تعالا قولنا عربيتك خدت الختم المصرى ولا لأ

[Ahmed Nasser]

بسم الله الرحمن الرحيم
السلام عليكم ورحمة الله وبركاته


الموضوع ياشباب باين من عنوانة
اللى اعرفة ان العربية اللى بتمشى فى مصر لازم تتختم
قول عربتك خدت الختم من مين فى مصر
توك توك ولا موتوسكل ولا عربية والا اية

انا عن نفسى اتعلمت من تلات حاجات
اولا توك توك
كان ساعتها والدى اللى كان سايق وتوكتك لبس فية الوش بالوش ازاى مش عارف
الخسائر
الاكصدام اتعوج لفوق شوية

ثانيا موتسكل
كان جاى فى المقابل وجد المراية الشمال فى وشة خلعها من مكانها اساسا
وبعدها ماشفتوش .... جرى
الخسائر
المراية ماعملتش مراية تانى

ثالثا عربية ربع نقل
دة بقى خد الرفرف والفانوس الشمال فى وشة
الخسائر
فانوس جديد وسمكرة الرفرف

رابعا كلب
كنا ماشيين 160 وفاجئة طلع علينا كلب فى وسط الطريق وربنا سترها
الخسائر
الاكصدام اتكسر من تحت بس مش باين


والحمدلله على كل حال
يلا من اللى اتختم الختم المصرى تانى

[Ashraf_Ibrahim]

اول ختم خدته عربيتي كان من عربية لانسر بومة جنب في جنب
الخسائر:-
الجريدتين بتوع الباب اتخلعوا عندي ودهانه طبع على العربية عندي عملته مفيش مشكلة بشوية تنر والجريدتين بانبوبتين ايبوكسي قمت مركبهم تاني لأن كلبساتهم اتكسروا
الخسائر في البومة:
المراية الشمال بتاعته اتكسر
خبطة في باب السائق والرفرف بتاعه -معرفش ازاي-
وطبعا مصلحتلهوش حاجة لأنه هو الغلطان !

[Haitham10]

ياباشا دى مش اختام

الختم لما تاخدلك بوسة عنيفه وانت راكن
لما تاخدلك كام شرطة ولا رسمة بحاجة حادة علي بوية زيرو


عموما الاختام دى شغاله معايا بس للاسف والعربيه مركونة تحت البيت واخدت العيديه كمان :)

وكان في موتوسيكل شكمانه دخل عندي في الاكصدام ورشق كان منظره مضحك وهو بيحاول يفك نفسه ويخلع ..... الغريب انا كنت واقف وهو الي ريح لورا كام متر كإنه عربيه وبيتعلم سواقة !!

اما التكاتك معتقدش حد من حضراتكم يقدر يسوق دقايق هنا لان التكاتك اكتر من عدد البني ادمين والي يعيش هنا بيعرف يتعامل معاهم والغريب بيكون ظاهر اوي

[Elawany13]

الختم اللى اخدته

http://www.nilemotors.net/Nile/229585-a.html

[ahmedfathi]

اول يوم العيد والعربيه راكنه قدام البيت ومتغطيه كمان
اجى اشيل الغطا عشان اخرج اروح لخطيبتى اعيد عليها الاقى القانوس اللى ورا يمين مدغدغ ولمبه الاشاره محروقه
حسبى الله ونعم الوكيل

[Khaled_Nowaihy]

أنا بقى واخد ختم هندسى فى الاكصدام الخلفى !!!
عربية كانت واقفة ورايا فى الاشارة ... اتخبطت من عربية تانية وراها واتنطرت ودخلت فى الاكصدام الخلفى
المسارين بتوع اللوحة المعدنية عملوا خرمين فى الإكصدام بنفس المقاس ومظبوطة !!!!

[wama1903]

توك توك
يوم الجمعه !!! الساعه 8 الصبح !!! والعربيه مركونه تحت البيت
الرفرف الوراني شمال و العجله اتخرمت

سوائقيين التكاتك دول ......... سواقين فمصر

[moh19227]

أنا بقى واخد ختم هندسى فى الاكصدام الخلفى !!!
عربية كانت واقفة ورايا فى الاشارة ... اتخبطت من عربية تانية وراها واتنطرت ودخلت فى الاكصدام الخلفى
المسارين بتوع اللوحة المعدنية عملوا خرمين فى الإكصدام بنفس المقاس ومظبوطة !!!!

لا دي حلوه
انا لسا الحمدلله مجبتش عربيه بس في واحد صاحبي لسا جايب صني زيرو من كام يوم كده كان راكنها قدام الشغل بتاعه طلع لقي علامه اكس حلوه كده علي نص الكبوت اليمين ومعموله بمعلمه -- هو تقريبا اللي عمله الاكس كان عاوز يخرم الكبوت بس معرفش --

[saadelden]

عادي اما انزل الاقي جنب العربيه كله محكوك و الرفرف القدماني مخبوط !!
غير طبعا شويه حاجات صغيره علي كيفك
ترييح ع الاكصدام لحد ما ف مره القعده بتاعته اتقطمت
فيه ناس بتزق العربيه بغشوميه كأنها عربيه اهلهم !!!! حتى لو معشقها بردو بتتزق !!
تجريحات خفيفه من هنا و من هنا!

