هو اية اكبر عدد من الكيلومترات ممكن يتعمل في عمر العربية

[dr_abooody]

السلام عليكم

الواحد لما يشتري عربية جديدة بيكون خايف عليها طبعا

انا من سنتين اشتريت النترا 2009 زيرو

بس حاسس ان استهلاكي ليها عالي اويييييي

انا عامل حوالي 36 الف كيلو في سنتين يمكن اقل

بعمل في اليوم متوسط 100 كيلو بمشي في طرق مطبات كتير بس بحاول على مهلي براحة عشان العربية ما تتأثرش

انا بعمل الاصيانة و بانتظام و بغير الزيت في ميعادة و بربط عفشة و الفلاتر طبعا كل دة في التوكيل

هل لو انا فضلت على كدة العربية الموتور و العفشة هيتعبوا

انا اقصد الاستخدام الهادئ لكن بقطع كيلوهات كتير هل العربية هتودع بدري بدري

دة مع الاستخدام العادي ما عدا اي حوادث ربنا يحفظنا جميعا

[HeMa_LanCeR]

حسب استخدامك للعربية طبعا
يعني ممكن في ال 40000 تلاقيها بقت خردة
وممكن تفضل ماسكة نفسها لحد 200000 :)
عموما العربيه بعد ال 100000 بتحتاج تغير شوية حاجات مش في الصيانة الدورية بتاعتها
يعني هتبتدي تغير القطع اللي مش استهلاكية
وربنا يحفظك ويحفظنا جميعا من كل سوء

[minicooper20]

انتا طيب اوى يا باشا
36 الف كيلو فى سنتين ياعنى الف18 كيلو فى السنه تقريبا
ربنا يباركلك و دوس دنتا كده مدلعها

[kar!m]

المتوسط دلوقتى 20 ألف كيلو فى السنة.

[rompo10]

في ناس بتوصل ل 100000 في سنه ونص

[hazem_8868]

العربية دلوقتي عاملة 99000 و جاية من شهر 3 ( لانوس 2011 )
بس للأمانة العربية بقت كفتة .. منصحش أي حد بيها تماما ..اردئء عربية ممكن حد يركها
كان معايا قبلها نوبيرا عملت بيها 230000 في سنة و نص كانت زي الفل .. لكن اللانوس .. (زباااااااالة )

[zezozezozezo]

يا باشا عمر الموتور بيقاس بى السواقة هل بتريح الموتور فى الغيارات يعنى بتحرق على الغيار ولا سواقتك كويسة والصيانة والذى منة لو استخدمك كويسة الموتور يعيش كتير قوى قوى بس بالاستخدم الكويس طبعا وربنا معاك كدة استخدامك كويس جدا

[ahmedsrs]

العربية دلوقتي عاملة 99000 و جاية من شهر 3 ( لانوس 2011 )
بس للأمانة العربية بقت كفتة .. منصحش أي حد بيها تماما ..اردئء عربية ممكن حد يركها
كان معايا قبلها نوبيرا عملت بيها 230000 في سنة و نص كانت زي الفل .. لكن اللانوس .. (زباااااااالة )

هههههههه 99000 ربنا يباركلك فيها انا كان معايا لانوس وفتحت بقها بعد 90 الف
مع انى بحافظ

[AutoTycoon]

انا عملت السنة دي 26 الف كم بهيونداي فيرنا و آخر حلاوة طالما بعمل الصيانات

[sheko_2000eg]

هههههههه 99000 ربنا يباركلك فيها انا كان معايا لانوس وفتحت بقها بعد 90 الف
مع انى بحافظ

و الله حرام الظلم في اللانوس
انا بعت اللانوس 2 السنة اللي فاتيت و كانت موديل 2005 و كانت ماشية 130000
و اقسم بالله ان اللي اشتراها لسة بيشكرني لغاية دلوقت و كنت بيعهاله و الله زي الفل
و واقفة علي حيلها مشاء الله.

[dr_abooody]

حسب استخدامك للعربية طبعا
يعني ممكن في ال 40000 تلاقيها بقت خردة
وممكن تفضل ماسكة نفسها لحد 200000 :)
عموما العربيه بعد ال 100000 بتحتاج تغير شوية حاجات مش في الصيانة الدورية بتاعتها
يعني هتبتدي تغير القطع اللي مش استهلاكية
وربنا يحفظك ويحفظنا جميعا من كل سوء

هي القطع اللي مش استهلاكية دة زي المقصات و الجلب

و المفروض التيل بيتغير امتى و الطنابير ليهم كيلوهات معينة

انا زيت الفرامل نزل تقريبا للنف و مش بيتزود في الصيانات هل لما ينخفض اكتر لازم اغير التيل و لا بملاه و خلاص

الف شكر يا باشا

[Ashraf_Ibrahim]

مفيش مقياس معين لعمر العربية او الموتور
المقايس هو طريقة سواقتك والصيانات الدورية ليس الا
انا العربية بقالها معايا سنة ونصف وعامل بيها 36600 كم ودا يعتبر نسبيا عالي لأن المتوسط تقريبا 20000 كم في السنة
بس زميلي عمل بالفيرنا في سنة واحدة 55000 كم فدا عادي جدا
طول مانت مراعي العربية في الصيانات والسواقة بتاعتك كويسة يبقا متقلقش عليها هتفضل ماشية اقصى عدد كيلومترات ممكن للموتور بتاعك
وربنا يحفظهالك يا رب

[HeMa_LanCeR]

هي القطع اللي مش استهلاكية دة زي المقصات و الجلب

و المفروض التيل بيتغير امتى و الطنابير ليهم كيلوهات معينة

انا زيت الفرامل نزل تقريبا للنف و مش بيتزود في الصيانات هل لما ينخفض اكتر لازم اغير التيل و لا بملاه و خلاص

الف شكر يا باشا

جلب ومقصات وبلي واسطوانة او كوبلن
او طرمبة بنزين او دينامو او مارش والخ .......
يعني حاجات تغيرها لأول مرة
التيل والطنابير مالهمش كيلو معين طبعا هو ليهم كيلو تقريبي وليس مقياس
بس كل صيانة بيتبص عليهم
ومدام الزيت نقص يبقي ده اشارة ان التيل بيخلص (غير مؤكد100%)
وزيت الفرامل مش بيتزود لأنك لما هتغير التيل هيزيد تاني لوحدة

[osamaelbaz]

انا معايا ماتريكس 2008 وماشاء الله مغيرتش فيها حاجة وعامل بيها 130 الف كيلو

[minicooper20]

انا كان معيا جيتا 2006 بيعها 160 الف كيلو و مغيرتش مقصات و لا بيض ولا اى حاجه هى صيانه دوريه فقط