اعرف افضل الزيوات العالمية للمحركات

[ls1090]

اوك تمام طب ليه بقا الصني 40-5 و السيراتو 30-5 مع ان علي حت نظري ان موتور السيراتو احمي من موتور الصني يعني المفروض يكون عاوز لزوجه اعلي من الصني!
علي كدا شيل الي انا بستخدمه 50-15 دا كل الموتور خلاص :((

الموضوع ملوش علاقة باحمى ولا ابرد الموضوع ليه علاقة بالباستم والصغط وطرمبة الزيت
اغلب النيسان كدا بس تعرف sky line اللزوجة الى موصى بيها هى 5w-30 عربية سوبر سبورت
الموضوع معقد
مواضيع معقدة وللعلم انت ظالم الموتور علشان الزيت المعدنى الى انت بتحته التحلقى افضل بمراحل
انت ادخل الى اى موقع زيوت وادخل بيانات عربيتك شيل موبيل فالفولن لكوى مولى هيختار 5w-30
وبالنسبة لعصير القصب انا مش بستخدمة انا بستخدم عصير مانجو انا من الشرقية
اى استفسار تانى

[M.Akef]

حتي لو في مش هقول :)
مع انها غريبه بردو يا راجل يعني الاسكاي لين 30-5 و الموتير الرياضيه في كاستورال 60-10 فعلا الموضوع عقد انا هحط 30-5 او 40-5 و اريح دماغي بقا
الف شكر يا باشا و اسف اني صداع جدا النهردا بس معلشي بقا و تشرفت بمعرفتك (اول مره اعرف ان الشرقيه فيها منجا الصراحه) :)

[M.Akef]

تصدق نسيت اسال علي الاسم
حضرتك الاستاذ ايه بقا
انا محمد عاكف d:

[ls1090]

تصدق نسيت اسال علي الاسم
حضرتك الاستاذ ايه بقا
انا محمد عاكف d:

انا محمد رشدى اهلا وسهلا لو عايز تسال على اى حاجه قول

[M.Akef]

لا الف شكر يا معلم انت مخلتشي اي حاجه احتاج اسأل فيها :)
و مفيش مانع من المراجعه بردو
50 او 40 دي اللزوجه كل ما تزيد كا ما تبقا اعلي و الزيت بيبقا اتقل
5 او 10 دي استحمال الزيت للحراره
مظبوط كدا يا معلم :)

[ls1090]

لا الف شكر يا معلم انت مخلتشي اي حاجه احتاج اسأل فيها :)
و مفيش مانع من المراجعه بردو
50 او 40 دي اللزوجه كل ما تزيد كا ما تبقا اعلي و الزيت بيبقا اتقل
5 او 10 دي استحمال الزيت للحراره
مظبوط كدا يا معلم :)

لا
sae 5w-30

هو مقياس لسرعة سريان الزيت داخل المحرك كلما انخفض الرقم زادت سرعة السريان
الزيوت نوعين احادى الدرجة وده sae 50 لا يفضل للسيارات الحديثة
النوع الثانى sae 5w-30 مثلا
الرقم الاول بتاع حرف w ده المقصود بيه درجة السريان عند بدا تشغيل المحرك والرقم 5 و0 احسن رقمين لان سرعة السريان عالية والزيت اعلى يقال يتم التزيت فى خلا 1.3 ثانية علميا المحركات تتاكل فى بداية التشغيل اسرع
نجى للرقم الثانى الى هو 30 درجة سريان الزيت عند ارتفاع درجة حرارة المحرك
فى معلومة ثابتة كلما ذاد الرقم الثانى الى هو 30 الى 40 او 50 استهلاك الوقود ارتفع والاداء قل ولكن التبخير هيكون اعلى
الكلام ده بالنسبة للكورى المحركات gamma cvvt
والنهاية اتبع توصيات المصنع سيبك من الكلام الى مياكلش عيش اصل 5w-30 مينفعشى للحرارة العالية الموضوع تجارى

[M.Akef]

اوك تمام يا معلم طب في ليكوي مولي اجيب اي موديل 30-5 لان في كزا موديل

[ls1090]

اوك تمام يا معلم طب في ليكوي مولي اجيب اي موديل 30-5 لان في كزا موديل

top tec 4200 5w-30
او top tec 4600 5w-30

[mahmoudselim]

الاختبارات دي اغلبها ان ماكنش كلها دعاية للشركات
والشركات دي بتدفع تمن الدعاية دي مش ببلاش يعني.

[M.Akef]

الف شكر يا باشا d:

[ls1090]

الاختبارات دي اغلبها ان ماكنش كلها دعاية للشركات
والشركات دي بتدفع تمن الدعاية دي مش ببلاش يعني.