بس ها نقول ايه غير حسبي الله و نعم الوكيل

[zizo50001]

انا بقى كل الاختام اللى عندى و انا واقف تقريبا
اول حاجة وانا واقف بجيب عيش توك توك ابن حلال دخل فى الاكصدام اللى ورا عوج فية حتة صغير بس شال منها البوية وكنت يوميها مضايق جدا
بعديها بكام شهر انا متعود على طول اغطى العربية المهم فى يوم نزلت اشيل الغطة لقيت واحد بردة من ولاد الحلال دول راسم قلب على الاكصدام اللى وارا وعامل سمهم و كاتب حرف ام و اس وكاتب بحبك اوى يعنى ابن الجزمة دة خلاص جى يعرفنى انة بيحبها اوى وانا مال اهلى انا
اخر مرة من قريب من حوالى شهر راكن فى حتة فضية جدا عند بتاع شكمانات بيركبلى جوان فى الشكمان المهم المحل بتاع الشكمانات دة فى ممر و والراجل مستغل الممر للمحل المهم واقف وقاعد قدام العربية عند الراجل وجمبى على الشمال عربية بيجو 504 وصاحب العربية كان خارج و الراجل بدل ما يكسر يمين و هو خارج كسر شمال بس الحمد لله انا سمعت صوت الخبطة قولت الرفرف و الباب و الفانوس هلقيهم فى الضايع الحمد لله لقيت الخسائر ان البوية وقعت من على الاكصدام واتفك من الجمب وركبتة تانى الخسائر فى البيجو الرفرف اتعوج جامد ودة اللى مكنتش متخيله

[zizo50001]

أنا بقى واخد ختم هندسى فى الاكصدام الخلفى !!!
عربية كانت واقفة ورايا فى الاشارة ... اتخبطت من عربية تانية وراها واتنطرت ودخلت فى الاكصدام الخلفى
المسارين بتوع اللوحة المعدنية عملوا خرمين فى الإكصدام بنفس المقاس ومظبوطة !!!!

ههههههههه
انت عارف الحوار دة بيحصل معايا بس مش اوى كدة ديما فى واحد بيركن ورايا راجل كبير وعندة نفس المسامير الرخمة دى كل انزل الاقى الاكصدام اللى ورا معلم فى على قد المسمار لحد ما زهقت وبقيت اركن بعيد عنه

[titos_81]

يا راجل ده الواحد شبع اختام من كل شكل ولون لما حبر الختامه خلصو بعتنا نجيب حبر تانى المشكله ان السواقه فى مصر مش محتاجه احتراف و انما محتاجه مهارات قتاليه و برود متناهى و عدم مبالاه

[zizo50001]

يا راجل ده الواحد شبع اختام من كل شكل ولون لما حبر الختامه خلصو بعتنا نجيب حبر تانى المشكله ان السواقه فى مصر مش محتاجه احتراف و انما محتاجه مهارات قتاليه و برود متناهى و عدم مبالاه

عندك حق والله بس زود عليهم فعلا الاحتراف يعنى الواحد مش عارف هياخد بالة من الحفر و لا من البلاعات العالية و لا المطبات المفاجئة ولا من اللى بيرمى عليك ولا من اللى مش بيعرف يسوق ولا من سواقين الميكروباصات و التاكاسى و التريلات ولا الرصيف اللى طالع برة و مش باين ولا اية تانى الواحد زهق
والله انا بحس ان اللى بيتعلم فى مصر السواقة بيبقى محترف بسبب الضغوط اللى بتحصل طول ما هو ماشى

[titos_81]

عندك حق والله بس زود عليهم فعلا الاحتراف يعنى الواحد مش عارف هياخد بالة من الحفر و لا من البلاعات العالية و لا المطبات المفاجئة ولا من اللى بيرمى عليك ولا من اللى مش بيعرف يسوق ولا من سواقين الميكروباصات و التاكاسى و التريلات ولا الرصيف اللى طالع برة و مش باين ولا اية تانى الواحد زهق
والله انا بحس ان اللى بيتعلم فى مصر السواقة بيبقى محترف بسبب الضغوط اللى بتحصل طول ما هو ماشى

لا بقى الشوارع و الحفر دى قصه تانيه خالص نفسى يعملوا البلاعات متساويه مع الشارع انما طبعا ده حلم يا اعلى يا اوطى و نفسى افهم ليييه و المطبات اللى بيعملها عاده حاقد حقد اسود على كل اللى راكب عربيه فينتقم منه

[تامر.محمد]

موتوسيكل لطش فيا من ورا , طير بوية طرف الاكصدام
و انا مرة لمست في ميني باص , عمل لي خط على الباب الوراني , بعد رده على البارد فضل الخط عايز يترش