مساعده في كبوت ال 128 (البطاريه اتسرقت )

[khaled_bibo]

بسم الله الرحمن الرحيم

قدر الله و ما شاء فعل

امبارح كنت نايم و صحيت على صوت جارتنا بتخبط و تقول ان في بتاع 15 عربيه بطاريتهم استرقوا

يادوب سمعت الكلمه نطيت من على السرير و نزلت بفتح الكبوت مالقتش البطاريه

و مش عاوز اقولكوا الواحد نفسيا عامل ازاي مش عشان البطاريه نفسها عشان حاجة اتاخدت

غصب عنك

روحت سألت على اسعار البطاريات لقيت الكلورايد السايله ب 320 جنيه!!!!!!!!!!!!!!!

و الجافه نوع اسمه bendex كان ب 450 جنيه !!!!

و اللي اتسرقت كنت جايبها نوع اسمه Marchtelli كانت ب 300 جنيه (كانت احلى حاجة في العربيه و الله ) يوم 2/1/2011 و

مكملتش سنه سبحان الله يعني الحرامي هيبعها بب 50 جنيه و يجبلوا حتتين بانجو و يحرق دمي انا بس

دلوقتي عاوزكوا تفكروا معايا في حل لكبوت ال 128 عشان البطاريه متتسرقش مع استبعاد الاتي

1- فكرة جنزير حوالين البطاريه عشان جاري كان عملها في 128 برضه و كسروا السلسله و خدوا البطاريه ( و العربيه كانت متغطيه كمان !!!!!!!)

2- فكرة الانذار عشان برضه موقفتهمش

3- فكره الجراج عشان انا عندي جراج تحت بيتي و سيبت العربيه مره قبل كده فيه و الفيران اكلت الفرش و السلوك و اتبهدلت عشان اعملهم

و معلش طولت عليكوا بس حبيت افضفض لأني جايب اخري

[Mostafa.Mahran]

انا علشان البطارية لسه جايبها جديدة و بصراحة خايف عليها فاول حاجة اتاكدت من اللسان الى بيقفل الكبوت يكون مظبوط و بيقفل كويس و تانى حاجة عامل على البطارية قفل حديد + و مربوط بمسامير جامد من تحت و تالت حاجة انا اساسا حاطط العربية فى الجراج

[khaled_bibo]

انا علشان البطارية لسه جايبها جديدة و بصراحة خايف عليها فاول حاجة اتاكدت من اللسان الى بيقفل الكبوت يكون مظبوط و بيقفل كويس و تانى حاجة عامل على البطارية قفل حديد + و مربوط بمسامير جامد من تحت و تالت حاجة انا اساسا حاطط العربية فى الجراج

الفكره ان مهما عملت في الكبوت بيتفتح هما ليهم طريقتهم

[Mostafa.Mahran]

هى الفكرة كلها انك بتحاول تاخر موضوع السرقة يعنى الحرامى ياخد وقت اطول و هو بيسرق الحاجة و ده على أمل ان ممكن حد يشوفه او حد يكون معدى ولا حاجة

وربنا يستر و يعوضك خير فى البطارية

[khaled_bibo]

اتصدق لو خدت بالك انهم سرقوا 15 بطاريه يعني كانوا تشكيل وواضح كمان انهم كانوا جاهزين لأي حد بطلع يقولهك بـــــــــــــم حسبي الله و نعم الوكيل

[mesaharaty]

العوض على الله فى كل حاجة ... أخلاق - بطارية ..... أى حاجة

[mohkhattab]

ربنا يعوض عليك ، انا حاسس بيك لان الموضوع دا اتعمل فيا فى يوم وقفة العيد الصغير ، بس انا بقى مختلف عنك انا كسر الزجاج اللى جنبى و فتح الكبوت و سرق البطارية و كانت برده لسه مكملتش سنة .
حل الكبوت ملوش حل غير تركب تقفيصة للبطارية ، وربنا يسترها .
و معلش انا عاوز اقولك انا جبت bendex 55 امبير بـ 350 جنيه ، و دا من شهرين . فا مش ممكن تكون زادت 100 ج فى شهرين . لو عاوز اقولك انا جبتها منين قولى و انا هدلك و انا تحت امرك .

[YaSSerwIN]

ياريت يا رجالة الى عامل تقفيصة او اى حاجة تصعب فك البطارية يحط صور ليها

[eslamspirit]

ربنا يعوض عليك
هي حكاية كبوت ال 128 مالهاااااااش حل
اي عيل صغير بيفتحة بطريقة بسيطة ... دا حتي انا ساعات باكسل افتح الباب و افتح الكبوت علي طول من برة . ههههه
البطارية اتسرقت عندي من حوالي 7 شهور ... و المصيبة اني باركن تحت شباك قسم شرطة
روحت عند واحد حداد و عملت زي افيز للبطارية عبارة عن خوصة حديد ثابتة و في الجهة المقابلة خوصة تانية بمفصلة و مكان للقفل
و جبت قفل اغلي من الافيز نفسة.. هههه قد نص البطارية
و الحمد لله لغاية دلوقتي الطريقة دي مجدية
بس اهم حاجة تبقي تخانة الحديد كويسة و تحاول تغطي العربية برضة الحرامي مابيميلش للعربيات المتغطية
و ربنا يحفظنا جميعا

[Elawany13]

http://www.nilemotors.net/Nile/236015-a.html

[Ashraf_Ashraf]

اغلب الفيات اللى بيفتح بنفس طريقه ال128 كلهم قفلهم ضعيف وبيتفتح بمد الايد من تحت الكابوت وانا فكرت كتير فى علاج للمشكله لقيت لازم يتغير مكان القفل ونوع وبالتالى لازم لحام وكده فقفلت لا
بس فكرت فى شئ انك على نفس مكان القفل ممكن تستخدم مكان المسمارين وتركب شريحه حديد تخينه ومن فتحت الهوايه تربط الكابوت بمسمارين النكيه او نجمه دول هايخدوا وقت فى فكهم واعتقد ده انسب حل للمشكله
او تستخدم فكره الاخ eslamspirit فكره كويسه برضوا

[شاهين - بنز]

ربنا معاك لإني مجرب موضوع سرقة البطارية وعارف أد إيه يحرق الدم
أما تيجي تشغل العربية الصبح تلاقيها قاطعة تفتح الكبوت تلاقي بطاريتك مسروقة بيبقى ساعتها نفسك تمسك الحرامي وتقتله حقيقي مش هزار
أنا في أقل من سنة إتسرق مني بطاريتين والإتنين كانوا لسه جداد

[khaled_bibo]

ربنا معاك لإني مجرب موضوع سرقة البطارية وعارف أد إيه يحرق الدم
أما تيجي تشغل العربية الصبح تلاقيها قاطعة تفتح الكبوت تلاقي بطاريتك مسروقة بيبقى ساعتها نفسك تمسك الحرامي وتقتله حقيقي مش هزار
أنا في أقل من سنة إتسرق مني بطاريتين والإتنين كانوا لسه جداد

فعلا و الله انا لو عرفت مين اللي سرقها مش هيطلع من تحت ايدي سليم