انا فشلت في اقناع اللي راكبين معايا في ربطه مع ان عندي ايرباج جنب السواق وعارف خطورته لو مش رابط الحزام ولما اقولهم يقولك الملافظ سعد!

احنا الشعب الوحيد اللي بيخاف من الكمين اكتر مما بيخاف على حياته

[mahmoud_anwar]

انا رائي عكسك انا شايف ان حزام الامان من اخطر ما يمكن عند حدوث الحوادث يعني انا عملت مرة حدث ومكنتش لبس فيه حزام الامان وسبحان الله لو كنت لبس الحزام كان زمان الناس كلها هتبقا بتقطع فيه علشان يطلع لي ان العربية لفت بيا ودخلت بي جمبها في عمود في العربية عاملت زي صفحية السلمون
ومرة تانية كنت راجع من المعهد وترعة المريويطية عيل وقع فيها بي ميتسوبيشي لانسر وواحد ابن حلال سواق نص نقل ركن ولفن نفسة بي سلبه وربطها في العربية النص نقل ونزل وراه وجابة ومكنش لبس حزام الامان
بس هو كل واحد ليه قدرة مش هيقدر يأمن نفسة من القدر اينما تكونة يدرككم الموت
انا بلبس حزام الامان في الشتا بس علشان بحس انه بيدفي وانا اي حاجة في الشتا بحب ازود بيها علي جسمي يمكن تدفي هههههههههههههههههههههههه

[HRH_Sameh]

فيديو ممتاز جدا

الفيديو دة شوفته مرتين قبل كدة, فيديو رائع فعلا و فى فكرة

دي حقيقة

شكرا جدا لصاحب الموضوع
انا شخصيا بربط الحزام في كل مرة بسوق العربية مش مهم طريق سريع او فيصل
ولما بركب جمب حد لازم اربط الحزام

والله المستعان
،
،

أجمل عادة ياريت تعلّمها لكل اللي يركب معاك او تركب معاه

الاول كنت بربطة لان كان فيه زماره رزله بتجبرنى عليه دلوقتى بقا عاده

يبقى لازم نشكر الزنان

انا زيك كدة بحس ان في حاجة مش طبيعية لو مش رابط الحزام
بس انا فشلت في اقناع اللي راكبين معايا في ربطه مع ان عندي ايرباج جنب السواق وعارف خطورته لو مش رابط الحزام ولما اقولهم يقولك الملافظ سعد!

احنا الشعب الوحيد اللي بيخاف من الكمين اكتر مما بيخاف على حياته

للأسف لعدم الوعي، لا التعليم ولا الاعلام بيعلمك وطبعا اجدع ناس تفتي ده حتى الرخصة بنطلّعها كده بدون معرفة او اختبارات او . . .
يالا اهو الدور كبير على اللي عارف ويحاول ينشر المعرفة على اد ما يقدر
وبالتوفيق ياباشا

انا رائي عكسك انا شايف ان حزام الامان من اخطر ما يمكن عند حدوث الحوادث يعني انا عملت مرة حدث ومكنتش لبس فيه حزام الامان وسبحان الله لو كنت لبس الحزام كان زمان الناس كلها هتبقا بتقطع فيه علشان يطلع لي ان العربية لفت بيا ودخلت بي جمبها في عمود في العربية عاملت زي صفحية السلمون
ومرة تانية كنت راجع من المعهد وترعة المريويطية عيل وقع فيها بي ميتسوبيشي لانسر وواحد ابن حلال سواق نص نقل ركن ولفن نفسة بي سلبه وربطها في العربية النص نقل ونزل وراه وجابة ومكنش لبس حزام الامان
بس هو كل واحد ليه قدرة مش هيقدر يأمن نفسة من القدر اينما تكونة يدرككم الموت
انا بلبس حزام الامان في الشتا بس علشان بحس انه بيدفي وانا اي حاجة في الشتا بحب ازود بيها علي جسمي يمكن تدفي هههههههههههههههههههههههه

مع احترامي لوجهة نظر سعادتك وافتراض النصيب والقدر طبعا
لكن . . .
الحزام أمان ودي حقيقة مثبتة على مدى سنين
وفكرة ان الجهل منتشر وان الناس مش بتعرف تدوس على زرار الحزام عشان تفكه ف العيب مش ع الحزام!!!