معلش يا باشا مش واخذ بالى حضرتك تقصد ايه ممكن توضح
حضرتك تقصد ان الشركات ديه بتدفع فلوس علشان التقيم
مع العلم ان موتور كرفت من اكبر الشركات فى العالم !!!!

[mahmoudselim]

معلش يا باشا مش واخذ بالى حضرتك تقصد ايه ممكن توضح
حضرتك تقصد ان الشركات ديه بتدفع فلوس علشان التقيم
مع العلم ان موتور كرفت من اكبر الشركات فى العالم !!!!

لا مش شرط ان موتور كرفت بتدفع يعني علشان تطلع في تقييم زي دا
ممكن شركة تانية منتجاتها سيئة وتدفع علشان تتحط في قايمة زي دي
حتي لو اتحطط في اخر الترتيب بس اسمها في القائمة
ومع ان شالله شركة واحدة معروفة بجودة منتجاتها.

بس ممكن اعرف منك هي موتور كرفت اكبر شركة مبيعا في العالم ولا اكبر شركة منتجة في العالم؟

[ls1090]

لا مش شرط ان موتور كرفت بتدفع يعني علشان تطلع في تقييم زي دا
ممكن شركة تانية منتجاتها سيئة وتدفع علشان تتحط في قايمة زي دي
حتي لو اتحطط في اخر الترتيب بس اسمها في القائمة
ومع ان شالله شركة واحدة معروفة بجودة منتجاتها.

بس ممكن اعرف منك هي موتور كرفت اكبر شركة مبيعا في العالم ولا اكبر شركة منتجة في العالم؟

انا يا كبير مقلوتش ان موتر كرافت اكبر شركة انا بقول انه من كبرى الشركات العالمية
ذى شيل كاسترول موبيل فالفولين شيفرون بترومين
للعلم اكبر شركة فى الانتاج هى اكسون موبيل
موتر كرافت شركة امريكية تشتهر بانتاج الزيوت والبطريات
الزيت المعتمد للفورد فى اغلب دول العالم
كنت اتمنى ان الزيت ده يكون ليه وكيل فى مصر
اشتهر فى دول الخليج وخرج كاسترول من السوق
اول زيت انتج بتقنية api sn بصحيح فى شركة حديثة فى مصر بتقول عنده زيت sn روحت علشان اجيبه لقيته sm عادى رجعت لشكل العبوة لقتاه sm نزلت ال pdf لقتها sm

[mahmoudselim]

انا يا كبير مقلوتش ان موتر كرافت اكبر شركة انا بقول انه من كبرى الشركات العالمية
ذى شيل كاسترول موبيل فالفولين شيفرون بترومين
للعلم اكبر شركة فى الانتاج هى اكسون موبيل
موتر كرافت شركة امريكية تشتهر بانتاج الزيوت والبطريات
الزيت المعتمد للفورد فى اغلب دول العالم
كنت اتمنى ان الزيت ده يكون ليه وكيل فى مصر
اشتهر فى دول الخليج وخرج كاسترول من السوق
اول زيت انتج بتقنية api sn بصحيح فى شركة حديثة فى مصر بتقول عنده زيت sn روحت علشان اجيبه لقيته sm عادى رجعت لشكل العبوة لقتاه sm نزلت ال pdf لقتها sm

والله انا اشتريت زيت من ليكوي مولي من موزع القاهرةSN
ودا اللنك بتاعة علي موقع الشركة

http://www.liqui-moly.de/liquimoly/produktdb.nsf/id/en_3863.html?Open........&land=DE

وعن تجربة هو زيت ممتاز جدا .

[ls1090]

والله انا اشتريت زيت من ليكوي مولي من موزع القاهرةSN
ودا اللنك بتاعة علي موقع الشركة

http://www.liqui-moly.de/liquimoly/produktdb.nsf/id/en_3863.html?Open........&land=DE

وعن تجربة هو زيت ممتاز جدا .

هو شكله زيت كويس المشكلة عدم توافر انواع كثيرة الموزع بيدعى انه لاتصلح لجو مصر والكلام ده مش صحيح والمشكلة الاكبر انه لم يوفر مراكز توزيع كتيرة
الرابط مش شغال لو حضرتك تقصد Leichtlauf High Tech 5W-40 الزيت ده sm
اتاكد من الى مكتوب على العبوة
انا روحت اجيبه من موزع مصر الجديدة العبوة كان مكتوب عليه API SM وديه صورته للتاكد




لو حضرتك تقصد نوع تانى ممكن تقولى عليه ولك جزيل الشكر